انا هنا يا جماعة الخير عشان أتكلم عن مواضيع تحصل في الواتباد و جد قاهراني عشان كذا حبيت افضفض لكم و تفضفضوا لي و نخرج من جو المسابقة شوية
اخيس شي لم يكون الغلاف خربان يعني يجي البطل مدرعم فوق راس البطلة و البطلة واقفة على جنب و رأسها تقل راس فضائي ولا شخابيط فوق البطل او البطلة و الخط مخيس ويسد النفس ، او يكون الغلاف ما يناسب فكرة الرواية بالمرة يعني انتي تكونين تبين روايات اكشن و متحمسة و تلقين رواية غلافها حلو و فيه مسدسات و كذا يعني و فجاءة تلقين الرواية كوميدي طيب ليه كذا يالغلا تلعبين بمشاعرنا ؟ و انا صراحة ما احتسب الغلاف في المسابقة بس كا قارئة أحتسبه لانه يعتبر مظهر الرواية و هو الي يجذب القارئ للرواية .. يوم من ايام كنت اقرأ و شفت رواية حلوة و غلافها مع احترامي الشديد زق قلت حرام شكلها متعرف تسوي و صديقاتها يسلكون لها و يقولوا حلو قلت يلا وش بخسر سويت لها غلاف يعني على حسب قول لجنة التحكيم الي عندي حلو الكاتبة الي مانيب قايلة حطته ساعة وحدة بس و بلكتني ! ليش ؟ لا تسألوني
خلاص خلصنا من الغلاف و كلشي نروح للوصف اح من الوصف بس كل ما اذكره يعورني قلبي
طبعاً الوصف لازم له تكتيك و تخطيط و قهوة جنبك و كذا يعني مو تجي تكتبين
إيميلي عمرها ١٠ سنوات اَهلها ماتوا لما كانت حيوان منوي حياتها مأساوية ، فقيرة تعاني من التنمر تلتقي هاري الغني الذي يعيش في رخاء و الي امه ماتت و تزوجت شخصاً اخر ما يدخل في بلعومه و حاول العديد من المرات قتله و لكنه فشل فهل سوف تحبه ام سوف تطقع عليه ؟
لا يا ماما مب كذا يرحملي والديك و يسكنهم فسيح جناته طيب يعني اذا انتي تبين تسوين رواية ليش تختصرين أحداثها في الوصف يعني انا ليش بتعب نفسي و اقرأ روايتك و انتي ماشاء الله تبارك الله كاتبها في اربع اسطر ؟
النوع الثاني الي يخلي الوصف مره غامض و ما ينفهم منه شي يعني ...
سوف اداعب شعر رأسك الى ان تنامي و ان لم تفعلي سوف العب مع كلبك تحت ضوء الشمس في الربيع
واوز انا بكذا عرفت ان عندها كلب و تحب فصل الربيع (:
وبعدين يعني ؟ وش وضع الكلب الي بيلعب معاه ؟ شدخله أصلاً في الرواية و بعدين هذا يسمى وصف الي يصف داخل الرواية وهو مهم اكثر من الغلاف بكثير لانه يعتبر جزء مصغر من الرواية
أنت تقرأ
New idea for Arabic stories
De Todoهذا الكتاب يضم كل الروايات التي تعتبر فكرتها جديدة و مبتكرة كل الروايات الموجودة من اختياري
