فرح
فتحت عيناي وانا اشعر بألم فضيع..تذكرت ماحدث..بدأت بالبكاء وتحول بكائي الى نحيب عالي..لقد دمروا حياتي..اخذو مني احبتي وثم اغلى ما املك..كيف لي ان اقف مره اخرى وحدي..كيف استطيع اكمال انتقامي..بدأت بالبكاء بانهيار وانا اشد على السرير..رأيت علي امامي صرخت فيه:انتوو السبب انتو السبب..انتو قتلتوا اهليي..شتريدون منيي موتونيي وخلصوني موتونيي
_اهدي هسه اصيح الممرضه
ذهب علي واستغللت فرصه غيابه..نهضت بتعب واتكئت بيدي على السرير..سرت الى النافذه فتحتها اخرجت قدماي وجلست على حافتها فقط..اغمضت عيناي..فارس..لن اطيل انتظارك اكثر..لقد اتى هو لياخذني..ابي..امي..سااتي اليكم..
مر شريط حياتي امامي بسرعه..ذكرياتي مع اهلي..حبي لفارس..وحياتي هنا..التي ستنتهي..دفعت نفسي الى الامام..سينتهي تعبي الان..ولكن..احدهم امسك بي بسرعه وادخلني الى الغرفه
_شبيييك عوووفنيي اريد امووت ارجوك ارحمني
_انتي اقوى من انو تنتحرين
_انت مثلهم كلهم..انت قاتل موتني يله موتني
سحبني من يدي ووضع رأسي على صدره احتضنته وانا اشد على قميصه لاخرج الالم الذي بقلبي
ياللهي ارجوك ارحمني وخذ روحي..لم اعد اتحمل اكثر..كن بعوني يالله
علي
اراها امامي تبكي بحرقه وليس بيدي حيله في مواساتها..حقا انا مثلهم..فانا من كنت مشاركا في قتل فارس..ولم اكن اعلم انه حبيبها..
عوده الى الماضي
ناداني ابي ليتكلم معي
_اكو واحد بالسويد جان يشتغل ويانا..وهسه ديريد ياخذ كل الفلوس الموجود هناك بالبنك..اريد تتصرف
_شلون
_يعني مثلا تعاقبه..تخليه ينام وميكعد
_وشنو المقابل
_وليد يسافر
وبالفعل اتممت مهمتي..ولكنه خدعني..ابقى اخي لمصلحه اخرى
عوده الى الحاضر
خطه ابي..وليد..الورث الذي تركه ابو فرح لها..الكاميرات..الان اتضحت الصوره امامي
خرجت مسرعا الى المنزل..دخلت ودفعت الخادمه جانبا..ذهبت الى غرفه وليد كان يحضر ثيابه..ضربته بسرعه ووقع على الارض..وضعت قدمي على راسه وقلت:اقسم بالله لو ماحجيت هسه وين الكاميرات اطلعهه لروحك
قال وهو يتالم:ماعرف والله ماعرف اسال ابويه
_ويييييين الكاميرات احجي
_داكلك ماعرف وره مخلصت اني طلعت كبل وعفت المكان نفس ماهو
اقتربت منه وانا امسك برقبته :لتحجي..بس ودع هاله
_لالا هاهيه راح احجي..الكاميرات بمكتب ابويه الي بالشركه
زفرت بقوه وخرجت وانا اترك كتله من النيران خلفي..يجب ان احصل على الكاميرات فورا..والا ستحدث مصيبه يصعب حلها..اتجهت على شركه ابي..ولكن الحراس منعوني من الدخول ابتعدت قليلا ونظرت الى نافذه مكتب ابي وبدات بالصراخ
_عصااام اطللع مناا والله اقلب الشركه على راسك..امسكت ببعض الاحجار وقمت بضرب النوافذ الى ان تكسرت..
