الكل بيجري لما يسمع صرخه ملك
ويتفاجؤا لما يلاقووا حد بيشد ملك ،، أدهم يجري عليها ووراه أحمد وعمر
ملك بصريخ : سيبني ياا انكل سيبني
أحمد : عمو عبد القادر مالك ماسكها كده ليه ؟
عبد القادر بلكنه صعيديه : ارجع ي واد منك له دي هتبجي مرتي ومن حجي اخدها معاي
محمد بعصبيه : انت بتقول ايه ي عبد القادر
عبد القادر وهو مصمم يأخدها وماسكها جامد : ايه انا جولتلك عندي عريس لبنتك وانت جولتلي موافج ع المبدأ دوت فأنا اهه جدامك ها موافج ؟؟
الكل شهق من الصدمه
محمد : انت لهو انت مكنتش عاوزها لابنك دي دي من دور عيالك ده انت اكبر منها بـ ٢٤ سنه ده انت داخل ع ٥٠ سنه يعني اكبر مني
عبد القادر وهو لسه ماسك ايد ملك : بس بنتك حلووه جوي جوي يا حاج حتته مهلبيه استخصرتها ف الواد ابني وجولت اخودها اني ولا ايه يا جشطه بص يا حاج انا كده ولا اكده هتدوزها لانك المشروع الي داخل فيه معايا لو انا لغيت الشراكه ديت انت هتفلس وساعتها بردك هتجوزها فتجوزها دلوقتي أحسن ولا إييه ؟؟
ملك ببكا وبتتوجع من الالم
أدهم اول ما شافها كده قلبه اتقطع عليها ولقي نفسه بيشدها من ايد عبد القادر و وقفها ورااه وهي مسكت ف كتفه بتلقائيه
أدهم بثقه : طلبك مرفوض يا حاج وجه متأخر ملك خلاص بقيت بضهر راجل
( وحاوط ملك من كتفها )
ملك خلاص بقيت مراتي
الكل بصدمه : هاااااااا
ملك : 😱😱
عبد القادر بعصبيه : انت بتجول إيه ي جدع انت
أدهم ببرود : الي سمعته
عبد القادر بعصبيه : وريني قسيمه الجواز بقولك
أدهم : انت مالك انت بقسيمه الجواز ابوها ولا قريبها وانا معرفش واطلع بقي من غير مطروود
عبد القادر بحده : الكلام ده بجد محمد
محمد مصدوم : هه ااه ااه
عبد القادر بغضب : حتي لو جوزها انا هاخدها وهطلجها منيك
وجاي يشد ملك تاني ملك اتحامت ف ادهم وقفت وراه ومسكته من القميص بتاعه ودموعها اخترقت قميصه ولمست ظهره مش هقدر اوصفلكم احساسه كان ازاي حس ان روحه بتتسحب منه ومن غير تفكير مسك عبد القادر من رقبته ووقعه ع الارض وقعد فوقه وهو بيضربه بكل غضب وقسووه لانه خلي قطته تبكي كده
أدهم : يا كلب ازاي تتجرأ وتشدها انت ابن *** وحيات امي لهفرجك
عمر واحمد بيبعدوه عنه
أحمد : سيبه ي ادهم ده ميستهلش تروح فـ داهيه بسببه
وقدروا يبعدوا ادهم عن عبد القادر
أحمد بعصبيه : اطلع بره ومتورناش وشك تاني احنا خلناه يسيبك احتراما لسنك
عمر : قسما عظما لو هوبت هنا تاني متلومناش ع الي هيحصلك
عبد القادر خرج والشر بيتطاير من عيونه
الكل كان واقف ع اعصابه ومش مصدق لان كل حاجه حصلت بسرعه
فاقووا ع صرخه البنات وهما ماسكين ملك الي اغمي عليهاا
أحمد وادهم : ملك
والي وصل الاول كان أدهم الي مسكها قبل ما تقع من ايد البنات
أحمد بحده : لو سمحت انا هشيلهاا
أدهم مكنش قادر يسيبها بس بعد واداها لاحمد وهو ف نار جواه ان حد غيره شايلها
الكل يطلع مع ملك
ويتبقي بشري وأدهم بالصاالوون
بشري تقرب منه : حبيتها ؟؟
أدهم بنفي : لا لا
بشري : مهما تنكر انا شوفت اللهفه الي بعيونك خلاص
أدهم بحزن : خايف
بشري : من ايه ؟؟
أدهم : تطلع زي....
