حبيبي من طائفة اخرى

-البارت السادس-

(راحت سحر على هبة حتى تشوفهه)

سهام: هلاو حبيبتي شلونج لج مشتاقتلج كومة والكلية محلوة بدونج والله 😢
هبة: هلاو سهام اني بخير 😔
سهام: لج هبة انتي حتظلين هيج صارلج سبوع ممداومة لج بابا دتفوتج اهواي محاضرات صدك تحجين؟؟
هبة: علي شلونة؟!😔
سهام: علي زين وبس ايريد يعرف اخبارج وهو ميت عليج ومستعد كولشي ايسويي وانتي كاعدة بلبيت تبجين وصايرة عودة تخبلتي !!😳
هبة: سهام اني بعد مااتحمل اريد علي اريدة مشتاقتلة حييل وربي 😣
سهام: لج لتستسلمون وراح تصيرون لبعض والله مااطول ثنيناتكم تحبون بعض وبجنون الف واحد مراح يكدر يبعدكم عن بعض.
هبة: اوكي اني مراح اتخلى عن علي لو اهلي كلهم يوكفون ضدي وباجر حداوم .
سهام: يمة فدووة اوكي منتظريج يعمري 😘.
.
.
.

.
(داومت هبة ثاني يوم ودخلت للكلية وهي شايلة بكلبهه شوق لعلي كولش جبير دخلت شافتهم كاعدين،علي،سهام،وائل)
سهام: شوفو منو اجة 😀
علي مالتفت لان مقهور وضايج
وائل: لك هلا هسة نورت الكلية 😁
هبة: هلاو اكيد مشتاقيلي 😄
علي: هذا الصوت مو غريب 😳
(التفت وشاف هبة ومكدر يلزم نفسة ركض عليهه راد يحظنهه😍)
وائل: لزمة لك علاوي منا الطلاب تعال لتفشلنة 😂
سحر: وائل يلا تعال خلي نروح للكافتيرا 😉
وائل: ايي عمي انروح ليش لا حته نعوف العشاق ع راحتهم😅
سحر: انجب وائل وامشينة 😒
وائل: جاي بس لتعصبين 😢
.
.
(ضلو علي وهبة واحد يباوع ع الثاني وبداخل عيونهم شوق كولش جبير وهبة نزلن دموعهه لان حيل حست هي ناقصة روحهه بدون علي وحييل ارتاحو من شافو بعض)
علي: لج هباوي تدرين شكد مشتاقلج 😩
هبة: مو بكدي علي 😥
علي: مشتااقلج مووت وحسيت حياتي والكلية ظلمة ومبيهه صوتج مشتاق لضحكتج وخجلج وطولج وسوالفج مشتاق لكولشي بيج.
هبة: احبك.😔
علي: اموت عليج
(لزم ايدهه )
علي: دتشوفين هذه الايد الاني لازمهه هسة؟!
هبة: اي😅
علي: مراح يلزمهه غيري ولا راح يدخل بيهه خاتم غيري اوعدج وهذا وعد رجال.
(هبة خجلت حييل ومعرفت شتحجي لان كلام علي حييل انطاها امل وفرحهه 😍)
هبة: واني مراح اقبل غيرك يلزمهه.
علي: فدوة لعمرج يلا خلي نروح للمحاظرة وبعدين عازمج على غدة 😉.
هبة: شنو الغدة 😀
علي :فلافل😍
هبة: هههههه مااا اريد بيتزا 😭
علي: من عيوني يلا هسه خلي نروح.
(راحو للمحاظرة وخلصو وبعدين طلعو شافوهم سحر ووائل )
علي: وائل سحر يلا تعالو ويانة عازمكم على بيتزا 😉
وائل: منك من الشيطان 😳
علي اخذ وائل ع صفحة: انجب يول اني ع مود هبة اخاف نطلع وحدنة وتجيهه احجاية واني مااريد هلشي.
وائل: ايي مو تدلل وين جانت هبة قبل لمن جنت اصرف عليك لفات ماادري الحب يغير هيج 😂
علي: بلا حجي زايد امشي خلي نروح.