شخبطه قلم

مصر

اللي يقولك مصر خراب
و اللي يقول بلد التراب
و اللي كاره انه منها
بعد ما عاش سنين ف خيرها
و اللي مش فاهم قيمتها
و اللي عايش مش طايقها
و اللي يقولك اهج منها
اخدت ايه من قعدة نيلها
و اللي مكسوف يدافع عنها
شايف انها عاهه ف زمنها
اللي مكسوف يقول بلدي
و اللي بيشتم كل جندي
و اللي جاهل معنى بلده
مهما خربت لسه امه
لسه بأدينا نرجعها
لسه نقدر نرفها
مصر الحضارة يا جهلة
ادونا بس وقت و مهله
هترجع مصر زي زمان
و هترجع تحس بالامان
مصر اللي مذكورة ف القرأن
مصر يا شعب مشتت حيران
انت يا باشا ياللي قاعد فيها
من قهوة لقهوة و بتشتم فيها
فاكر نفسك راجل بالكلام
و كلنا هنقفلك تعظيم سلام
لا يا بابا دا العيال زادوا واحد
شيل كلمه ذكر و حط مكانها
ابو قلب جاحد
لو راجل تدافع عنها
مش مصر اللي يقل مكانها
تشلها فوق راسك و تعمل فيها
تلاقي الخير يزيد و بأيدك بتعليها
و انتي يا بنت الحلال
راح خلاص زمان عنصريه الرجال
ليكي دور فيها و تقدري ترجعيها
مفيش انا بنت مش هقدر
بنات مصر مش ضعاف
داحنا نهد من الرجاله اللاف
لو كلنا عملنا بجد
لو اتعلمتو تسمعوا بعض
لو بدينا م البدايه
مصر هتفضل فوق للنهايه