مواقف مضحكة من الانستقرام

الدختور الكيميائي الجزء (1)

السلام عليكم كيفكم يا عيال و لنات ان شاء الله طيبين انا سلمكم الله يوم كنت في صف ثاني ثانوي اخذنا درس في الكيمياء عن الصوديوم ( ذاك اليوم اللي راد ربي انه يصير فيني شي اخلاني انتبه مع المدرس 😂 علما اني نايم في كل حصه 😂 الاذاك اليوم الله لا يعيده كنت مصحصح ) الزبده مالكم في الطويله و قال لنا المدرس انه اذا قصيت قطعه صغيره من الصوديوم و حطيته في كاس ماء انه يسبب شرار انا هنا وقف مخي على هالنقطه قلت لازم اني أخذ لي قطعه و اجربها براء المختبر ، مقطعني العلم 😂 المهم و الله و افكر و افكر كيف اقطع لي و اخشها المهم رفعت ايدي ابي اشارك جعل ماهو به الزبده المدرس تفآجأ و قال في نفسه غريبه من وين جاه هالتميز و المشاركه و ما عاد صار ينام المهم قال تفضل الصراحه جاء في باله اني ابي الحمام كالعاده نوم حمام 😂 المهم تفضل وش عندك قلت ابي اجرب الصوديوم استهان في ني و قال ابعدوا المواد الخطره من ايدي الاطفال الزبده حزت في نفسي زعلت عليه قلت و الله لا انكبك 😂كنت مجرم الله وكيلكم الزبده و خلصت الحصه وعرف مكان الصوديوم وين حطه و خلصت الحصه و يوم طلعنا طلع معنا و خلا المختبر مفتوح لان بعدنا بيدخل فصل الزبده يوم شفت مافيه احد و فاضي و ادخل انا و واحد من العيال الله يستر عليه اسمه سلطان 😂و اشر له و اقوله اللي في بالي و الله و ناخذ قطعه كبيره مره 😂 ونهرب بها لدورة المياه و والله و نسحب على الحصه اللي بعدها و نلعب في الحمامات ملتقى الاحبه 😂 الزبده ناخذ و نلقى اثنين من العيال كانوا في دورات المياه و نسولف معهم و نلعب بالصوديوم جاء في بال سلطان فكره جهنميه 😂قال وش رايكم نحطها كامله في البلاعه قلت قدام حط ابوها في البلاعه( علشان محد يقول وين تحطها اعرفكم تفكيركم ضارب الوادي 😂😂) المهم و نحطها في البلاعه #يتبع