#تنهيده

‫#‏تنهيده‬💜
"تلقت الخبر كالصاعقه،،التي اشلت جميع اطرافها وكبلتها عن الحركه،،ظلت تبكي وتصرخ في انهيار حاد وترطم بيديها علي وجنتيها من شده الصدمه،،نعم انها هي "هدي الحسيني" الاخت الصغري لماجد الحسيني اكبر واشهر طبيب جراح في مصر ،،يقطن في احد الفيلال المصممه علي اعلي مستوي لكي تليق بمكانته الاجتماعيه كطبيب امتاز بالشهره والتكالب عليه خارج مصر لكي يجري عملياته الناجحه كالعاده"
"يعيش ماجد الحسيني بصحبه زوجته هنا وتؤمه المتماثل" ريم وكريم" في السادسه من عمرهما،،ولديه اختا وحيده تدعي هدي ،،تزوجت هدي من صديقه محمد وانجبت منه ابنه تدعي ريتال"
"في الوقت الحالي"
"ظلت هدي تبكي وتهرتل كمن فقد عقله،،حين وصلها خبر وفاه ابنتها ريتال ،،التي ماتت غرقا في النهر اثناء ذهابها في نزهه مع السيده التي تكلفت برعايتها في غياب هدي التي تعمل كسيده اعمال ووقتها دائما مشغولا"
هدي وهي تصرخ:انا عاااااوزه بنتي،،حرام عليكوا،،دا انا ملحقتش افرح بيها،،هاتولي بنتي
هنا وهي تحتضنها في الم يعتصر قلبها:اهدي يا هدي،،حرام عليكي نفسك...دا قضاء ربنا هتعترضي عليه!!!!
هدي بصريخ:بس انا ملحقتش اشبع منها ،،خمس سنين بس ،،ملحقتش يا هنا ،،بنتي راحت مني
وهنا دلف محمد زوج هدي ثم اردف في غضب جامح قائلا:دلوقتي بقت بنتك،،ما انتي طول عمرك مشغوله عنها باجتماعاتك،، وشغلك ،،دلوقتي افتكرتي ان ليكي بنت،،بعد فوات الاوان!!!!
هدي وهي تنتحب:حرام عليك ،،اسكت بقا
محمد متابعا:اه ما هي الحقيقه بتوجعك يا هانم،،انتي السبب في موت بنتي،،انتي طالق يا هدي،،طالق
هدي وقد جحظت عينيها:دي اخرت صبري معاك،،انا اللي ساعدتك ان اسمك يكبر بين الناس دا جزاتي!!!!
محمد بتهكم:طول عمرك بتحبي المكانه وبس،،وانا طول عمري انصحك انك تدي جزء من وقتك لبيتك بس انتي مبتحبيش غير نفسك،،انتي بقيت مريضه بالمجتمع والمكانه،،وانا سايبهالك مخضره،،من بعد ما حرمتيني من اللي كانت مصبراني عليكي
"انهي محمد حديثه المرير اليها ثم انطلق خارج الفيلا،،ولكن في تلك اللحظه لحق به ماجدا هاتفا:ايه اللي انت عملته دا!!!
محمد بحزن:متزعلش مني يا صاحبي،،بس قبل ما تكون اختك،،ف اللي راحت وراح معاها قلبي بتكون حته مني
ماجد متابعا بحزن:انا عارف اللي جواك يا محمد،،بس دا مكنش الحل المناسب
محمد متابعا:لا متعرفش اللي جوايا ومحدش هيحس بالنار اللي في قلبي،،وصدقني هو دا الحل المناسب،،وانا مسافر فرنسا النهاردا ومش راجع تاني
" انهي حديثه ثم تابع سيره خارج الفيلا ومازال ماجدا مركزا عينيه علي مكان سير خطواته وقلبه يعتصر علي فقدان صديقه فهو في موقفا لا يحسد عليه ولا يجب ان يلومه علي ما يفعل"
"دلف ماجد داخل الفيلا،،واتم اجراءات العزاء طوال اليوم وعقب انتهاء اليوم طلب من زوجته ان تأخذ هدي لكي تسترح في غرفتها جراء مشقه اليوم وما عانته هدي من الم"
هنا وهي تصطحبها الي الغرفه موجهها حديثها لزوجها:حاضر يا ماجد،،بس لو سمحت اتطمن علي الولاد ،،نايمين في الاوضه
ماجد بتفهم:حاضر
***********
"بعد مرور خمسه عشر عاما،،في نفس الفيلا الخاصه بماجد الحسيني في يوما من ايام الصيف المليء بالشوب ودرجه الحراره القاسيه،،يجلس ماجد والعائله بالقرب من حمام السباحه الخاص بالفيلا"
كريم متابعا:والله يسطي المايه جامده ،،يلا بقا انزل معايا
ماجد بغيظ:يسطي في عينك يا زفت انت شايفني سواق توكتوك يا ولد
ريم متابعه في اشمئزاز:والله يا بابي مش اول مره يكلمني بالاسلوب السوقي دا،،هو اصلا خلاص اتعود علي كدا من صحابه اللي بيمشي معاهم اللي جايبهم من الحواري العشوائيه والاماكن المقرفه دي
كريم وهو ينظر لها بغيظ:ملكيش دعوه بصحابي وخليكي في
برستيجك احسن ارميكي في البيسين واخلص من سهوكتك دي!!!!