_اطلللع لكك انت موو ابوية اني مو جبان مثلك اذا انت رجال اطلع
خرج ابي من الشركه وتقدم لمواجهتي قال لي ببرود:شتريد
_الكاميرات
_ياكاميرات؟
_لاتغشم بنفسك الكاميرات الي كانت بالمخزن
_هه على جثتي
امسكت بياخه قميصه ورفعته :لعد هسه حتصير جثه ..بدات بضربه بكل قوتي..هو ليس ابي..لم اشعر بانه كذلك قط..كان فقط رجل يتحكم بحياتي..والان ساتحرر منه
بدا حراسه بضربي وركلي في كل مكان من جسدي الى ان تركوني..اتجهت بتعب الى المسشفى
كانت فرح نائمه كالملاك..شعرها الاصفر الذي بات متعبا مثل ملامحها..وجنتها مازالت رطبه بدموعها..مددت يدي بتردد على شعرها لالمس خصلاته فاستيقضت بفزع:ووخررر عنييي شدتسوييي
_اهدي اهدي اني علي
_وخر عني ماريد اشوف اي واحد بيكم
_اهدي فرح ..شلون صرتي
نظرت لي واتسعت حدقه عيناها:شبيه وجهك؟
حاولت اخفاء الكدمات بيدي:مابي شي تعاركت عركه عاديه
_مكلتيلي شلون صرتي
_معليك
_هسه اني من عرفج لهسه كلشي معليه
_اي لان معليك.
فرح
استيقضت بفزع لشعوري بلمسات احدهم..ظننته وليد
ولكنه كان علي..تذكرت الكاميرات الموجوده في مكان الحادث
_علي جان اكو كاميرات بالمخزن
_ادري
_يعني صورني؟! راح يفضحني..اااه ياالله شنو سويت بحياتي اني ياربي ساعدني
_بس اهدي اني الكي حل
_شلون
_شوفي هسه ابوية راح يهددج بالفيديوهات..علمود توقعين على حق التنازل.او يثبتون انج مجنونه ويدخلوج مستشفى المجانين..فبهاي الحاله كذلك راح ياخذ كل الفلوس لان انتي مجنونه
_وشنو الحل
_تروحين للمستشفى
_لابربك؟!تريدني اتخبل اني هسه مداعرف شديصير بعدني متدمره هلمره اروح ويا مخابيل
_بس اصبريي شكد تخبصين..راح تروح وراح تنمسح الفيديوهات واني راح اتاكد بنفسي..وبعدها..
_بعدها؟
_راح اهربج من المصح ونسافر لاي مكان
_وهيج نخلص منهم؟
_ان شاءالله
_واني شلون اثق بيك؟
_ماعندج غير حل
_اوك
فجأه رن هاتفي..امسكته بتعب وانا اقرأ الاسم..صدمت!فارس!!!
قلت بغير وعي:فارس!
بسرعه اجبت الهاتف ولكن لم يكن هناك احد على الجهه الاخرى
_فارس حبيبي..احجي وياي انت بعدك عايش مو..كلتلهم بعده عايش مصدكوني..وينك انت هسه اجيك..ليش متجاوب من شنو خايف..فارس وينك جاوبنييي ..انقطع الخط!
جلست بانهيار واعدت رأسي على السرير وعلي ينظر لي بدهشه
_جنه راح نتزوج..جنت راح اعيش حياه سعيده وياه..بقى يحافظ عليه..تخيل حتى ايدي ميقبل يلزمهه.جان يريدني بالحلال جان يريد اكون اله وحده..مرته اله..ملكه وكلشي بحياته بس..نظرت الى علي بابتسامه متعبه واسترسلت:بس حتى لو رجع هسه..بعد الي صار وبسببي وبسبب تهوري وغبائي..وبسبب ضعفي ووحدتي مراح يقبل بيه..اني هسه وحده...قبل ان اكمل وضع علي يده على فمي لاسكاتي..نظرت له بخيبه امل..اقترب مني وقال:انتي اشرف من اي بشر.والي يريدج يقبل بيج لو شلون متكونين..اني وياج مراح اتركج كوني واثقه
تنهدت بارهاق..حقا اتعبتني الحياه..
