After All 14: Birthday
by Revelations
Ng mismong araw ng birthday ko ay Nagising ako ng maaga sa pag-aakalang maaga darting si Jeff. Tinext ko siya kung nasaan na siya pero hindi siya sumagot. Inisip ko nab aka nahimbing ang tulog at hindi pa gumigising.
Samantala, tumawag namaan si Mike sa telepono.
“Happy birthday Bry!”
“Salamat. Punta ka mamaya ah.”
“Oo naman. Gusto mo ngayon na eh.”
“Haha. Pasaway ka.”
“Text mo nga pala sa akin yung directions. Baka maligaw pa ko.”
“O sige.”
“Sige bye. Happy birthday ulit.”
“Thanks.”
Dumating si Mike ng mga bandang 10 am. Siya ang unang bisitang dumating. Nagluluto pa lang si mama. Tinatawagan at tinetext ko si Jeff pero hindi pa rin sumasagot.
Tumulong na muna si Mike sa pagluluto habang inaasikaso ko naman ang mga dumadating kong kamag-anak at ilang kaibigan nina mama.
“Asan si Jeff?” tanong ni Mike.
“Hindi ko nga alam, eh. Dapat kanina pa siya andito. Hindi naman niya sinasagot tawag ko.”
Hapon na pero wala pa rin si Jeff. Tinwagan ko ulit siya ng sinagot ni Manang ang tawag ko.
“Hello si Bryan.”
“Manang andyan po ba si Jeff?”
“Ay naku sir umalis po kanina pang umaga. Naiwan nga po niya yung telepono niya dito eh.”
“Nasabi ho ba kung san siya pupunta?”
“May school project daw po. Bakit po sir, may lakad po ba kayo?”
“Ay wala manang. Sige salamat.”
“Nasan na daw?” tanong ulit ni Mike.
“May school project daw.”
“Baka naman…” hindi na natapos ni Mike ang sasabihin niya.
“Wag naman sana” tugon ko.
Sinusubukan kong kalimutan ang nangyari dati pero hindi ganun kadali. Sa twuing gagabihin siya o hindi makakarating sa usapan namin ay nagdududa na agad ako. Hindi na talaga bumalik ang buo kong tiwala sa kanya. Nag-iba na talaga.
Gabi na at umuwi na ang mga bisita maliban kay Mike. Tinulungan niya kami ni mama sa pagliligpit ng mga kalat. Matapos namin mag-ayos ay umakyat kami ni Mike at nagpunta sa balkonahe.
“Hindi ko pa pala nabibigay sayo yung regalo ko,” sabi ni Mike sabay abot sa akin ng isang maliit na kahon.
Binuksan ko ang kahon at may laman itong susi. “Para saan tong susi na to Mike?”
“Sa pangarap natin.”
“Ano? Hindi kita maintindihan.”
“May unit yung tita ko sa isang commercial complex sa Makati. Umalis na yung dati niyang tenant kayo ako yung umupa.”
