Lakandiwa:
Maligayang pagdiriwang, Madlang Pipol!
Narito muli, sa isang paghahatol
Ng makakatang kanina pa nagmamaktol
Sa kanilang adhikaing nais ipukol
Ano ba itong kanilang adhikain?
Atin na ngayong alamin at suriin
Pero bago muna kanilang paglalahad
Simulan muna sa pagpapakilala
Martha Villanueva, Magandang pangalan ko
Sa araw na ito, maglilingkod sainyo
Balagtasang to, lakandiwa papel ko
Ngayo’y umupo nang matuwid,
at makinig kayong nasa harap ko
Dalawang makata, nasa inyong harapan
Pagkakataon muli ang matunghayan
Ito ngayong kanilang pagsasagupaan
Sa pamamagitan nitong balagtasan
Ito’y may layunin, mabigyang daan
Maisakatwiran ang isang katanungan
Na sinusundan ng isang kasagutan
Ngunit di malutas-lutas ninuman
Wikang pilipino’y natatangi
Saanman sating mga karatig
Wikang ipinagtanggol ng mga bayani
At sagisag na dapat mamayani
Ngunit ating pamumuhay, nagbabago
Nararapat na umunlad, umasenso
Kaya’t sa pagsulong ba ng ating katayuan,
Wika parin ba natin, sapat na kasagutan?
Tanghala’y bukas na sa mga nais makihamok
Tiyakin lang na ang isip ay busog
Pagtatalong to’y di biro, katwira’y dapat malusog
Kung may pag aalinlangan maaari ka ng umusog
Pababa sa mga kauri mong bugok!
Kayo naman, minamahal kong Madlang Pipol!
Bago sila magsimulang sumipol
Masigabong palakpaka’y ipukol
Sa inyo pong paboritong Idol!
Mambabalagtas A:
Magandang hapon po sa inyong lahat
Ako po’y may natanggap na sulat
Mayron muli, katunggaling nagkakalat
Di ata alam, dakila itong nais makaharap
Ito ngayon saiyo, aking mungkahi
Kung sana’y wika lang natin
Ang tangi at unang gagamitin