بعد عده ايام خرجت من المستشفى وعدت للمنزل..في الواقع لم اكن اريد العوده..ولكن خطتي انا وعلي تقتضي ذلك..دخلت المنزل برفقه علي..تمنيت ان لا ارى احد من افراد عائلتهم..ولكن للاسف..رأيت فيروز تقف امامي وتبتسم..تقدمت لاحتضاني قائله:ياااا حبيبتي الحمدلله عالسلامه الله ينتقم من الجان السبب
دفعتها بسرعه وتهجمت عليها..اوقعتها ارضا قلت لها وانا اصرخ
_ياكلبه ياحقيره.يابله ضمير ليش سويتي بيه هيج ..اتى علي لابعادي عنها فابعدني بصعوبه ..وهي لاتزال مصدومه انني اعلم انها هي وزوجها السبب..قبل ان اذهب الى غرفتي نظرت لها بحقد وقلت:الله يطلعها بيج وببنتج حتى تشعرين بيه..
ذهبت الى غرفتي وجلست على السرير وبدأت بالبكاء..اقفلت الباب لا اريد رؤيه اي احد ..دمروا حياتي..لم يتركوا لي شيء لاسعد به..ولكن سيندمون..لقد جنوا على انفسهم
بعد عده ايام علمت ان وليد قد سافر..بالطبع لانقاذ حياته مني..طلبني عمي لرؤيتي ذهبت الى مكتبه وجلست
_شتريد؟
_اريدج تكونين حبابه وتسمعين الي راح اكوله زين
_داسمعك
_اعتقد انتي بنيه تخافين على سمعتج وشرفج..واكيد سمعه ابوج الميت ..واكو اشياء مراح تكون بصالحج
_شتريد مقابل الفيدوهات
قهقه بصوت عالي:عفيه عليج..طلعتي ذكيه..اريدج توقعين على شوية اوراق واعتقد تعرفين مال شنو
نهضت بسرعه وانفعال ودفعت الكرسي خلفي..تقدمت على الطاوله التي بيننا ووضعت يداي عليها همست له: التوقيع..تشوفه..بس..باحلامك
خرجت من المكتب وانا اتجه لغرفتي..اتصلت بعلي وطلبت مقابلته في احد الاماكن..لايمكنني ان اتكلم معه في المنزل لكي لانثير الشكوك حولنا
وصلت الى المكان المحدد رأيته في انتظاري بسرعه قال لي:ها شصار
_نفس الجنه متوقعينه
_وشكتيله
_كتله مااوقع
_جيد كلش
_وهسه راح يسووني مخبله مو؟
اقترب مني ووضع يداه فوق يداي على الطاوله..ابعدت يداي بفزع وانا احدق به بخوف قلت له:انت بيك من ريحه وليد..ومستحيل انسى ريحته هذيج الليله
_راح تنسين..راح اساعدج حتى تنسين
_نقدر ننسى الاشياء التفرحنا..بس الامنا صعب ننساها لان عافت جرح قوي وحتى لو التئم اثره راح يبقى..الجروح الي بجسمي راحت تقريبا..بس جرح قلبي راح يبقى طول عمره
_فرح..ابوج وامج ..وفارس..ديشوفوج هسه..همه يريدوج تصيرين قويه..يريدون فرح متنهزم ابد
تنهدت بتعب:ماعتقد راح ارجع فرح القويه
_ترجعين..اني وياج وراح ترجعين اوعدج
_انت تعرف اخويه سالم مو؟
_اي اعرفه
_لهسه ماكو اي خبر عنه
_نخلص شغلنه وندور عليه وان شاءالله يطلع عايش
رفعت رأسي الى السماء:يارب
علي
