PABOR DAW???

Pabor Daw???

El premera beses iyo contigo ya mira,
Dol chene cosa el corazon quere habla,
Tan dos-dos pa iyo atraka contigo,
Pero etu el una yan kwento comigo.

El segunda beses iyo contigo ya mira,
Dao quen anghel ya abaha na tsera,
Pensaba iyo nuay lang este el cosa iyo ta sinti,
Pero porque maskin onde iyo anda dituyu kara ta pwede mira pirmi.

Hindi... Hindi... Hindi este pwede!
El cosa iyo ta sinti hindi tu pwede sabe,
Pabor amor esta queto,
Kay este cosa ta sinti debe escondido.

Cuanto dia, semana, meses que ya pasa,
Contigo lang syempre iyo ta pensa,
Porque, oh porque na mucho hente contigo pa ya quere?
Cosa ba este ta sinti, amor ya ba este?

Pabor daw contesta, si este amor debe esta!
Pabor comigo habla, hasta onde debe ama.

Habla comigo!
Insinya pakimodo!
Pabor daw, pabor daw.  

by: mavielabor