عذاب الكاهنة

البداية

أنت لو بتقرا الكلام ده دلوقتي ده معناه اني ميتة أو محدش عارف مكانى بعد كل الكوارث اللي حصلتلي على فكرة انا كل حرف كتبته في الورق ده حقيقى و أنا كتبته و حطيته في مكان سهل إي حد يوصله لو بيفتش كويس في اوضتي بعد م أموت أو يحصلي اي حاجة بعد م هي.....
ده هو الكلام اللي لقيته مكتوب في أول ورقة من الورق اللي لقيته في أوضة اختي من بعد م اختفت بقالها يومين و هقول كل اللي فيه بالحرف
أنا اسمي وائل و الكلام كان كالاتي على لسان اختي :
أنا اسمي مريم ......أنا انسانة عادية جدا و كنت عايشة حياة طبيعية و سعيدة جدا قبل م يحصلي إي حاجة من اللي خلتني اكتب كل ده و أنا ممثلة مسرح و عازفة جيتار و تقدروا تقولوا مغنية بس مش مشهورة اووي يعني و بسافر على طول يعني مش عايشة في مصر دائما و اللي ممكن تستغربوه اني عندي 16 سنة و بعمل كل ده
لكن كل ده يعتبر مش مهم على قد م كل اللي انا عايزة اقوله مهم جدااا.....
في يوم كنت قاعدة أنا و أصحابي في النادي و بنغني و أنا بعزف و جت في دماغنا فكرة مجنونة كالعادة و كانت اننا نروح نقعد ناحية بوابة النادى اللي مقفولة على طول (علشان بتطل على المقابر)و بصراحة انا قولتلهم بلاش لكن كلهم وافقوا ف اقتنعت و اتطمنت اننا كتير و وافقت ...المهم رحنا هناك و قعدنا نغني و أنا اعزف و بصوت عالي اووي و بصراحة انا لما بعزف بطنش أي تفكير و بفرح ف نسيت اننا جنب المقابر و غنيت و عزفت معاهم و بعد م خلصنا عزف قررنا اننا نجيب حاجة ناكلها و نرجع نكمل الغنا بس اكتشفنا ان الساعة بقت 1بليل و الوقت عدى بسرعة اووي و أن المطعم و الكافيتريا قفلوا أنا اترعبت و خصوصا لما لقيت ان مفيش حد في النادي غيرنا تقريبا و فعلا فضلنا نلف في النادي و مفيش حد غيرنا لكن فجأة لقيت صوت عاالي اووي لدرجة اننا كلنا سمعناه قال «هالكون» و بدأ يقول كل اسم فينا لوحده (مريم) (سلمى) (خالد) (نسمة)........إلخ
و الغريب اننا اكتشفنا ان مصدر الصوت كان عند.........
______________________________________
#Reem