الجزء الاول
قاعد قدام قبرها وماسك مذاكرتها ويقرأ فى اول صفحة وهى كالتالى! ! .....
عارفة انكوا متشوقين اوى للحكاية زى ما انا كمان متشوقة احكيها
ليكوا زى ما قولت قبل كده مش عارفة ابدا ازاى اصل انا بصراحة متوترة اوى مش عارفة هتحبونى ولا هتكرهونى ولا ايه انا مش عارفة اللى انا عملته دا صح ولا ايه بس بصراحة غصب عنى مش انتوا بتقولوا القلب وما يريد اعمل ايه بقى طبعا انتوا مش فاهمين حاجة عشان كده خلينا نبدا من الاول اعرفكوا بنفسى انا مللك 18 سنة حلم عمرى انى ادخل هندسة بس امى نفسها فى طب عشان كده دخلت علمى علوم بصوا هو بصراحة عشان حاجة تانية بس ظاهريا عشان ماما خلينا فى المهم انا قصتى غريبة زى ما قولت طبعا الاغلبية فاكر ان انا حبيت زميلى فى الجامعة والجو دا لا انا قصتى هى قصة حب طفولي بس على كبير شوية بردو الاغلبية فاكر ان اللى حبيته ابن الجيران او زميلى فى المدرسة لا اللى حبيته يبقى ......
نرجع سنين كتير لورا كدا
عليا : ملك يا ملك انتى يا بنتى اصحى يلا بقينا الظهر
ملك :
Zzzzzzzzz
عليا : انتى يا بنتى قومى بقى عشان فرح ابن خالتك
ملك :
ZZZZZZZZ
عليا : يااااا ملللللللللك
ملك : ايه ايه فى ايه يا ماما حد يصحى حد كده
عليا : وفى حد ينام دا كله
ملك : طب يعنى انا لما هقوم هعمل ايه مش فاهمة انا
عليا : يلا بسرعة ظبطى نفسك عشان فرح ابن خالتك
ملك : اه صح تصدقى نسيت
عليا : يلا قومى بسرعة
ملك : حاضر حاضر حاضر
امى مدام عليا حرم الاستاذ مجدى المستشار القانونى
امى يا جماعة طبعا انتوا اكيد مش محتاجين انى اعرفكوا عليها انتوا اكيد عارفين الام المصرية تقولى فى حد من صحابك بيعمل اللى انتى بتعمليه دا ارد اقول اه تقول انا ماليش دعوة باصحابك هما احرار ام عجيبة بس بموت فيها اعمل ايه بقى امى خلينا فى المهم بقى عشان لو قعدت اوصف فى مدام عليا مش هنخلص نرج ليوم الفرح
نسيت اقولكوا ان انا قررت اتحجب فا انا قولا افاجئه فى الفرح بالحجاب اصل انا بصراحة مجنونة اوى
المهم لبست الحجاب وطبعا المفروض اننا نكون موجدين اول ناسى فى القاعة عشان اهل العريس والجو الاهبل دا المهم اول مادخلت كله اتفاجئ جدا
كلهم كانوا مستغربين ملك والحجاب ازاى ؟؟؟!!!! ما انا زى ما قولتلكوا مجنونة بقى
المهم قعدنا والعريس جهه وحضرنا الزفة وهيصنا ووقت واحنا قاعدين حسيت احساس غريب اوى لما عينى جت على يوسف ابن خالى
اه والله ابن خالى مالكوا بصراحة انا كونت عاملة زيكوا كده اصل انا كمان ماكونتش مصدقة والمصيبة بقى انى عشقته من غير اى حاجة
تعالوا اوصفلكوا يوسف