بشري تقاطعه : بقي بذمتك ملك زي كارمن ( طليقته)
انت لو حطيت ملك ف مقارنه مع الحقيره دي تبقي بتظلمها هقول ايه غير حسبي الله ونعم الوكيل
أدهم : طب طب اطلعيلها اطمني عليها وو طمنيني
وكمل بغيره واضحه : وناديني الزفت عمر ايه طلعه معاهم بشري بضحك : طيب ي اخويا هنديهولك بس قولي انها مراتك دي كانت لحظه جدعنه وسد كلام ولا ده هيحصل بجد
أدهم بتنهيده : طبعا هيحصل يستحيل اسيبها تضيع من ايدي
بشري بضحك : وربنا بتحبها
وطلعت ولقيت عمر واقف ع الباب
بشري : هي عامله ايه
عمر : معرفش والله مدخلتش معاهم
بشري : طب ي حبيبي انزل لابن خالك اصله شايط
عمر : نازله ي امي اما اشوف اخرتها معاه
بشري تدخل تلقي ملك فاقت
بشري : حمدالله ع سلامتك يا لوكا
ملك بهمس : ميرسي يا انطي
منه : يا جماعه يلا نسيبها ترتاح
ملك بإصرار : لا لا يلا ورانا حاجات كتير لازم تنعمل انت ناسيه ان انهارده كتب كتابك
منه بحزن وهي بتحضنها : يتأجل المهم عندي انت
ملك بهزار : بقي بذمتك عاوزاه يتأجل
منه بهزار : احم ميتأجلش ااوي يعني
احمد حضنهم الاتنين
احمد : حبوني معاكم
الكل : ههههههههههههههههههه
أمينه : ربنا يخليكم لبعض
محمد باس راس ملك : يلا ننزل يا جماعه ونسيبها ترتاح شويه وتغير هدومها
الكل : اوووك
ويخرجوا
ومحمد واحمد ينزلوا
لميس : انا مش قادره اصدق الي حصل
ندي : فعلا كل حاجه حصلت بسرعه
أمينه : ربنا ينتقم منه بقي
بشري : خلاص يا بنات بقي فضوها سيره ويلا نجهز لكتب الكتاب
الكل : ااوكي
.............
عند الشباب تحت
أدهم : لو سمحت يا عمي انا عاوز حضرتك ف كلمه
محمد : خير يا ابني ان شاء الله اتفضل معايا بالمكتب
في المكتب
محمد : خير يا ابني
أدهم : خير ان شاء الله انا انا بطلب ايد ملك بنت حضرتك
محمد : احم بص يا ابني انا عارف انك بكلامك خلصت ملك من الي ميتسمي عبد القادر لكن انا مش عاوزك تاخدها جدعنه كده ملك انا هعرف احميها من الجبان ده كويس
أدهم : انا سمعت حضرتك لحد ما خلصت كلامك ممكن انا بقي اتكلم
محمد : اتفضل
أدهم : اولا انا معملتش كده جدعنه ولا حاجه انا فعلا اعجبت بملك احم اقصد عجبني ادبها وطريقتها بالكلام ورقتها وكل حاجه علشان كده جيت واتقدمتلها
محمد بنظره متفحصه ليه : انا خلاص وافقت عليك بعد نظره عيونك دي بس ملك غير اي حد عندي دي امانه مني ليك
ادهم بفرحه : صدقني مش هتندم ابدا انك سلمتني الامانه دي
محمد : علي خيرة الله
أدهم بتردد : بس بس ف حاجه حضرتك لازم تعرفها
محمد : خير ي ابني
أدهم : انا كنت متجوز قبل كده بس حصل ظروف وطلقتها
محمد اتردد شويه قبل ما يرد عليه : بس بس
ادهم يقاطعه : صدقني انا عمري ما هرجعلها تاني ابدا
محمد براحه : وانا مصدقك
ادهم : ف حاجه تانيه
محمد بهزار : ايه تاني
ادهم : ههههههههه احم ينفع كتب الكتاب يكون انهارده
محمد : نعم ازاي ده يا ابني
ادهم : لو سمحت وافق هي لازم تبقي معايا لما ارجع القاهره تاني وكمان علشان انا عرفت من عمر ان عبد القادر ده ممكن يسخن اهل البلد ع حضرتك ويطالبوا بالقسيمه
محمد باقتناع : امممم ماشي ع خيره الله انهارده كتب كتاب عمر و منه وانت وملك
يقاطعم دخول شخص بيقول : نعمم ده مستحيل
.....................
الحلقه التالته فينش خلاص
رائكم
#رمضان_كريم
