اكتمال ........
ميار : شني مزال مش ح تسجلي في باص مصره
اني : باه يا ودي كلمت امي امس قتلي شوفي باص
ميار : ملا شن تستني كلمي مازن
اني : قتلك لا انسجل في باص تاني
ميار : اعلاش با بنت مسكره راسك اني مدخلنيش فيك بنكلمه بروحي
ومشت ميار تجري لي مازن وكلماته زي المهبوله واني وجهي ولا احمر اصفر ازرق ميتفسرش ههههه
ميار : السلام عليكم استاد مازن
مازن : وعليكم السلام كيف الحال
ميار : الحمدلله كيف حالك انت
مازن : الحمد لله
ميار : استاد في بنت اسمها لارين تبي تسجل في باصك
واني بي ابتسامه خفيفه وقيمت حاجه
اني : السلام عليكم ههه
مازن : اووووه شن الجو لارين بنت شارعي خيرك متحشمه
اني : لا شي غير ههه......
مازن : انتي اللي بتسجلي في باصي صح من غدوا انجي ناخدك
اني : اي
مازن : باه تمام شن حالك انتي
اني : تمام
( طبعا هادا مازن جار لارين وهيا متحشمه منه اعلي خاطر مرات ميخاليهاش تدفع الفلوس 😂😂😅) نرجعو للقصه
ميار : مش قتلك بريله ههه
اني : حيوانه توا كيف بندير هي مرات ميخلنيش ندفع الفلوس
ميار : عادي شن فيها هههه
اني : باه باه
الابله : هيا يا بنات رن الجرس طابور وطبعا درنا طابور وخشينا للفصول وبدينا الدوام حصه ورا حصه لين جي المرواح
مازن وبصوت عالي : لارين هيا تعالي
اني : هي جايه
ميار : هي باي نتلاقو غدوه
ومشيت لي مازن
مازن : خيرك عطلتي ههههه
اني : مبردك احني توا كيف طلعنا ومفي حد من البنات جي
مازن : احسن نبي انكلمك
اني : شن تبي
مازن : نبي انقولك بتبدي كل يوم تمشي معاي من غير ما تدفعي وبنجيك اول وحده وبنروح بيك اخر وحده
اني وبصوت عالي : لالالا كيف عيب من غير فلوس بندفع
مازن : واطي حسك ولا كلمه اللي قلته بديريه
وجو البنات كلهم ومشينا وروح بيا مازن واول ما وصلت
مازن :هي باي ديري بالك اعلي روحك
اني : هي باي واحتى انت دير بالك اعلي روحك
خشيت للحوش .....
امي : هلا بنتي
اني : هلا مامتي شن الجو
امي : تموم شن جو المدرسه اليوم قريتو
اني : تمام كويسه لالا مقريناش مجتش ولا ابله هياجا وخلاص ههههه
امي :القيتي باص
اني : اي القيت باص مازن جارنا وقالي بري منغير ما تدفعي فلوس اقعدت اناقش فيه ع الموضوع مباش يفهم
امي : خلاص توا انكلمه غير امشي معاه ولد محترم زيه مشاء الله ...
اني: باه تما ومشيت بدلت وتغديت وشديت الفيس انكلم في ميار
ميار :شن صار معاك مشيتي معاه مازن
اني : اي يا حيوانه وقالي متدفعيش تفو اعليك
ميار : ههههه عادي شن فيها .........
وقعدنا انهدرزو لي الساعه اربعه ونضت ارقدت نص ساعه وانوض انشوف امي
امي : هي اني بنمشي لي جدك تمشي امعاي ولا تقعددي
اني : لالا مخاطريش توا نقعد وكلمت امي قعدت مكسده ع الفيس وانضم وانحوس وانضم وانحوس لين جت الساعه 6 طق الباب .
اني : مني
ونسمع صووووت.......😨😨
متابعه في الحلقه الجايه انشاء الله غير توا تلفوني قريب ايتم شحنه 😂