ريم بحزن:شايف يا بابي بيقول عليا ايه!!!
ماجد بنرفزه:بس يا ولاد انتوا مش صغيرين ،،كل واحد فيكوا عنده 21 سنه يعني مش صغيرين علي الدلع دا
كريم بضحك:خلاص يسطي هنزل البيسين لوحدي بس اتفرج بقا علي سباح الجيل وهو بيعمل شالبظات في قلب البسين
ريم متابعه باستفهام:ايه شالبظات دي يا كيمو!!!
كريم بغيظ:ملكيش دعوه يا مسهوكه
ريم بغضب:والله انت رخم يا كريم وانا هاخد كتابي وهطلع الاوضه بتاعتي
كريم وهو يمتثل وكانه يزغرد:لولولولوي،،جاتك الارف ،،عيله هبله
ماجد بضحك:ياض يا شوارعي دي اختك ،،بتعاملها كدا ليه
كريم وهو يقفز في البسين:عاوزها تكون جدعه وبلاش تعيش في جو الطبقيه والافلام القديمه دي،،اصل كلنا ولاد تسعه يا غالي
ماجد بضحك وهو يثني عليه:والله عندك حق يا كريم وبتفهم،،ربنا يهديها
"وهنا جاءت هنا وهي تحمل طبقا كبيرا موضوع بداخله بعض الطعام"
هنا متابعه:جبتلكوا ساندوتشات وعصير
ماجد وهو يقبل يدها:تسلميلي يا هنون
هنا بكسوف:وتسلملي انت كمان،،ثم اردفت قائله:ايه دا فين ريم!!!
ماجد بضحك:كالعاده كريم رخم عليها فاخدت بعضها وطلعت علي اوضتها
هنا بغيظ وهي ترفع من نبره صوتها:ماشي يا كريم لما تطلع من البيسين،،هيكون ليا تصرف تاني معاك
كريم وهو يضحك:طيب ما تيجي يا هنون ،،المايه حلو اوي
هنا بغيظ:اخرس يا ولد،،انا مليش في السباحه اصلا
ماجد مقاطعا:امال هدي فين!!!!
هنا بحزن:في اوضتها سيبتها بتصلي،،اصل دخلت الاوضه بتاعتها لقيتها مطلعه كل لبس ريتال والصوره وبتعيط،،قعدت اهديها بالكلام وقولتلها تصلي ركعتين
ماجد بحزن:ربنا يريح قلبها ويصبرها
************
"علي الجانب الاخر في احد الاحياء الشعبيه،،وخاصه في بيت الاستاذ حمدي مكرم مدرس اللغه الانجليزيه"
حمدي متابعا بضحك: هههههههههه ضحكتيني يا نيره يا بنتي،،ها وبعدين
نيره متابعه وهي تمثل ما تفعل:وبعدين قمت قولتله ان معايا مطوه وممكن اخلص عليه وعيشتلي بقا في دور المتشرده
دعاء وهي تضع الطعام علي المائده:مطواه يا نيرو،،والله مجنونه رسمي
نيره بضحك:اعمله ايه يا ماما من اول ما خرجت من كليتي وهو مستقصدني ،،قولت لازم اتصرف لاني لو عيشت في دور البريئه والبنت الضعيفه هيستهبل فيها،،فوريته الوش الخشب
حمدي متابعا في ضحك:والله يا بنتي بتفهمي،،تربيتي بقا،،جدعه يا نيرو
نيره وهي تقترب من والدها ثم تقبل جبينه:حبيبي بقا يا حمودي
دعاء في غيظ:حمودي!!!
