Because i love you

Part 25

زين:اتخطفت ازاى؟
ليام:امبارح راحت الجامعة و اتأخرت لقيت الحارس بتاعها راجع لوحده من غيرها،سألته هيا فين قالى انها اتخطفت و هى بتركب العربية معاه و هو ملحقش يعمل حاجة جرى وراهم بالعربية بس ضربوا رصاص على عجلة العربية و معرفش يلحقهم
لوى:زين انت لازم تعمل حاجة
زين:طيب محدش كلمك خالص؟
ليام بحزن:اه فى ناس كلمتنى و قالولى عايزين عشرين مليون و يرجعوا ايمى
زين:طيب استاذ ليام حضرلى المبلغ وانا هتصرف و لو كلموك قولى
ليام:حاضر
استاذ ليام ولوى قاموا عشان يمشوا،لقيت استاذ ليام لف تانى و جى عشان يكلمنى
ليام:زين انا عارف انى عاملتك وحش فالفترة الاخيرة بس ارجوك حاول ترجعلى بنتى وانا اسف على اى حاجة عملتهالك
زين:استاذ ليام الموضوع دلوقتى مبقاش متعلق ببنت حضرتك الموضوع دلوقتى متعلق بحبيبتى وانا مش هخلى حد يلمسها طول ما انا عايش
ليام:شكرا
استاذ ليام خرج ولوى رجعلى تانى
لوى:زين انت هتعمل ايه دلوقتى
زين:هاروح لهارى عشان انا متأكد انها عنده
لوى:طب انا هاجى معاك
زين:لوى انا بس اللى هروح
لوى:مش هتروح لوحدك انا جى معاك سواء رضيت او مرضتش،اطلع غير هدومك وانا مستنيك هنا
طلعت فوق غيرت هدومى وطلعت مسدسى و حطيت فيه طلقات،اه انا مستعد اقتل هارى لو اتأكدت ان هو اللى خطفها،برغم انى لسه زعلان منها بس برده لازم انقظها حتى ولو كانت خاينة
نزلت للوى شافنى وانا ماسك المسدس و بخبيه تحت هدومى
لوى:زين انت واخد مسدسك ليه
زين:لو ملكش دعوه مدام جاى معايا يبقى تيجى وانت ساكت
ركبت العربية ولوى ركب جنبى
روحت عند بيت هارى و نزلت
الحارس:مين حضرتك
زين:انا الظابط زين مالك،عايز اقابل هارى
الحارس:طب ثوانى اديله خبر
دخل جوه و رجع تانى
الحارس:اتفضل،استاذ هارى مستنيكوا عالبسين
دخلت جوه لقيت هارى نايم على الكراسى بتاعت البسين و جمبه بنت كده شكلها زباله واضح اوى
هارى:اهلا زين اتفضل،تشرب ايه اجيبلك عصير ولا شاى
زين:انا مش جاى اتضايف هارى،فين ايمى
هارى:ايمى زمانها فالبيت بتحضر شنتها عشان بعد الجواز هاخودها و نقضى شهر العسل فاليخت بتاعى
روحت ماسكه من التى شيرت بتاعة و وقفته قدامى
زين:هارى بطل استهبال فين ايمى لحسن اموتك هنا
هارى:طب نزل أيدك عشان انت متعرفش عقوبه الحركه دى ايه
لقيته بيشاور للحراس بتوعه عشان يقفوا لانهم كانوا جايين يضربونى
لوى:زين يلا بينا نمشى هنا
هارى:اسمع كلام صاحبك يا شاطر عشان متندمش
زين:والله يا هارى لو عرفت ان انت اللى خاطفتها هقتلك
هارى:بص يا زين انا مش عارف ايه الموضوع بس انا مخطفتش ايمى عايز تصدق صدق مش عايز خلاص براحتك
زين:اتمنى يكون كلامك صح
سبته و مشيت شويه لقيته نده عليا
هارى:زين
لفيت وشى
هارى:انا كل اللى كنت عايزه من ايمى انى اقضى يومين معاها وخلاص وانى افرقكم عن بعض
عشان ابويا كان عايزنى اتجوزها عشان فلوس ابوها لاكن انا مكنتش عايز كده لولا ان ابويا هددنى انه هيطردنى من البيت لكن انى اخطف ايمى انا لا يمكن اعمل حاجة زى كده
زين:وانا ايه اللى يخلينى اصدقك
هارى:مش عارف بس صدقنى مش انا اللى خطفتها،وعلى فكره عشان متبقاش ظالم ايمى وتعرف انها بتحبك بجد،ابويا قالى على خطه انى اصور فيديو وانا ببوس ايمى عشان نفرقكوا عن بعض،ايمى فعلا باستنى بس بعد ما هزقتنى وطردتنى من اوضتها وانا قولتلها لو معملتش كده انى هءزيك عسان كده هى طاوعتنى عشان كانت خايفة عليك
زين:ايييييه!
