علي : انطق ي عم انت بدل ما انفخك
عبد القادر : الي بعتني تبقي سيرين
علي بصدمه : انت هتصيع دي قريبيتهم
عبد القادر : وكتاب الله هي واجدر اثبتلك كمان
علي : ازااي
عبد القادر : اجدر اكلمها جدامك دلوكيت
علي : طب خد تلفيونك اهه واستني كده
- علي فتح الاسبيكر وفتح فونه علشان يسجل الكلام
عبدالقادر : الووو ازيك ي ست سيرين
سيرين : اووف بتكلمني ليه يا مخفي انت ... قولي انت خدتها فين بقي واوعي تكون عملت حاجه في ادهم
عبد القادر كمل كلام باشاره من علي
عبد القادر : هه اه خدتها ومأذتش الواد التاني
سيرين : وهتتجوزها ازاي
عبد القادر : بصي بجي انا مخدتهاش من اساسه
سيرين بصدمه : نعم ده انا رتبت كل حاجه وقولتلك ميعاد تحركهم ايه بالظبط واتفاقنا كان انك تقتلهاا
عبد القادر : الواد الي معاها حماها ومعرفتش اعمل حاجه
سيرين : طب غور بقي و متظهرش اليومين دول وحسك عينك تجيب سيرتي في حاجه
عبدالقادر : حاضر انت تؤمري يا ست سيرين
سرين : غور جتك البلا
عبدالقادر : وليه شرشوحه بصحيح .... ها صدجتني اكده
علي : صدقتك لازم محمد بيه يعرف
......
...
عند ملك
ملك بصدمه : مين دي الي مراته
يظهر الي بيتكلم وهي ليليان
ليليان بخبث : اووه هو مقلكيش انه متجوز تاني تؤ تؤ عيب والله بس سوري انا مبععرفش احكي خلي دومي هو الي يقولك بنفسه يلا باااي
ومشيت
ملك فضلت تفكر وليه ادهم مقالهاش
،، وهل هو فعلا متجوز
ومن غير ما تحس دموعها نزلت
أسر : لوكا انت عيطي ليه
ملك : مفيش ي حبيبي هروح اغسل وشي وجايه
اسر : اووك
تخرج ملك وهي حاسه بألم فظيع ومن غير تفكير تروح علي الاوضه وفعلا تلاقي أدهم نايم ع السرير فتتغاظ جدا منه وتروحله
ملك بتزق ايده جامد : قوووووم بقولك قووم
ادهم قام مفزوع : في ايه انت كويسه
ملك : يا برودك يا اخي ليك عين تسألني اذا كنت كويسه ولا لا
أدهم : ملك مبحبش اللف والدوران في ايه
ملك : كده قصرت عليا الطريق ...... انت متجوز
ادهم بصدمه : نعم
ملك : انت متجوز
ادهم تمالك الصدمه وقال : اه طبعا متجوز ما انت واقفه اودامي اهـ....
ملك تقاطعه : متجوز عليا يا ادهم اوو متجوزني عليها
ادهم بتنهيده : كنت
ملك : يعني ايه كنت
ادهم : كنت متجوز وطلقتها من سنه
ملك : هاااا بس هي قالتلي انك لسه متجوز
أدهم : هي مين دي
ملك : م مفيش بس انت طلقتها ليه
ادهم : مش حاابب افتكر ممكن
ملك بإصرار : بس انا عاوزه اعرف
ادهم : ملك عاوز انام ساعتين ممكن وبلاش ازعاج
ملك : لا مش هتنام وهتقوم تحكيلي
ادهم بزهق : لا
ملك : ليه
أدهم بعصبيه : يوووووه بطلي شغل الاطفال بقي
ملك بدموع : بس انا عاوزه اعرف
ادهم حاول ميبينش انه اتأثر بدموعها : قولت مش هحكي
ملك : مليش دعوه عاوزه اعرف
أدهم : يووووه اقولك روحي أسألي ماما
ملك : لا انت
ادهم : يووووه بطلي رخامه بقي
ملك بخبث : احنا متفقين اننا نبان ان احنا مبسوطين اودامهم والمفروض اني عارفه عنك كل حاجه هروح اسألها اكيد هتشك في الموضوع
ادهم سكت وبان انه بيفكر
ادهم بغيظ : طيب ممكن انام ولما اصحي هحكيلك
ملك : لا دلوقتي
أدهم : لما اصحي ولو كترتي في الكلام مش حاكي حاجه
ملك : اوووف طيب انا عاوزه انام
ادهم : ما تنامي
ملك : ازاي وحضرتك اخد السرير كله
ادهم : نامي علي الكنبه الي هناك دي
ملك : لا انت الي هتنام عليهاا وانا عاوزه اوضه ليا لوحدي
أدهم : والنبي ابوس ايدك بطلي هبل انت لسه قايله لو سالتي ماما هتشك ما بالك بقي لو قعدتي في اوضه تانيه ايه هيحصل
ملك لسه هترد قاطعها .... بطلي رغي عاوز انام ولو مش غاوزه الكنبه نامي جمبي علي السرير
ملك : لا لا الكنبه ارحم
وفتحت الدولاب ويا ريتها مفتحته كانت بتدور في هدومها علي بيجامه محترمه بس بما ان الست الوالد الي مرتبلها الشنطه فحطلها حجات استغفر الله العظيم بإعتبار انها عروسه يعني
ملك في سرها : بقي كده يا امينه ماشي
ملك اخدت برموده لبعد الركبه و عليها تي شيرت واسع وكان شكلها جميل اووي وخرجت ونامت علي الكنبه
و ادهم متابع كل حركاتها ونام
...... ... . .. ... ..
