سلام عليكم جميعا🌞💕 ببدا على طول 💅🏻 مره كنت معزومه لزواج خالتي .. ورحت دورة المياه -وانتم وبكرامه-
دخلت ونسيت اقفل الباب ☹
جلست وتواسيت انفتح الباب فجاءه
بدون سابق انذار شي كبير وضخم فتحه.. انا من الربكه والخوف بدون تفكير
مسكت رشاش المويه وجلست ارش على اللي فتح الباب
وانا اصرخ لااااا فيه احد فيه احد 😖
غصب علي من دون قصد رشيت من الربكه 😂
م يمدي اقوم انا وفستاني والتسريحه راس ثاني 😂😭 اللي عند الباب جلست تشتم وتلعن واقفل الباب بسرعه
قالت : والله والله م اعتب باب الحمام الين تطلعين يالخسيسه
دمرتي لبسي ومكياجي مويه لكن هين انا متقعده لك لو مايبقى
في الزواج غيري وغيرك
طبعاً كنت ماسكه الباب طول الوقت لا تكسره علي
اول مره احس اني بموقف غبي ولا اقدر اتصرف
وهي مستمره تلج برا وشوي فصخت كعبها وتطق على الباب
بالكعب اطلعي ان مانشبت عالكعب بجبهتك ماكون امواج 🌊 يممممه امواج بعد ! عز الله غرقت الليله
بعد ماتقطعت صياح ومسحت دموعي قلت
خل اتعوذ من ابليس والبس سروالي على الاقل اذا
صوروني الناس وانا اتكفخ اكون ساتره
شوي واسمع احد برا : امواج وينك ابطيتي .. احح ليش لبسك مويه 😳
وتقعد امواج تلعن : الحماره الخسيسه اللي جوا رشت المويه علي لكن
هين والله م اخليها ع بالها بسكت دمرت مكياجي وفستاني
خلاص دريت والله العظيم 😭
انا خلاص قلت شكل خاتمتي في ذا وادور مخرج
#يتبع
أنت تقرأ
مواقف مضحكة من الانستقرام
Humorاجمل المواقف المضحكة من الانستقرام تجدها هنا ملاحظة : جميع القصص مكتوبة باللهجه السعودية