ي يعنى ايمى عملت كده عشان كانت خايفه عليا
هارى:اه
لوى:صدقت بقى دلوقتى
هارى:زين،ايمى بتحبك بجد و متقدرش تخونك ياريت الاقى واحده تحبنى زيها
البنت اللى مع هارى:ايه يا هارى مانا بحبك
هارى:انتى بتحبى فلوسى يا جزمة اطلعى بره
هارى كسف البت اوى،سابته وراحت خارجة بره
هارى:زين روح دور على ايمى و شوف مين خطفها
زين:طب هو انت قولتلى كل ده ليه
هارى:عشان ابويا تعبان اصلا و شكله كده بيودع فلازم اقولك على كل حاجة عشان صدقنى كل اللى عملته فيكم ده كان غصب عنى
زين بفرح:شكرا ياهارى،سلام
هارى:العفو ولو احتجت حاجة كلمنى،سلام
مشينا وانا فرحان و مضايق فنفس الوقت
فرحان عشان ايمى مخانتنيش
و مضايق عشان طلعت ظالمها و موثقتش فيها،بس يارب تسامحنى
لوى:زين احنا هنعمل ايه دلوقتى
ركبنا العربية
زين:مش عارف
يا ترى انتى فين يا ايمى؟؟؟؟
#Emilia
بعد ما اتخطفت صحيت من النوم لقيت نفسى فمكان غريب،اوضة حلوه اوى و محدش رابطنى و حاطنلى اكل كتير ،هو انا اتخطفت فى الهيلتون ولا ايه!!
قومت من على السرير روحت افتح الباب لقيته مققول
طبعا لازم يكون مقفول ده ايه الذكاء ده
بصراحه انا جعانه روحت قعدت أكل
وانا باكل حد فتح الباب و دخل كان ولد قمور كده
الولد:انسة ايمى ياريت تاكلى و ارجوكى متخافيش حضرتك مجرد ضيفة عندنا
لسه جايه اتكلم راح سايبنى و مشى قفل الباب وراه
بس ثانيه واحده
انسة ايمى؟!
ياريت تاكلى؟!
مجرد ضيفة؟!
هو ايه اللى بيحصل،عصابة جادعة دى ولا ايه
ياربى انت فين يا زين ياترى لما يعرف هيعمل ايه؟؟
#Zayn
روحت انا ولوى عند استاذ ليام فالقصر عشان قالنا ان العصابة كلمتوا
دخلنا القصر و قعدنا شويه وهو جيه
ليام:زين العصابة كلمتنى و عايزين الفلوس و عايزين حد يروحلوهم و بيقولو محدش يبلغ البوليس
زين:حضرتك جهزلى المبلغ وانا هروحلهم
لوى:زين انت اهبل بيقولك قالولو محدش يبلغ البوليس،هو حضرتك دكتور سنان وانا معرفش
زين:عندك حل تانى،انا وانت عارفين كويس انهم ممكن ياخدو الفلوس وميرجعوش ايمى
لوى:طب وانت هتروح تعمل ايه
زين:هتصرف،استاذ ليام المبلغ جاهز
ليام:اه جاهز
زين:هما قالولك فين المكان
ليام:ده قالولى فالصحرا فمكان كده غريب انا كتبته فورقة
طلع ورقة من جيبه و ادهالى
زين:لوى،انا عايز قوة تجيلى على المكان ده تبقى ورايا من غير ما حد يشوفهم،انت عارف شغلك طبعا
لوى:متقلقش
ليام:خلى بالك من نفسك يا زين
زين:ربنا يستر
خرجت ركبت عربيتى وروحت المكان
لقيت اتنين رجالة ضخام جايين عليا
واحد منهم:انت اللى جاى تبع ايمى
زين:اه
الراجل:طب تعالى معانا
زين:طب فين ايمى
الراجل:متخافش،تعالى معانا هتشوفها
روحت معاهم ركبت عربية و غمونى بحاجة على عنيا و العربية مشيت،شويه ولقيت العربية وقفت خدونى وفضلنا نمشى وانا مش سامع غير صوت رجلينا بس
فجأة وقفونى و شالو الحاجة اللى كانت على وشى لقيت ايمى قدامى و رابطينها و حاطين برده حاجة على عنيها
زين:ايمى
ايمى:زين! زين انت فين
زين:انا هنا جنبك متخافيش،انت كويسة
ايمى:اه
راجل غريب كده جالنا
الراجل:اهلا بحضرت الظابط زين،منورنا
زين:انت مين
الراجل:اسمى تايلور
زين:طب ممكن تسيبنا بقى انت مش فلوسك عندك اهيه
تايلور:والله انا كان نفسى بس دلوقتى فى مشكلة
زين:مشكلة ايه
تايلور:انا كنت عايز شويه فلوس واديها عندى،غير كده انا عليا احكام و عايز اخرج بره البلد و بصراحه ملقتش غير ايمى بنت صاحبى اخطفها عشان عارف ان ليام مش محتاج عنده اللى يكفيه وزيادة و عشان اعرف اهرب بره البلد لازم يكون معايا رهينة اقدر اهرب بيها،بس دلوقتى انا مكنتش متوقع ان انتا اللى تيجى،كنت فاكر مثلا ليام هو اللى هيجى او هيبعت حد من رجالته