ارغب جدا بلمسها..بتقبيل شفتيها..بالتحسس على بشرتها الصافيه..ولكنها لازالت تخاف..ولا اريد اخافتها اكثر..اريد ان اكون ملجئها الامن عند فزعها..وشيء مايمنعني عن الاقتراب منها..الهذه الدرجه يصعب على الشر ان يختلط بالخير..بذنوبي وقسوتي احببت صفائها ونقاوه قلبها..بدأت الخادمه باعطائها عصير كل يوم في نفس الموعد..تاكدت من انه الدواء الذي سيدعها تهلوس..خائف عليها جدا..اخاف ان اخذلها..في المساء اتجهت الى غرفتها بعد نوم الجميع
دخلت اليها حيث كانت تغط بالنوم..بدأت اراقب جمالها..الى ان فتحت عيناها لتفزع:اااا...بسرعه وضعت يدي على فمها لكي لا يسمعها احد
_اني عليي اهدي
_شدتسوي هنا
_سمعت ابويه ديحجي ويه امي..باجر راح يودوج
_بديت اتخيل اشياء مموجوده..داشوف ابوية قدامي ويحجي وياي..خايفه لا صدك اتخبل
_اني وياج
_اختنكت..الهوا هنا خنكني امشي نطلع للشرفه الي بغرفتي..اتجهنا للشرفه حيث كانت السماء صافيه..النجوم قد اختفت..فقط القمر موجود وبجانبه نجمه واحده قالت لي ونحن ننظر للسماء:تدري من جنت صغيره ولهسه اشوف هاي النجمه يم القمر..بعمرها معافته..
_اني راح اصير مثل هالنجمه..مراح اعوفج
_هاا يعني اني قمر
نظرت لها واطلت النظر..قلت وانا سارح في بحر عيناها:اي انتي قمري
ازاحت نظرها عني بتوتر لتعاود النظر الى السماء قائله:اي لعد..لعد اذا طولت بالمصح من تشتاقلي باوع عالقمر وتذكرني..واتاكد اني هم راح ابقى اباوع عالنجمه
اعدت النظر اليها..وهي ايضا بقيت تنظر لي
_فرح
_نعم
_انتي قمر حياتي..انتي فرحتي وسعادتي
لم تجب..لمعت عيناها بالدموع ..اقتربت منها ومسحت دموعها بيدي:ماريد اشوفج تبجين..هالدموع مااحب اشوفهه بعد..اقتربت اكثر و قبلت عيناها وبتهور قلت لها:احبج
فرح
فور قول علي لتلك الكلمه تذكرت فارس! لقد وعدته بان يكون حبي الاول والاخير..كيف لي خيانته! بقي وفيا لي طوال حياته..ابتعدت عن علي بسرعه
_اسفه ماقدر
قال بابتسامه لاطمئن:براحتج..مراح اجبرج على شي
_اروح انام تصبح على خير
_ترا هاي غرفتج
_ههههه اي نسيت
_يله لعد حروح اني..باجر الصبح راح يجوج..لاتسنين اني وياج
_شكرا علي
ذهب علي واستلقيت على سريري..افكر في حياتي..افكر في غدا وما سيحدث لي..كن معي يالله
في الصباح استيقظت وجلست انتظر..انتظر مصيري..الى ان دخل الغرفه اشخاص لا اعرفهم..كانوا يرتدون ثياب بيضاء..ومعهم فيروز..وقفت عند الباب وهي تتصنع الخوف وتشير الي
_خذوها بسرعه بس ديروبالكم تره هاي مخبله وتاذي
اقتربو مني ببطء شديد..وكانني حيوان يرغبون بافتراسه..امسك كل واحد بذراعي والبسوني شيء ابيض لتكتيف يداي..سرت معهم دون مقاومه.. قبل ان اخرج من المنزل رأيت علي ينظر لي..ومن ثم ابتسم وغمز
وصلنا الى المصح..شكله كان مخيفا من الخارج..دخلت وامسكت بي احد الممرضات لايصالي لغرفتي وانا اسير معها كالاله..اصوات الصراخ المخيفه..الات التعذيب! بعض اصوات الضحك العالي! وصلت لغرفتي ودخلت..وجدت فتاه نائمه على السرير المجاور لي..جلست انا على سريري احدق الى الحائط..الى ان....