علي الساعه ٨ بليل
ملك وادهم لسه نايمين
تحت في الصالون
بشري : الله الولاد اتاخروا كده ليه في نومهم
لميس : تعب السفر بقي يا ماما
ندي : ااه انا كمان مكسره وعاوزه انام بس مبحبش انام بدري
بشري : ادهم اتقتل نووم
عمر : سيبيه يا خالتو مكنش بينام كويس الفتره الي فاتت
اسر : انا عاوز لوكا تصخي تلعب معايا
لميس : يا واد اتهد البت لعبت معاك ٣ ساعات بحالهم
اسر : زهقت يا مامي من توم وجيلي ده
لميس : طب تلعب معايا انا
اسر : طب بابي هيجي امتي
لميس : كلها اسبوع واحد بس
اسر : يا مثهل
عمر : الواد ده بقي خطر بلدغته دي ده بهت علياا
الكل ضحك
ليليان بخبث : انطي انا هطلع اصحي ادهم اصل بابي كان. عاوزه في حاجه تبع الشركه
بشري بحده : الواد تعبان سيبيه نايم حبه
ليليان : لا لازم اكلمه هخبط لو مصحاش همشي يلا تشاو
ندي : سيبوني عليها هعرفها غلطها بس
لميس : يخربيت تناكتها
ندي : لا وبارده
لميس : دمها يلطش
عمر : هي وقعت في ايديكم الله يرحمك يا ليليان
الكل : هههههههههههه
....... ... ... ...
عند ليليان كانت طالعه تتاكد من حاجه كده وهي ان ادهم وملك اتخاصموا فعلا بعد الي قالته لملك ولا لا
وصلت عند باب الاوضه ودخلت علطول وفرحتها زادت لما لقيت كل واحد فيهم نايم في مكاان
ليليان بصوت واطي بس مسموع : الله الله يعني كل واحد نايملي في مكان انا بقي ههد المعبد عليكم وهنزل اقول لانطي تحت هاهاها اصبروا عليا
.... .......