زين:خلص،انت دلوقتى عايز ايه
تايلور:بص بصراحة انا مبحبش الدم و انت ظابط و لو قتلتك هبقى فمشكله اكبر،فانا هعمل معاك دييل
زين:ايه هو
تايلور:انت هتساعدنى عشان اهرب من هنا وليك مكافأه فلوس المبلغ اللى تختاره،غير كده هناخد ايمى معانا و هديهالك هديه هى كمان تعمل فيها اللى انت عايزه
زين:انت انسان حقير وانا لايمكن اوافق على حاجه زى كده
ايمى:مع انى معرفكش بس انا اول مره اعرف ان بابا مبيعرفش يختار صحابه،انت انسان واطى وزباله
تايلور:شكرا
زين:انا مش موافق
تايلور:حتى لو قولتلك انى هديك 30 مليون
زين:مش موافق
تايلور:طب 50 ،متهيألى انت لو اشتغلت طول حياتك مش هتقدر تجمع ربع المبلغ ده حتى
زين:برده مش موافق
ايمى:وافق يا زين
زين:انت بتقولى ايه انتى مجنونة
ايمى:انا فنظرك خاينة وانت كده كده مش عايزنى،يبقى وافق احسن
زين:ايمى انا اسف انا عرفت انى كنت غلطان وانى ظلمتك
تايلور:زين العرض بقى فيه تعديل جايز توافق
زين:ايه هو
تايلور:هسيب ايمى،مقابل انك تبعد عنها بس هتسافر معايا و هتفضل شغال معايا للابد لو موافقتش انا هبيع ايمى فبار وهما يتصرفوا فيها براحتهم قولت ايه
ايمى:زين اوعى توافق عشان خطرى
تايلور:ها قولت ايه
ايمى بصريخ:زين عشان خطرى اوعى توافق
زين:انا عندى حل احلى
روحت مطلع مسدسى اللى كنت مخبيه و اللى الاغبيه دول محسوش بيه و ضربت نار على كانوا ماسكين ايمى واللى كانوا ماسكنى،راح تايلور مطلع مسدسه و فضلت يضرب ناحيتى نار بس مفيش حاجة الحمد لله جت فيا جريت على ايمى شيلت البتاع اللى على عنيها و خدتها و طلعنا نجرى
تايلور:هاتوهم هنا انا عايزهم حيا او ميتا
فضلنا نجرى من المكان ده لحد لما خرجنا بره على شارع ورجاله تايلور ورانا
وانا بجرى راحو ضاربين طلقه على رجلى و وقعت
ايمى:زين زين انت كويس
زين:اجرى يا ايمى اجرى انتى
ايمى بعياط:لا مش هسيبك
زين:اجرى يا ايمى
فجأه رجاله تايلور جم وخادونى وانا مش قادر امشى و مسكو ايمى تانى وربطوها
خدونا تانى نفس المكان ده وراحو رامينى على الارض قدام تايلور وايمى عماله تعيط جامد
تايلور:انا حاولت اتعامل معاك بأسلوب لطيف بس واضح انك افتكرتنى ضعيف
زين:سيب ا ايمىى واننا عنندك اعممل فيا اللى انتت عايزه
تايلور:لا بعد ايه،انا جاتلى فكره تانيه حلوه،انا ابيع ايمى لبار واخد فلوس اصل زى مانا قولتلك انا محتاج فلوس و اخدك انت بقى الرهينة عشان اخرج بره البلد
زين:انت حيوان وجزمة و حقير
تايلور:انا مش هرد عليك انا هسيب رجالتى هما اللى يردوا عليك
شاور لرجالته و خرج ومشى
رجالته مسكونى و فضلوا يضربوا فيا جامد
زين:ااه
ايمى بعياط:سيبوه بقى كفايه
فضلو يضربوا فيا وراحو مكتفنى من ايدى و قعدونى جنب ايمى و خرجوا
ايمى بعياط:زين،زين انت كويس
زين:شششش،اهدى بطلى عياط انا كويس،المهم انت كويسة
ايمى:لا هبقى كويسة ازاى يعنى وانا شايفاك كده
زين:متخافيش كله هيبقى تمام
ايمى:زين انا خايفة
زين:متخافيش طول ما انا معاكى
روحت نايم على رجل ايمى و بحاول  افكر فحل للمشكلة ديه،بس الزفت لوى ده فين؟؟؟؟
..........................................................
هاى
بارت بمنسبه الاجازة بقى
الحمد لله خلصت من الامتحانات
انا قاعدة معاكو اهو هكتب و هنزل تانى قريب ان شاء اللة
عايزة بقى votes و comments كتير بقى يلا حمسونى
Luff you <3 XD