نيره متابعه في خبث:بتغيري عليه يا موزتي
دعاء بضحك:يلا يا هبله نادي اختك،،الاكل هيبرد
"وبالفعل اتجهت نيره الي غرفه اختها رقيه ثم شرعوا في تناول الطعام ،،وفي تلك اللحظه سمعوا صوت اطلاق نار وصرخات تأتي من الخارج ولكنهم لم يندهشوا وظلوا يتناولون عشائهم،،فلقد اعتادوا سماع تلك الاصوات كل يوم،،فهم يعيشون في حي اشتهر ببيع الممنوعات ويرأسه رجل قمه في الانحطاط وعاشقا للشر وينتهز اي فرصه لكي يمارس قوته علي الخلق ،،وتأتي الشرطه كل يوم لاخذه وما هي الا ايام معدوده ويقوم برشوه الشرطه ثم يخرج مره اخري ليمارس شره وتجارته الممنوعه"
وفي تلك اللحظه هتفت دعاء في حزن قائله:ربنا يخرجنا من المكان دا علي خير
نيره:ان شاء الله نهايه الحيوان دا علي ايدي،،بكرا يقع في شر اعماله
حمدي متابعا:يابنتي انا مش مدخلك كليه الاعلام وقسم الصحافه علشان تودي نفسك في داهيه
رقيه متابعه في مرح:طيب ما انا معاها في اعلام يا بابا اهو بس مش بيشغل بالي الناس السوفاج دي
نيره متابعه:بس يا تافهه،،مش فارق معاكي الشباب اللي بييجوا يشتروا القرف دا ولا حتي الحيوان دا وهو بيمارس شره علي الناس،،دي الناس قربت تعبده من كتر ادمانهم للحاجات اللي بيبيعها
دعاء متابعه:استغفر الله العظيم
نيره في ضيق:دي الحقيقه يا ماما ،،كاسر نفوسهم،،هم اه تربيتهم منعدمه و بينساقوا ورا شهواتهم ،،بس دا ميمنعش ان الكائن دا لازم حد يوقفه!!!!
دعاء:ربنا ياخده ويحميكوا يارب
"في صباح اليوم التالي استيقظت نيره واتجهت الي جامعتها بصحبه رقيه،،فاختها تكبرها بعام"
"داخل الجامعه"
"انهت نيره محاضرتها ثم جلست في احد الاماكن تنتظر اختها وبينما هي تقرأ احد الجرائد وجدت حادثه لاحد رجال الاعمال الذي قام بنقل اكبر كميه من الممنوعات" الهيروين"داخل البلد وقد كتب في نهايه هذا الخبر اسم الضابط المكلف بتلك القضيه،،فقفزت في ذهنها فكره،،ولكن قطع شرودها مجيء احد الشباب ووقف امامها"
كريم باستغراب:الترابيزه دي بتاعتي علي فكره!!
نيره باستفهام:بتاعتك ازاي يعني مفهمتش،،مكتوبه باسمك!!!!
كريم وهو يجلس:لا مش مكتوبه باسم بس لو بصيتي كدا جانبك علي الكرسي اللي انتي قاعده عليه هتلاقي كتب عليها اسمي،،ودا طبعا معناه اني كنت قاعد هنا بس لمؤاخذه كنت في التواليت
نيره بضيق:خلاص خلاص،،انت هتديني تقرير،،عن اذنك
كريم وهو يمسك يدها:علي فين بس،،انا راضي انك تقعدي معايا،،هتنوريني والله
نيره بحده:انت هتهزر معايا يا كابتن ولا ايه!!!
كريم متابعا:لا يا كابتن مش بهزر،،اللي اقصده،،اني مش جاي علشان اقومك من المكان،،انا بس هاخد الكتب وهمشي
"وفي تلك اللحظه قدمت رقيه الي اختها لتجده يجلس معها"
رقيه متابعه باستغراب:كريم!!!...نيره!!!!
نيره وهي تنظر لها:انتي تعرفيه!!
