عذاب الكاهنة

غموض

مصدر الصوت كان عند باب النادي اللي ناحية المقابر و ده كان السبب اننا كلنا جرينا و ركبنا عربية يوسف و خرجنا من النادي و كل واحد راح على بيته
أنا دخلت البيت و كلمت اصحابي و اتطمنت عليهم و دخلت اعمل حاجة أكلها لكن افتكرت اني نسيت الجيتار عند بوابة النادى
يووووه انا لازم ارجع اجيبه....بس هروح ازاي بعد اللي حصل ....لا م انا لازم اروح علشان الجيتار ده غالي اوى....طب هروح اجيبه بكرة...لا لا ممكن حد ياخده
أنا جريت على الموبايل و كلمت يوسف علشان يوديني بالعربية لكن مش بيرد ف دخلت أوضة وائل أخويا و اخدت مفاتيح العربية و نزلت جرى و رحت عند النادي لقيت البوابة اللي بندخل منها اتقفلت....يووه اعمل ايه انا دلوقتي
خرجت من العربية و لفيت عند بوابة تانية صغيرة مفيش ناس كتير عارفاها و نطيت من فوقها و دخلت لكن الغريب اني لقيت النادي كله ضلمة ما عدا البوابة اللي كنا عندها كانت عندها نور جامد جدااا و شفت الجيتار بس الجيتار زي م يكون خارج منه نور هو كمان
جريت علشان اخد الجيتار لكن الغريب جدا ان الجيتار ثابت و كأنه متثبت في مكانه فضلت اشد فيه و فجأة لقيت 3كلاب سودة بتقرب مني و ده خلاني اترعبت و طلعت أجرى لكن سمعت صوت زي اللي سمعناه كلنا من شوية بيقول(انتي الأولى يا مريم و مدة نجاتك 9 أيام من الغد ) انا سمعت الكلام ده و بعدين لقيت الجيتار في أيدي....ايه ده ازااي انا حاولت اخد الجيتار و كان ثابت ازاي هو في أيدي....أنا مفكرتش كتير و خرجت من النادي زي م دخلت و ركبت العربية و روحت على البيت لكن أول م دخلت لقيت وائل في وشي بيقولي انتي كنتي فين و اخدتي العربية ليه
قولتله :انا...أنا..أنا كنت مع سلمي علشان كانت تعبانة شوية و جيت اخدت العربية علشان اوصلها المستشفى
وائل:رحتي المستشفى بالجيتار
أنا:اه اومال كنت هسيبه في النادي
وائل:طب ماشي اطلعي على أوضتك و نامي
أنا:حاضر
طلعت اوضتي و اترميت على السرير علشان ارتاح لكن نمت بسرعة جداااا و حلمت ...اه حلمت
حلمت ب ايه؟ انا حلمت بكل اللي حصل معايا النهاردة و طول الحلم كنت بسمع نفس الصوت بيقول ( انتي الأولى يا مريم و مدة نجاتك 9 أيام من الغد)لكن حصلت حاجة غير كل اللي حصل ...أنا شفت واحدة ست بتتفرج علينا طول م كنا في النادي من الباب اللي ناحية المقابر و زي م تكون فرحانة جداا
و للحظة عيني جن في عنيها و زي م أكون دخلت دماغها و شايفة بتفكر في ايه و كل حاجة في دماغها كانت قدامي ....لكن الغريب أنها كانت شايفانا لوننا احمر و الغريب أنها كانت شايفانا زي مصاصين الدماء لكن حصلت حاجة غريبة جدا و اترعبت منها