عاشقة مغتربة❤️

Part 12

* مريم:

-هلاو حبيبي شلونك 😚
- هِلو مريوم هسه صرت زين
من سمعت صوتج حياتي
- مممم واني هم حبي
- اخبار تالين
- هفففف شجاب سيرة تالين هسه شبيك
- اوك حياتي لتعصبين مگلت شي
- ماريد تسألني عليه فهمت
-اوك حبيبي فديت اليغارون
- اي اي بعد تقشمر
-يمه ماعاش الي يقشمرج ❤️احبج
- واني احبك مووووت

* تالين:

تالين كعادتها تجلس في البلكون تنتظر انس !
تتكلم معه يتهرب منها
تتصل به يتجاهل اتصالِها
اصبح تعامله بارد جدا معها

- ياربي ليش مايرد ولله شتاقيتله
بعد اتصالات عديدة
.
.
.
.
.
.
- الوو
- الوو هلا حبيبي انس هاي وينك ولله ضَل بالي يمك شصار وياك ليش متجاوب
- هلا تالين لا يضل بالج ح حبيبتي
بس جان هوايه عندي شغل فلهذا مادجاوبچ
- اها اي الله يساعدك حبيبي
- تسلمين حياتي
أگدر اشوفج اليوم
- شلوون؟
- تنزلين للحدائق جوا
وتاخذين وياج صديقتج شسمها اها اي مريم يمكن المهم حتى يقبلون اهلج جيبيها وياج
- اوك حبيبي ماشي لعد أغير هدومي وننزل
احبك ❤️
- اوك حياتي واني احبج

* سما:

اوووف باجر راح يسافر حبيبي محمد .....يعني گتله خلي نزوج اول بس ماقبل هففف
خلي اخابره واطمن عليه
.
.
.
- الو
- الو هلا حبيبتي شلونج حياتي مشتاقلج موووووت
- ممم واني هم شلونك حبي
- الحمدلله تمام
- حظرت جنطتك وغراضك
اي حبيبي كملت كلشي بس أجي اشوفج واروح
- اهئ اهئ لاتروح محمد الله يخليك ولله راح اشتاقلك وخايفه عليك هم
- ياعمري أنتِ والله اني هم راح اشتاقلك بگد الله بس ولله شغل ماتريدين أأمن مستقبلنا يعني
-لا ماأريد يكفيني انت تكون يمي والشغل هو يجي
-ياحياتي ميصير هيج
بعدين يلا روحي بدلي خطيبج وزوجج راح يجي يشوفج
- مممم زوجي مو
- لايكون ماعاجبج ليش هسه مااعتبرها زوجج ومسؤل عنج
- مممم مبله 😘
- اي ترا دير بالج تطلعين وتفرين بدون علمي
- اهااا ممم صاير يتأمر حمودي
- مايأمر عليج ظالم

* سارة:

كنت في غرفة الجلوس اجلس مع عائلتي
كانت الأجواء كئيبة جداً امي تقول
- نحنا مالازم نضل هنا لازم نطلع من هالمكان
خطيب سوزان راح يضل يدور عليها ويريد ينتقم
وإذا سوالك شي ياتيم بعيد الشر شسوي اني هاا
-تيّم: لا يمه لاتخافين شراح يسوي يعني اموتو غير
-سوزان :تيّم كلام امك صح
-جوري: أنتِ لاتدخلين وبعدين اني مستحيل اطلع من بغداد فهمتو
- بابا: جوري سكتي ومئة مرة گتلج للتحجيم ويه خطيبة اخوج بهالطريقة

-سارة: كافيييي ولله موتوني شنو هالجو البلبيت
بس عراك شبيكم متعرفون تسكتون
وصعدت الى غرفتي وانا ابكي لا اعرف ماذا افعل