كريم مقاطعا:روكا ازيك يا بنتي،،اديلي فتره مبشوفكيش!!!
رقيه بابتسامه:معلش يا كريم كان عندنا ظروف في البيت،،ثم اردفت متابعه:اقدملك،،نيره اختي الصغيره!!!
كريم بخبث:اسمك حلو يا نيرو
نيره وهي تنظر له بجانب عينيها:اها،،ميرسي
ثم تابعت رقيه:ودا بقا كريم زميلي في الدفعه
كريم متابعا:اول مره اعرف ان عندك اخت لمضه كدا،،قوليلي بقا انتي في كليه ايه!!!...ثم وجه حديثه لنيره
وهنا هتفت رقيه متابعه،،لكي تخفف من حده الموقف لانها رأت الشرار في عين اختها وهي تعرفها جيدا:اه اه هي معانا في كليه اعلام بس الفرقه التانيه
كريم متابعا:اتشرفت بمعرفتها،،استأذنكوا انا بقا
"وعقب ذهابه هتفت نيره متابعه:شخص بارد
رقيه متابعه في حب:ليه كدا بس يا نيرو،،دا حد كيوت اوووي
نيره وهي تنظر لها بجانب عينيها:حد كيوت!!!!...قدامي علي البيت يا واقعه انتي،،لما نشوف اخرتها معاكي ايه!!!
*********
" داخل فيلا ماجد الحسيني كانت تجلس هدي تتابع مسلسلا ما مع ابنه اخيها ريم،،وهنا هتفت هنا في مرح:هعملكوا فشار وعصير وراجعه حالا
ريم متابعه:بسرعه يا مامي علشان فاضل عشر دقايق والمسلسل يبدأ
وهنا هتفت هدي قائله:هو انتي مش هتبطلي اكل شيبسيهات ،،يا بنتي دي مضره بالصحه
ريم وهي تقبل وجنتيها:عارفه يا عمتو بس بحبه اووووي
هدي بضحكه خفيفه:مجنونه
"وفي تلك اللحظه دلف كريم الي غرفه الصالون ثم القي السلام واقترب من اخته ثم خطف منها ما تتناوله في يدها"
ريم بصريخ:عاااااااااا،،هات يا رخم كيس الشيبسي
كريم برخامه:لا مفيش شيبسي كفايه عليكي،،علشان بيتخن
ريم وهي تنظر الي جسدها:بجد والنبي ياكريم،،قصدك تقول اني تخنت،،اوووه شت يا مامي عاااااا
كريم بضحك:لا مش مسهوكه بس دي هبله كمان هع
وهنا هتفت هدي بضحك:مش هتبطل ترخم عليها يا كريم!!!
كريم وهو يجلس بحانبها ثم يضع راسه علي احدي قدميها قائلا:انا بس بحب ارخم عليها لكن معنديش اغلي منها،،وعارف انها حنينه بس بتستفزني بسهوكتها دي
هدي بضحك:ههههههه ربنا يخليكوا لبعض
"داخل منزل نيره"
"كانت تجلس في غرفتها ممسكه بورقه دونت عليها رقم احدا ما
وهنا قطع شرودها صوت اختها محدثا:الجميل سرحان في ايه!!!
نيره بغيظ:اكيد مش بحب،،السرحان دا لناس ها!
رقيه بضيق:ع فكره انتي رخمه ،،مفيش اصلا بيني وبينه حاجه،،بس اكيد بتمني انه يكون
نيره :علي ايه يا حسره من حلاوته!!!
رقيه متابعه:لا يا حلوه،،دا باباه اشهر جراح في مصر وبيطلب برا مصر جامد جدا
نيره بضيق:والمفروض ان كلامك دا يفرحني،،يعني انتي بتبصي لمنصب باباه!!!!
رقيه متابعه:مش يمكن يطلعنا من القرف دا!!!
نيره وهي تربط علي يد اختها قائله:روكا يا حبيبتي،،نصيبك هتاخديه مهما العمر عدا لان ربنا كاتبهولك اقبل ما توعي علي الدنيا دي،،والاهم بقا انك لو عاوزه تخرجي من المكان دا،،يكون بشهادتك والحاجات اللي استفدتيها من كليتك واللي هتقدميه للناس،،يعني تثبتي ذاتك يكون ليكي وجود وهتنفعي مجتمعك،،غير كدا بلاش تعلقي احلامك كلها علي راجل،،اتفقنا!!!!
