هلووو بارت جديد واتمنى يعجبكم
......................................................
احمد...
بديت الحكهه بكل مكان تروحله مرات اختل حته متشوفني ومرات تنتبه عليه
اني مو نيتي لعب مثل ما هي تفكر
اني اول مره احب واتعلق ببنيه
تعودت دائما البنات همه الي يركضون ورايه
وهي اول وحده تصدني
اية: يله كومي نروح لمول النخيل
داليا:صدك؟؟؟؟
آيه:اي بابا كال يطلعنه امشي مو تأخرينه
داليا:اوك بسرعة خلي اخابر فاطمه ومريم ونادين حته يجون ويايه
آيه:تره ميصير كل مره تطلعين وياهم عيب
داليا:ليش يابه عيب ؟؟ طالعه ويه ولد قابل؟؟؟ صديقاتي وبكيفي وبعدين تريديني اطلع وياج وانتي لحد هسه ممجربه تبتسمين ههههههههه
آيه:ههههههههه شكد سخيفه
ابو داليا:يله بنات استعجلو تره ابطل وما اطلعكم
خلصنه ونزلنه حته بابا يدقق بالمكياج واللبس لأن مثل ما كلت كلللش شديد
كملنه وطلعنه
داليا :فااطمه امشي نروح نفتر
فاطمة :والله نادين ومريم فاتتهم الطلعه
داليا:بله نادين افتهمنه اخوهه عنده امتحانات ومكدرو اهلهه يطلعوهه مريم شنو عذرهه ؟؟؟
فاطمة:خابرتهه كالت غدانه اليوم دولمه مااعوفه لو تموتون ههههههههه
داليا:ههههههه ماشي خلي نروح ناكل كيك
وكفنه يم ice pack وجنه نختار الكيك بس الي كاعد ورانه ...
الشاب: اول مره اشوف كيكه تطلب كيكه
اندارت فاطمه عليه
الشاب:ماشاء الله كيكتين مو بس وحده
داليا:لتندارين مالج علاقه بي هو ينبح ويسكت من وحده
اقترب منه اكثر
الشاب :ممكن اعرف اسامي الحلوات
سمعت صوت من وره
احمد :لك انته متستحي تتحارش بالبنات يا قليل الادب
داليا:.........
فاطمه: خرررب انوب هذا منوو ... امشي راح يتعاركون
احمد ضرب الشاب والتفت على داليا
وداليا بعدهه صافنه (ههههههه)
فاطمه كرصتني من ايدي يله انتبهت وكطعت صفنتي
داليا:شدتسوي هنا؟؟
احمد: الناس تكول شكرا ياحلوه
فامه:دروووح عبالنه براسك خير طلعت هم زاحف
فاطمه جرت داليا ومشوو
داليا... رجعت للبيت وبقيت افكر بي وشفت انه لازم اشكره بس ترددت
وصلتني رساله
احمد:شكرا
داليا:اسفه ع الي سوته صديقتي
احمد:صدك هااي صديقتج؟؟ عبالي اخوج ههه
داليا:ههههههههه مااسمحلك تحجي عليهه حلكك اشكه خاف عبالك نازكه
احمد: اخيرا ضحكتي
داليا:لك انته مخبل انتبهت بس ع الضحه وعفت كل هاي الرزاله الي وراهه
احمد:اي داليا اني مخبل من وراج ..جنت عاقل وثكيل بس انتي خليتي عقلي يخف
داليا:امممممم
احمد:وداعت امي ماريد العب عليج او اكضي وكت والله احبج
داليا:انته مدتفهمني اني من احجي ويه ولد معناهه برائتي راحت
احمد:ليش ويه كم ولد ناويه تحجين؟؟؟
داليا:الي تحجي ويه واحد تكدر تحجي ويه 10
احمد:بس انتي غير ... اني راح اكون اول رجال يدخل حياتج ومراح يجي احد بمكاني لان اني مراح اعوفج افتهمتي؟؟؟ والله احبج واخاف عليج حته من نفسي ..
داليا:اممممممم ماشي
احمد:اخيرا رضت ام شوارب
داليا :ولي لك مااحبك ابو كرش
احمد:هههههه واني هم اموت عليج
داليا:........
