Covers Factory (Closed - مغلق)

C.F.

احم .. اهلاً بيكم في مصنعي الصغير ✋

قبل ما ابدأ اتكلم او اقول حاجة ، عايزة اشكر ..

Kirstie_Styles
HanaAhmed8
HagerTarek
xxMeNNaxx
salmagamal775

هما الي شجعوني اعمل الكتاب بل هما السبب الاساسي الي خلاني اعمله *-* بجد شكراً اوي علي تشجيعكم ليا ❤

دلوقتي هتكلم عن المحتوي شوية ..

كل الكتب الي بدخلها و تكون بتاعت كوفرز لازم الاقي الكاتبة بدأت بالشروط بتاعتها و كلنا عارفين هي بتبقي ايه ..

انا هبدأ بايه هو الكوفر بالنسبالي انا كصانعته ..

الكوفر دة مش مجرد صورة و كتبت عليها كلمة و خلاص ، دة تدوير و تفكير و ابداع ، يعني انا مثلاً مش هصدق اني اخلص الكوفر بسرعة و كروتة عشان اسلمه ، بالعكس هاخد وقتي عشان اطلع حاجة حلوة و حتي لو مخدش وقت دة هيكون كوفر simple و في نفس الوقت جميل او هيكون ربنا مسهلها معاية و صور قابلتني حلوة xD

تمام هندخل علي قواعد الكتاب ..

قواعد الكتاب مش هتبقي انكوا تكتبوا اسمي او اسم الكتاب علي الكوفر او في الديسكربشن و الكلام دة ، اصلاً انا مش عاملة الكتاب عشان اتشهر انا عملاه فايدة لغيري و once ان الكوفر اتسلم و بقي في ايد صاحبه خلاص بقي بتاعه و يعمل فيه الي هو عايزه :)

قواعدي مش رخمة خالص دي اساس اي كتاب كوفرز ..

لو حابين تطلبوا مني كوفر هتعملوا الآتي ..

- هتبعتولي مسج يأما برايڤت يأما مسج علي الmessage board بتاعي او كومنت هنا في الكتاب .. حلو ؟

محتاجة منكوا تكتبولي في المسج دي حبة حاجات ..

1 - الحاجات الاساسية اسم الرواية طبعاً ..

2 - تاني حاجة بقي تكلموني عن الشخصيات الاساسية بطريقة سريعة و لو كانوا مغنين او ممثلين تكتبوا اسمهم ، و لو شخصية خيالية في الحالة دي تكتبولي عن فكرة الرواية الاساسية و انا هجيب صورة تعبر عشان تكون كوفر ..

3 - كمان هتقولولي بقي اذا كان في ديزاين معين للكوفر في دماغكوا ، يعني عايزين فيه البطل بس ، البطلة بس ، البطل و البطلة مع بعض و الي انتوا عايزين تنفذوه ساعتها انا هحاول انفذ الطريقة الي في دماغكوا لو معرفتش هعمله بالديزاين بتاعي :)

4 - اخر حاجة هتقولولي ايه الي انتوا عايزين تكتبوه علي الكوفر غير اسم الكاتبة و اسم الرواية ، يعني عايزين عليه اسم الشخصيات ، جملة ، كدة يعني ..

عدد الكوفرز مش هدقق فيه بس يستحسن ان الكاتبة الواحدة متخدش كوفرز كتير ورا بعض .. مش عشان حاجة .. بس عشان الباقي بردو و انا لو لقيت اني فاضية اكيد مش هرفض طلب لاي حد حتي لو طلب قبل كدة :)

بالنسبة للمدة الي هاخدها للكوفر ، دي مش محددة هي علي حسب ، يعني دي عقبال ما ادور علي الصور و كدة و افكر في ديزاين ، هي عادةً مبتخدش وقت بس طبعاً عشان التنوع مطلوب في الكوفرز فممكن احتاج وقت ..

و عامتاً لو طولت هيبقي بسبب اني ملقتش ديزاين او صور مناسبة او ان في طلبات كتير ..

بعد ما اخلص الكوفر هينزل باسم الكاتبة و القصة في بارت و بكدة يكون مبروك عليكوا الكوفر :) *-*

كام ملحوظة اخيرة ..

الكتاب دة هيشتغل في الصيف و اجازة نص السنة بس ، عشان سببين ، اول حاجة هكون فاضية فا هعرف اطلع حاجة كويسة ، تاني حاجة عشان بردو ميأثرش علي مذاكرتي و اكون مشتتة ، عشان كدة نزلته اول الصيف اهو :)

مش هقبل قصص مش محترمة ، يعني القصص المنحرفة و كدة ، سوري ✋

اخر حاجة بقي انا مش هقدر اقبل كوفرز كتير مع بعض ، يعني انا بحب النظام جداً ، فا عشان بس ابقي بالراحة و اطلع حاجة حلوة ، بس كله هيتقبل ان شاء الله *-*

لما ارد علي المسج او الكومنت اعرفوا اني كدة قبلته و هبدأ اشتغل في الكوفر المطلوب بس لو مردتش اعرفوا مثلاً اني مأجلاه لقدام شوية عشان لو طلبات كتير و كدة ..

يا رب الشغل يعجبكوا ، يلا مستنية الطلبات :) ❤❤