نرجع لاخر حاجة حصلت البارت الي فات :
في البيت عند هانا و ملاك :
* التجهيزات كانت شغالة علي اخرها 😃
الام: انتي يا بهييييمة (بصوت عالي و كانت تقصد هانا)
هانا: ايوة يا مامي ☺😂😂
الام: كتك القرف مش قولتلك اعملي العصير و حطيه في الثلاجة
هانا: ما انا نسيت يا ماما 😃
الام: ياختي بطة طب غوري اعمليه 😡
هانا: حاضر مامي 😃
الام: يا مصبر الوحش علي الجحش 😡😡
هانا: ههههههههه
*و دخلت تعمل العصير و شوية و جرس الباب رن :
ملاك: (راحت تفتح و لما فتحت لقيته سعيد فوشها احمر كالعادة)
سعيد: هالو ملاك (ما رخمش علي ملاك زي عادته و دخل علطول)
ملاك: (اضايقت) اهلا سعيد
الام: (جت من المطبخ) سعيد عامل ايه يا حبيبي البيت نور والله
سعيد: الحمدلله و البيت اكيد منور باصحابه 😍
الام: تسلم يا حبيبي
الاب: (جه هو كمان) سعييييد عامل ايه تعالي نقعد احنا جوا بقا
سعيد: ماشي يالا يا عموو
هانا: (قبل سعيد ما يروح مع عمه) هالو سعيد
سعيد: هالوزز هانا
**و راح مع عمه
ملاك: (كانت واقفة في مكانها و سرحانة)
هانا: (جت من وراها و حطت ايديها علي كتفها)
ملاك: (اتخضت و اتنفضت) في ايه؟
هانا: اتخضيتي يا قطة
ملاك: بس يا بت 😒
هانا: اهو سكت 🙊🙊
ملاك: احسن برده (دخلت عند مامتها)
هانا: دي مالها دي؟ 😟 (و مامتها نادتلها علشان تروح تجهز السفرة و راحت)
** في المطبخ :
الام: ملاك؟
ملاك: نعم يا ماما
الام: روحي ودي الاطباق و الكوبايات علي السفرة
ملاك: حاضر (و لما جت تشيل اول كوباية وقعت ادشت) يا لهووي 😨
الام: خلاص خلاص انا هلم الازاز روحي انتي
ملاك: (راحت و دت الحاجات التانية و هانا كانت بتساعدها)
* فضلوا يجهزوا السفرة و ظبطوا كل حاجة :
الام: (جت من المطبخ) يالا يا بنات واحدة فيكم تروح تنده لسعيد و الحج 😃
هانا: انا هروح
الام: يالا
*وراحت هانا ناديتهم و جم و كلوا قعد علي السفرة :
ملاك: (كانت مضايقة اووي و ما بتاكلش علشان سعيد ما بصلهاش حتي)
سعيد: تسلم ايدك يا طنط الاكل تحفة
الام: ربنا يخليكي يا حبيبي شكرا 😘
الاب: بس مجاملات يااض
سعيد: مجاملات مين بس دي طنط احسن شيف في الكوكب دا
الام: تسلملي 😍
الاب: لا لا دي وسعت منك 😃
سعيد: ههههه لا طبعا
** و فضلوا يتكلموا و يهزروا و ياكلوا ما عدا ملاك 😢
________________________
بعد ما خلصوا اكل بابا ملاك و سعيد راحوا قعدوا في الريسيبشن :
سعيد: مش عارف اشكركم ازاي والله
الاب: لا شكر علي واحب البيت منور والله
سعيد: منور بوجودكم 😍
* الام حت فجأة :
الام: يالا يا سعيد لازم تدوق البسبوسة و الجولاش دول عملاهم مخصوص علشانك
سعيد: اكيد هروح البيت الاقي نفسي مليون كيلو 😂
الاب: يا عم كل مافيش حد واخد منها حاجة
*كله ضحك
__________________
في المطبخ :
هانا و ملاك كانوا بيغسلوا المواعين :
هانا: بت يا ملاك مالك؟ (صحيح هانا علطول بترخم علي ملاك بس ما بتستحملش تشوفها زعلانة)
ملاك: مافيش مافيش (كانت كتمة الدمعة بالعافية)
هانا: انطقي
ملاك: والنبي بطلي بقااااا
هانا: يوووه ماشي
** و خلصوا و خرجوا يقعدوا مع باباهم و مامتهم و سعيد و فضلت ملاك ساكتة بردو و الباقي بيتكلم و يهزر عادي :
سعيد: يا لهووي انا اتأخرت اوي معلش بقا مضطر اروح
الاب: انت لحقت
الام: خليك شوية
هانا: ما احنا قاعدين اهو
ملاك: (بصيتله و هو بصلها و ما فتحتش بوقها)
سعيد: اسف والله لازم امشي دلوقتي
الاب: طيب يا حبيبي مع السلامة (ووقف سعيد و سلموا علي بعض)
الام: مع السلامة ابقي خلينا نشوفك
سعيد: ان شاء الله ❤
هانا: بااي سعيد
سعيد: يا هانا
** ما عبرش ملاك و خرج من الباب و ركب عربيته و ساق علي البيت. بعد ما سعيد مشي ملاك طلعت اوضتها.
__________________
في #اوضة_ملاك :
ملاك: (طلعت اوضتها و زي ما تكون ما صدقت راحت انفجرت بقا و فضلت تفكر ايه الي حصل لسعيد ايه الي غيره من نحيتها بالشكل دا؟ و راحت اترمت في السرير و مسكت مذكرتها و بدأت تكتب)
[ النهاردة كان يوم وحش اوي 😞 سعيد ما بصليش 😣 ما بقاش يطقني 😔 يا تري حصل ايه 😢 هو انا غلط لما حبيته السنين دي كلها؟ 😥 لا لا لازم انسي كل حاجة دا ما يستحقش حاجة 😞 بس يا تري هقدر لما اشوف 😓 ربنا يقويني او يهدي سعيد 😭
* و نامت و هي بتعيط 😞
______________________
عند ذا فايف :
* سعيد روح و ملقاش حد في البيت :
سعيد: ايه الصياعة دي (و راح يتصل بمحمد)
*المكالمة :
سعيد: الوووو
محمد: يا اهلا يا اهلا
سعيد: ايه الصياعة دي
محمد: القعدة حلوة اقسم بالله و نقصاك
سعيد: هههههههه ايوة يا عم طب هتيجوا امتي؟
محمد: شعارف والله
سعيد: يالا بقاا اسيبك تهيص
محمد: ماشي سمووو عليكوو 😂
سعيد: و عليكووو
____________________
في #اوضة_سعيد :
سعيد طلع اوضته و فضل يفكر هو ايه الي بيعمله مع ملاك دا معقول نسي كل الحب دا علشان البنت الي شافها 😢 انا لازم اصلح الي انا بعمله دا انا هـ.................... (نكمل البارت الجي ان شاء الله ❤)
__________________________________
يا رب يكون عجبكم البارت 😉
يالا كومنت و فوت
أنت تقرأ
Infinity | ما لا نهاية
عشوائيالحب الحقيقي ما بينتهيش يعني مهما يحصل الي بيحب حد بيفكر فيه علطول و بيبقي حاجة اساسية في حياته مهما كانت ظروفه صعبة او مهما حاولوا الناس يفرقوهم و القصة بتعرضلنا قصة حب دامت كتيير بس نهايتها كانت سعيدة لطرفينها ______________________ الشخصيات *...
