وراح وجاء دكتور ثاني..الدكتور:استاز فيصل تفضل"وهو يأشر للغرفه" وراح فيصل مع الدكتور..
الدكتور:الحمدلله المدام سليمه..
فيصل مو مستوعب:كييف؟؟
الدكتور:بقول لك المدام سليمه..ولله الحمد..
فيصل:بس..بس قالوا لي انها ماتت..
الدكتور:ههههه.. لامتخاف..هي اغمى عليها وبس..
فيصل بضياع:بس جاء دكتور وقال لي...انها ماتت
الدكتور ابتسم: يمكن كان مخطئ بينك وبين شخص ثاني..ع العموم المدام كويسه ومابها حاجه...ولله الحمد.."وهو ياشر"بامكانك تشوفها..
فيصل وهو يقرب مني:خفت عليك واجد ياسارة"التفت"متى راح تصح يادكتور...
الدكتور:بعد كم دقيقة..
فيصل:.............(مدري وش صار لي حسيت للحظه اني بفقدها... حسيت بالضياع..أنا ماحبها ولا شوي..أنا اكرها..بس وش تفسر غضبك عليها يوم شفت جاسم وهو يحضنها ولا يوم اغمى عليها..يمكن خوف بس..اي خوف وبس)ورن جواله..فيصل:هلا غادة..
غادة بخوف:وين سارة يافيصل؟؟
فيصل يسوي نفسه مايدري:وي مو معاكم..
غادة:لا....مشفتها انت بالغرفة ألي قلت انك بتقابلها فيه..
فيصل:إلا وبعدين رحت..يمكن راحت المسبح..
غادة:بدور عنها قبل محد يحس..
فيصل:وطمنيني انزين..
غادة:إن شاء الله..وسكر وبعد خمس دقايق..
سارة بهمس:وين انا..
فيصل(بقلبي) بحنيه:اخيرنا صحيتي...انتي بالمستشفى..
سارة بنفس الهمس:وش صار؟؟
فيصل وهو يمسح ع شعري:يعني تسوين نفسك ماتدرين..يلا قومي بلا دلع..
سارة وهو يقومني:اه راسي يعورني..
فيصل(سلامتك من الاه):هذا لان اغمى عليك...وبعد كم دقايق بيطيب..
وهو ينزلني من السرير..فيصل خق من ريحه عطري: حلوة ريحه عطرك..
سارة استحيت وبعدت عنه:هه...وين عباتي..
فيصل:خذي...
سارة وانا البس العبايه مع الشال:وين برقعي..
فيصل:مدري يمكن ماجبته..
سارة:احلف عاد..
فيصل:من العجله..
سارة:كيفك..اجل مراح اغطي وجهي..
فيصل بعصبيه:نعم!!اقول استعدلي..
سارة خوفني من عصبيته: هدي..اصلن مراح اسويها حتى لو طلبت مني اني افتح وجهي...
فيصل:أي ع بالي بعد..
وخذت شيلتي وتلثمت فيها..فيصل(يمه عيوونها ذباحه... والله بتموتني هل البنت من حلاها)..
لاحظت انه يطالع فيني"استحيت":وش فيك تطالع فيني..كل ذه اعجاب...
فيصل(وفي نفسه اطالع حلاتك ياوجه البدر):من زينك انتي..شوفي شكلك في المرايه بس.. قال شو قال اعجاب..أنا اعجب فيك انتي؟؟
سارة تخصرت:ووش فيني انا ناقصه رجل ولا يد..
فيصل بنظره حاده:أي ينقصك اشياء واجد..وانتي ادرى وش هي..
سارة"فهمت وش يقصد..ودي اقول لك يافيصل اني مو البنت ألي حاطها في بالك..بس انت دايم تكذبني...مدري وش اسوي لك مشان تصدقني).. وركبت السيارة..فيصل:اسمعي لاتقولي لحد انك معي او انك كنتي في المستشفى ياويلك ان قلتي حتى لغادة لاتقولين لها..لاني مقلت لها..
سارة:انزين..
فيصل:ترى هي تدور عنك..
سارة:بس هي ولا..
فيصل:لا بس هي...لانهم يحسبونها معك..
سارة:اها...طيب وش اقول لها لقالت لي وين كنتي؟؟
فيصل:بسيطه..قولي لها انك كنتي تتخبين عنها..
سارة بسخريه:احلف عاد..
فيصل:أي والله..وهي بتصدق وتشوفين..
ووصلنا للمزرعة..فيصل:يلا نزلي وخذي حذرك لحد يطالع فيك..
سارة:انزين..يادب..وهجيت منه..
فيصل:نعم!!أنا دب انا اوريك يالفيل..وين بتروحين مني..
فسخت عباتي وشفت غادة متوتره..تسحبت وراها:بووووو..
غادة اخترعت:بسم لله الرحمن الرحيم....وين كنتي؟؟
سارة:كنت استخبي منك؟؟تعبتي؟؟
غادة:انتي سخيفة مرة والله العظيم اني خفت عليك..تصورت ان صار لك شيء...
سارة(أي والله صدقت..مكذب فيصل):اسفة مراح اعيدها مرة ثانيه...