نزلت ليليان
ليليان : انطي بشري في موضوع عاوزاكي فيه
بشري قامت معاها وبعدوا شويه : خير
ليليان بخبث : انطي هو ادهم مغصوب ع الجوازه دي
بشري بصدمه : نعم لا طبعا
ليليان : اومال ايه الي حاصل فوق ده
بشري : حاصل ايه كفي الله الشر
ليليان بخبث : كل واحد منهم نايم في مكان
بشري بصدمه : هااااه
ليليان : ااه بس ممكن يكونوا متخاصمين وهي باينها نكد ومنكده عليه
بشري في نفسها : تلاقيكي بتكدبي علشان توقعي بيني وبين البت وتخليني اكرها
بشري : وايه يثبتلي كلامك
ليليان : تعالي معايا
ويطلعوا عند الاوضه
ليليان تفتح باب الاوضه لبشري وتفضل عند الباب
بشري تدخل
ليليان بثقه وشماته : هااا صدقتيني لما قولتلك منكده عليه
بشري بسخريه : ااه منكدين اووي تعالي يا حبيبتي شوقيهم نايمين بالعسل
ليليان بصدمه : نعم
وتدخل وتكون الصدمه بالنسبه ليها ان ملك وادهم بنفس السرير
ليليان : ايه ده
بشري : الي انت شايفاها حبايبي وحبهم لبعض وتقوليلي مغصوب
ليليان : لا مكنوش كده
بشري : ازاي مكنوش كده يعني دول نايمين نوم ميتين اهه اقولك ابقي البسي نظاره واتاكدي من الي بتشوفيه
.....يلا يلا يا لي لي تخرج ونسيبهم يناموا
ليليان مشيت وهي متعصبه
وبشري لسه
وبعدها بشري قربت من سرير ادهم
بشري بتهز ادهم : قوم يا واد علي امك برده شوفتك بترمش يا اغبي اخواتك
أدهم فتح عينه : انت ميفوتكش حاجه ابدا يا ست الكل
بشري : يا واد انا امك حفظاك اكتر من نفسك ، فوق كده وتعالالي الاوضه عاوزاك في موضوع وسيب ملك نايمه
ادهم وهو بيرجع للنوم : حاضر
بشري بضحك : ملك لو صحيت ولقيتك كده مش بعيد تكهربك
ادهم : انت بتقولي فيها تعملها وخصوصا انها مش طايقاني بعد ما عرفت اني متجوز
بشري : عرفت طب مين قالها
ادهم : اما اجيلك هنتكلم
بشري : طيب يا حبيبي
وخرجت
ادهم فضل باصص علي ملامح ملك وهي نايمه وبعدها اتنهد وباسها من دماغها
وبعد كده قام واخد شور وغيىر هدومه وراح ع اوضه مامته
.......
عند بشري كانت بتقرأ القرأن في اوضتها
وادهم خبطت ودخل
بشري : صدق الله العظيم ادخل يا حبيبي
ادهم دخل وباس ايد مامته
ادهم : اخبارك ايه يا امي
بشري : عمري ما اكون كويسه طول ما انت مش مرتاح يا حبيبي
ادهم بتنهيده : ملك
بشري : مالها
ادهم : تعباني معاها مش عارف هي عاوزه ايه علطول تعند معايا
بشري : يا حبيبي انت عارف ان الجواز تم بسرعه كبيره جدا فليها حق تبقي مستغربه الوضع ده وخايفه منه
ادهم : ايوه بس انت عارفه اني مبحبش الدلع الزايد بتاع البناات ده
بشري : يا واد سيبها تدلع هي بتدلع ع حد غريب بس قولي بقي ازاي ليليان قالت ان كل واحد فيكم نايم في مكان وانا لما طلعت لقيتكم نايمين عادي
ادهم : هقولك
#فلاش_باااك
ادهم كان نايم بس سمع صوت فتح الباب وشاف الي دخل ولقاها ليليان فلسه هيقوم يهزقها سمعها بتقول :
الله الله يعني كل واحد نايملي في مكان انا بقي ههد المعبد عليكم وهنزل اقول لانطي تحت هاهاها اصبروا عليا خرجت ليليان وهو قام بسرعه
وراح عند ملك ومن غير ما يصحيها شالها ونيمها علي السرير ولم الكوفرته الي موجوده علي الكنبه
وطلع نام جمب ملك وحصل الي عرفناه فوق
#بااااك
بشري : ع فكره انت داهيه بس انت عملت كده ليه انا حتي كنت عارفه ان ده هيحصل وملك مش هترضي تبقوا في مكان واحد وتطلب اوضه تانيه
ادهم : مهي طلبت يا اختي طلبت
بشري بضحك : بجد
ادهم : اااه بس علي مين قولتلها مينفعش وقفلت الحوار
بشري : طب عملت كده ليه
ادهم : مش عاوز ادي فرصه لـ ليليان تضايقهاا
بشري : معاك حق انا حاسه انها جايه تخرب عليكم
ادهم : انا هعرف اوقفها عند حدها ..... طيب بس هي عرفت موضوع طلاقي ده وعاوزه تعرف السبب
بشري : قولها
ادهم بحزن : بسهوله كده انا مصدقت انسي
بشري بحنان : دي مراتك ولازم تعرف
ادهم : انا مصدقت انسي عاوزاني افتكر بكل سهوله مراتي وهي بتخوني عاوزاني افتكر وهي مع واحد تاني وفي بيتي لا ومش كده وبس دي كانت هتضيعلي مستقبلي و.........
ولسه هيكمل كلامه سمع صوت صريخ ملك
فطلع يجري ع بره ووراه بشري
.............
ستووب بقي
اي لوف يو ❤
