Koleksi Lawak Pendek

lawak sabahan ( Ondu vs Operater KFC)

Ondu VS Operator KFC

Ondu : Hello KFC kah ni ??!

Operator : Iya KFC, mo pesan apa ??

Ondu : Ayam ada ?

Operator : Ada..

Ondu : Bah kasi besabung sma ayam sia la !

Operator : gilaaa ( tutup telefon )

Ondu : Hello KFC..

Operator : ko ka yang telefon tadi? Jan ko main2 sana ahh..

Ondu : Iya bah, jan bah ko marah.. bah ayam ada lagi ??

Operator : Ada la bah !

Ondu : Nasi sma eskrim ada ??

Operator : Ada bah.. knapa ko tanya2 ? Ko mau beli ka ?

Ondu : Inda la, sia tanya sja bah tu.. kesian kamu inda laku2 ka jualan kamu ??

Operator : ........... ( tutup telefon )

Ondu : (Call lagi balik) Hello KFC..

Operator : ko kah orang gila tadi.. sudah la ko sana jangan ko main2 lagi..

Ondu : Iya bah sorry bah.. sia mau tanya bah tu, KFC ni buka smpai 24 jam kah ??

Operator : Iya kenapa ? Ko mau datang makan sini ka ?

Ondu : Inda la, sia tanya sja bah tu.. sbb sia kesian kamu inda buli tidur..

Operator : palui..... ( tutup telefon )

Ondu : ( Call lagiiii ) Hello KFC..

Operator : Ahhh apalagi ko mau? Jangan ko kasi buduh sia ahh.. klau ko ada d sini skrg sia tumbuk tu mulut ko..

Ondu : Iya bah sorry lah bah jngan ko marah sia ba.. bah ni betul2 suda sia mau order makanan ni..

Operator : Ahhh mcm tu la.. bukan mau kasi main2 sia d telefon.. Bah apa ko mau order?

Ondu : Sia mau order BAJA UNTUK AYAM BERTELUR adakaaaa?
Operator : ....... (Ampas telefon)

🙄🙄🤔🤔😅
Ini mcm x lwak je tp buat org len skit hati ni..hehe
Hmmm.
Ada byk prkataan yg mybe kmu x fhm..sa kc tau lh:

Ondu- nenek
Inda- tidak
Ampas- hempas

Hehe.. ok fhm uda kalian???