غادة:يلا..جاوا الحريم ويبون يسلمون عليك...
سارة:أي لحظه خليني اضبط مكياجي...عدلت مكياجي وزدت على الغلوس..ورحت عند الحريم..سلمت عليهم..
ام منصور:مبروك يابنتي..
سارة بخجل:الله يبارك فيك..
ام فيصل:مبروك عليك ولدي ياسارة.."ابتسمت..
سارة"ابتسمت لها":الله يبارك فيك يمه...
ام عبدالرحمن:والله سارة تستاهل...
ام حمد:عقبال عيالك
ام عبدالرحمن:امين يارب..
ورحت عند البنات..نوف:شكلك خيال بالجلابيه..
فاطمة:ابي اعرف جلابياتك من وين تشترينهم..
سارة:من الكويت ولا دبي ولا الامارات..بس ذي من الامارات..
فاطمة:اها..
الاء:ابيك شوي سارة من بعد اذنكم..
قمت معاها..سارة:شوو مافيه كلمه مبروك..
الاء:مبرووك..بس يلا قولي لي...
سارة اسوي نفسي كني مدري:عن ايش..
الاء:لا تستعبطين وقولي لي..
سارة:بقول..بس خلينا نطلع لحد يسمعنا وونفضح....
وفي المجلس..
منصور:هلا بالعريس..
فيصل"ابتسم":هلا فيك..اخبارك؟؟
منصور:الحمدلله زين..وانت؟؟
فيصل:الحمدلله ماشي الحال...وهو يطالع جاسم بحتقار..
حمد:مبروك عليك اختي يافيصل..
فيصل:ههههه الله يبارك فيك..
حمد:عاد لاوصيك عليها..
منصور:من احين توصيه!!
حمد:أي..ذي الزين كله..حطها في عيونك الثنتين..
منصور بخبث:صدق الزين كله..
فيصل:اقوول اعقل ترى ذي حقتي..
الكل:ههههههه..
ابو منصور:اعنبوكم انتوا... حتى في المجلس قدام الخلق متكفونا عن ازعاجكم..
منصور:هذا ميزتنا..
عبدالله بن سعد:امحق ميزه..
عبدالله بن مبارك:قاعدين تطنزون علي يوم ملكتي ياجليلين الحيا..
منصور:انا مكنت معهم..
عبدالله بن مبارك:احلف عاد....اهم شيء انك شاركتهم بالضحك..
منصور:لا والله يعني جات علي انا..الكل ضحك مو بس انا...
فيصل:ههههههه..وخير ياطير ان ضحكنا..وش بيصير..
عبدالله بن مبارك:بعد...أنا اوريك وش بيصير..
الكل:ههههههههه
ابو عبدالله:اعقلوا ياعيال...
ابو حمد:أي معليه..اتحداك ان عقلوا...انا من اشوفهم في أي مجلس اهج على طول..
ابو جاسم بضحكه:اش دعووه..
ابو عبدالله:مكذب بوحمد..كلا نجار ألي يشوفهم يقول بزران مو رجال...
ابوجاسم:توهم طايشين..
فيصل:أنا مو منهم.. هم في العشرين وانا ب35..
ابوجاسم:هههههه انت اولهم..
فيصل:ههههههه..افى ليه؟؟
ابو جاسم:اسأل نفسك..
فهد توه داخال:يامرحبا..
محمد:هذا ألي ناقص..
الكل ضحك إلا فهد:ههههههههه..
فهد مو فاهم شيء:وش السالفة..
فيصل:ههههههه...انت استريح وبس..
فهد"وهو يساسره":شفتها ولا..
فيصل بصوت واطي:من؟؟
فهد:المدام..
فيصل ابتسم:أي..بس صار احداث يمكن مراح تصدقني...
فهد متحمس:وش صار قوول؟؟
وقال له كل ألي صار..
فهد:بذمتك..والله متوقعته كذا..
فيصل:أي انا وش اقول لك..يوم شفته يحضنها مدري وش صار لي واشوي واذبحه بس محبيت الفضايح..
فهد: ليكون تحبها..
فيصل:لا..انا معترف بالحب..
فهد:لا ياشيخ..بيجيك يوم بتعترف فيه..
فيصل:لا إن شاء الله..
فهد:بشوف... احين جاسم ذه يحبها من زمان..
فيصل:اتوقع..."وهو يصر على اسنانه"والله ان شفته يكلمها مراح ارحمه..
فهد(بنشوف اخرتها وياك يافيصل...ليه ماتبي تعترف انك تحبها..)
وفي قسم النساء...
الاء وهي موصدقة:بذمتك..ليه بغى يرتبط فيك اجل؟؟
سارة:والله مدري...والي قاهرني انه يحسبني من البنات ذول الصايعين..
الاء:وي ليه؟؟
سارة:تذكرين اخر مرة دقيتي علي فيها..كان الصبح..
الاء وهي تفكر:امممم متذكرت..متى؟؟
سارة:يوم انا قلت لك اني في بيت غادة..
الاء:اي تذكرت..وش صار؟؟
سارة:اسكتي...سمعني وانا اكلمك بصيغه الرجال ياسلطان..