داليا..
كل مره يكول بيهه كلمه احبج احس كلبي يكوم يرجف ومرات حته جسمي يرجف (سوه بيهه حاله نفسيه خطيه هههههههه)
بدينه نحجي يوميه ويوكفلي يوميه بباب بيتهم حته يشوفني لأن ما اقبل يجي يم المدرسه ببساطه لان مكلت لصديقاتي عن علاقتنه
اول مره اضم شي عنهم بس خفت يعتبروني مثل هند
ماانكر انه الي دا اسوي غلط بس حجي احمد صح اني وياه علاقتنه تختلف عن علاقات هند
هند جانت تخلي اي ولد يحجي وياهه عادي وحته مراات تدخله للبيت
احنه علاقتنه نقيه هو متدين ويخاف الله بيه وهو الي خلاني التزم بصلاتي وهو الي علمني من اضوج افتح دعااء كميل حته ارتاح بدل ما اسمع اغاني حزينه
واني علمته انه يكون بسيط وانه متفارك وجهه الابتسامه .. بأختصار احنه نكمل بعضنا
احمد: حبيبتي ؟
داليا:عيونهه
احمد:تنتضريني؟؟؟
داليا:ليش وين رايح؟؟
احمد: حبيبتي الثوله هههههه.. دلو انتي تعرفين حالتي وتعرفين وضعي كلش زين واكثر شي تعرفيه هو انه اني اريدج بالحلال
داليا :اييي؟؟
احمد: تنتضريني اعتمد ع روحي واكون نفسي حته اتزوجج ؟؟؟؟ يعني اريد اكول تتزوجيني واني بهاي حالتي الماديه؟؟؟ يعني قصدي داليا تتزوجيني؟؟
داليا:متهمني فلوسك ولا حالتك الماديه ولا يهمني الوقت اني سعادتي وياك وراح انتضرك لأخر عمري بس مو تخليني اعنس هههههههههه
وبعدين كل هذا اللف والدوران حته تطلب مني الزواج
وين الورد وين الرومانسيه؟؟ هههه
احمد: الله يخليج الي
يارومانسيه ياورد قابل مااعرفج قمة الرومانسيه عندج بالبوشار
داليا: اي والله صح ههههههههه لو جايبلي بوشار هوايه احسن من هاي الدراما
احمد: فديت ام شوارب شكد احبهه
شنوو زعلتي لأن كتلج ام شوارب؟؟
ليش متردين؟؟؟
داليا؟؟
حبيبتي؟؟
داليا...
جنت احجي ويه حبيبي احمد بس أيه دخلت فجأه وجرت مني التلفون وقرت مسجات احمد
أيه: حبيبتي؟؟؟؟ احمد؟؟؟ لج منو هذا
هيه هاي تاليتهه هيج تجازين اهلج
داليا: أيه نصي صوتج حبااابه انتي متعرفين شي اهئ اهئ اهئ
أيه: ليش انصي صوتي ؟ خاف امج تسمع؟؟
مااما مااما تعاي شوفي بتج
ام داليا: لج شكو شنو هذا الصياح؟؟
حجت ايه كلشي ل امي ..
أيه: ماما لكيتهه تحجي ويه ولد وفاتحه وياه كاميرا هم
استغربت من حجي ايه.. شنو كاميرا وشنو هذا الحجي الي دتكوله؟؟
داليا : لا ماما والله دتجذب
امي :لج هيج ربيتج اني ياقليله الادب ياعار
لزمتني امي من شعري وحبستني بالغرفه وخابرت ع ابويه ......
......................................................
خلص البارت الثاني ان شاء الله يعجبكم
أنت تقرأ
احببتك بجنون (احببتك رغم التقاليد)
Romanceاحببتك فتركت الجميع من اجل عينيك نسيت قلبي بين يديك كل هذا لاسمع كلمه من بين شفتيك:احبك بجنون رغم التقاليد........ القصه واقعيه مع تغيير النهايه لأكتساب العبره اتمنى تعجبكم اقروهه اقروهه مو كلت اقروهه وين رايحين ؟؟؟ يله تعالو اقروهه ههههههههههه
