احببتك بجنون (احببتك رغم التقاليد)

part 1

آية: داليا يله كومي راح يجي الباص مال المدرسه وانتي بعدج نااايمه
داليا:اممممم بس 5 دقايق
ام داليا:لج كومي صار ساعه نكعدج بيش الساعه نايمه البارحه عيني
اكيد سهراانه انتي وشلتج التعبانه
داليا:ممليتو يوميه تكعدوني ع نفس الحجي والصياح
شكو بيهه لو تكعدوني بورده وصينيه ريوك
ام داليا:دكومي كومي متأثره بالمسلسلات
داليا:اووووف كمت

داليا
طالبه صف خامس علمي عمري 17 سنه حلووه عيوني جبيره و مكحله (بس خشمي هم جبير😂😂😂) احب الاكل والضحك لذلك احب صديقااتي لان بس يمهم  يبدي الضحك الصدك
عايشه ويه عائلتي امي من بغداد وابويه بصراوي (فديت البصره😍)عايشين ببغداد بس ابويه كلش شديد ويانه وعنده هوس بالعادات والتقاليد اختي آيه اكبر مني عمرهه 21 سنه تدرس صيدله واخويه علي اخر العنقود 3 سنين علاقتي بآيه مو زينه لان هي عقده 😩 وبيبيتي هم عايشه ويانه وكلش حبابه وتحبني 😍

في المدرسة...
داليا:صباح الخير كيف حالكن يا فتياات
نادين:شبيج مضروبه ع راسج ؟😂
مريم:صدك ليش دتحجين فحصه😐
فاطمة:لج ياغباء اسمهه فصحه مو فحصه ههههههه😂
مريم:صدك والله؟ 😮يله فحصه لو صفحه متفرق نفس المعنى😞
داليا:لج اسمهه فصحه 😂😂
هند:صباح الخير حب
فاطمة:شكم مره كلنه هااي ال حب لتكوليهه يمنه كوليهه لحبيبج😒
هند:عفته😐
داليا:اخيرا سمعتي حجي وعرفتي هذا حقير يلعب عليج 😒
هند:لا عفته وكبلت ويه صديقه😆😍
نادين:ذيل الجلب مينعدل 😑 كومو نسوي شي ضايجه وهااي البومه ست اريج مجايه اليوم خلي نتونس 😀

كامت داليا ومريم يهوسون ونادين وفاطمة يطبلون ع الرحلاات
داليا:وما مات موت الله مات من شاف الشهااده
مريم:هله هله هله وها ردينه لولاا

دخلت المديره وشافتنه ..... عززززه😰😰
المديره:كلكم ورايه للاداره يله
شلون تسوون هيج شي وشوكت تبطلون سوالفكم عاد وتكبرون صار 5 سنين مخبليني
داليا:اي ست هانت مبقه بس سنه وحده تحملينه😂😂
مريم:اي ست اعتبرينه خواتج الكبار
فاطمه حاولت تصلح الي كالته مريم
فاطمه:أأ.. ست هيه قصدهه احنه نعتبرج اخونه الجبير
داليا :لكم شدتحجون
المديره:خبلتوني طلعو بره ومتنعااد 😤😤
واليوم بالذات ماريد هوسه جايين عدنه ضيوف وراح يقدمون شي مسرحي ويرحون وانتو تكعدون ك جمهور بس بدون صوت
هند:ست جايين ولد لو بنات😉
المديره:مدرسه ولد ومثل مكلت مااريد اي مشاغبات ويله طلعو لتلهوني

داليا...
وره ساعه دخلو الضيوف واحنه جنه كاعدين ع اساس جمهوور (راح نكلب الدنيا😂😂)
دخلو كلهم شباب لان مدرسه اعداديه وكلهم يباوعون ع البنات مثل المشايفين
بس هو مجان يباوع ع احد جان رافع حاجبه و خازر ومباوع ع البنات كأنه محد عاجبه
وكف كدامنه وحسيت احساس غريب اول مره احس بي حاولت ابتعد بنضري عنه بس مكدرت(صفنت مثل الثوله😂😂)حسيت كلبي كام يدك بسرعه وراد يطلع من مكانه من اجت عينه عليه
اششششش داليا شدتحجين انتي مو من هذا النوع اصحي شويه
بدت المسرحيه جانت لدعم الحشد الشعبي طلع هو لابس عسكري (فديته😍)
خلصو العرض مالتهم وطلعو