عاشقة مغتربة❤️

Part 14

جوري:

گاعدين نتغدا كلنا سوا والكل هدوء
الى ان دگ الجرس عدة مرات
جوري: لك شنو هاي مشايفين جرس
ماما: يمه هاي منو جايينا وليش هيج ديدگ
سارة : ( يي يمكن احمد 😁)
تيّم : طالع افتح الباب
فتح تيّم الباب .........

.
.
ام سوزان هلا شلونج شبيج تنهجين  خير ان شالله صاير شي
تفضلي فوتي جوا نحجي

دخلت والدة سوزان البيت وجلسو جميعهم في غرفة الجلوس

-ام تيّم: شكو احجيلنا ولله خوفتينا ام سوزان
-ام سوزان: هذا خطيب سوزان لي هسه مانسى القصة وديدورون على تيّم وسوزان دينتقمون
- ليش شكو لي هسه البنت انخطبت وراح تزوج شكو بعد يلحگون ابني تيّم
- والله مادري هذا مجنون ولازم تطلعون من هنا ياأم تيّم ترى مو أمان
- جوري: شنو بعد ماجبتيلنا بنتج وبالزور فوتيها بيناتنا تريدين نطلع من بيتنا شنو هالجرئه
- ابو تيّم : جوري سكتي عيب مو بگدج حتى تحجين هيج احترمي نفسج وطلعي فوك عغرفتج

- ام سوزان: يالله اني استأذن وأسفه عالازعاج
ابو تيّم عوفها خطيه حقها لجوري
- ام تيّم: لا عيني ماكو ازعاج الله وياج من يصير شي خبرينا

تيّم:

شنو هاي اليوم مايبطل الجرس هف
طلع تيّم يشوف منو
- تيّم: ول هلا بأحمد شلونك اخبارك
زين خطرنا على بالك

- هلا تيومي اسأل نفسك انت لاتسأل ولا تتصل
- والله ظروف ياأحمد
- زين شنو مراح تخليني أفوت ولا اروح
- هههه لاتفضل تفضل
- يزيد فضلك

راما:

وصلتُ الى بيت استاذ وسام
- هلا راما شلونج
- مرحبا استاذ الحمدلله
- تفضلي تفضلي

راما: دخلت بيت الاستاذ
وبقينا ندرُس لمدة ساعة
وبدأ يعطيني اختبارات (يي شگد ماحب من يختبرني لان راح يسود وجهي گدامه😁)

- وسام: ها راما شو صافنه شنو الاسألة صعبة أساعدج بشي
- لا استاذ اصلا كلش سهله ( اني ليش ورطت نفسي يربي هسه شلون احلها 😕)

- اها لعد اني ححظرلج سؤال ثاني
- لا استاذ ميحتاج فهمت( هه يحظي خل احل الي بأيدي وبعدين طيني سؤال ثاني امدداني)

- وسام : اوك راما خلصنا لليوم
- هف اوك واخيِراً
- اها واخيِراً شنو شايفج ممصدگه خلصتي
- اا لا استاذ مو هيج بس تعبت شويه
- سلامتج من التعب
- الله يسلمك ......إستاذ بس اريد ماي
-اوك هسه أجيبلج

- اووف شنو هاي رجعت نبضات گلبي مثل اول يوم شفته بي شنو هالسالفه معقوله احبه
هفف كافي عاد بس هالخربطه