رقيه بتفهم وهي تقبل وجنتي اختها:اتفقنا،،تعرفي انتي اه اصغر مني،،بس عقلك يوزن بلد بحالها،،وبحس ان حنيه الدنيا كلها اتجمعت فيكي
نيره بحب:ربنا يخليكي ليا،،ويلا بقا ع سريرك علشان هعمل فون
رقيه باستفهام:هتكلمي مين!!!!
نيره متابعه:هتعرفي ناو
"قامت نيره بالاتصال علي الرقم المدون علي تلك الورقه،،ثم اردفت قائله:السلام عليكم،،معايا الرائد توفيق
توفيق:ايوه مين!!!
نيره متابعه:انا نيره حمدي،،طالبه في كليه الاعلام قسم الصحافه،،حضرتك انا كنت عاوزه ابلغ عن شخص في منطقتي هنا،،وتقريبا هو معروف جدا في امن الدوله،،اه اسمه عادل حواس
توفيق متابعا:اه عرفته،،بس دا مش عارفين نمسك عليه حاجه اصلا
نيره متابعه:ازاي يافندم!!!... دا منظم اكبر خليه لبيع الممنوعات،،كل دا ومش عارفين تمسكوا عليه حاجه!!!
توفيق متابعا:للاسف هي دي الحقيقه
نيره متابعه في توتر:طيب واللي يقدر يساعدكوا
توفيق متابعا: ازاي!!!
نيره متابعه:انا معايا كل الاثباتات ضده،،وكمان فيديو فيه كل حاجه بيعملها انا مصوراه بنفسي
توفيق متابعا:دا كلام جميل اوي ولو طلع فعلا كلامك صح،،دا انتي تبقي افدتينا وسهلتي علنا المهمه كتير اوي
نيره متابعه بابتسامه:ان شاء الله خير،،تحب اقابل حضرتك امتي!!!
توفيق:وقت ما تحبي
نيره:تمام جدا،،بكرا يناسب حضرتك
توفيف:تمام علي الساعه(...)،،في قسم(....)
نيره وهي تغلق الهاتف:شكرا يا فندم
"وفي تلك اللحظه اقتربت رقيه منها ثم تابعت قائله:يا مصيبتي،،ايه اللي انتي نيلتيه دا!!!
نيره متابعه:اللي نيلته دا هو الصح وزي ما قلت نهايته علي ايدي
رقيه متابعه:ربنا يستر عليكي،،اصلك مجنونه والله
نيره متابعه:بليز يا روكا ماما متعرفش بالكلام دا خالص،،لحد ما كل حاجه تخلص
رقيه:طيب لما نشوف اخرتها معاكي
******
" داخل غرفه كريم كان يلعب البلايستاشن وفي تلك اللحظه رن هاتفه فقام بالتقاطه هاتفا:ايوه يسطي
المتصل:ايه يا عم كريم،،مش هتسهر معانا زي كل يوم!!!
كريم بضحك:ايه يا عمر احنا هنقضيها كل يوم ولا ايه!!!... انت عاوز الحج يرميني في الشارع
عمر بضحك:طيب يسطي وبكرا!!!
كريم:تمام اوي،،بكرا نتقابل بقا
عمر متابعا:تمام بس هنتقابل عند ابراهيم في الكافيه اللي جنب بيته
كريم:تمام ياصاحبي ،،سلام
"مر اليوم بسلام،،وفي صباح اليوم التالي،،اتجه كريم الي جامعته بصحبه اخته"
ريم متابعه:كريم،،شادي هناك اهو ،،هروح اسلم عليه
كريم وهو يمسك يدها في غيظ:هتعملي ايه يا روح امك؟!
ريم بتوجع:علي فكره انت رخم جدا وسيب ايدي بتوجعني
كريم وهو ينظر لها بغضب:هو لمؤاخذه انتي ماشيه مع سوسن،،ما تصلي علي النبي كدا لتاخدي قلم ع خلقتك،،انا اختي متقفش مع شباب
ريم بضيق:سوفاج بجد،،وفيها ايه دا زميلي
كريم:يلا يا بت قدامي لما اوصلك علي المدرج وبدل ما تقوليلي شادي وفادي وهادي،،ذاكري يا ام ملحق
ريم بضيق:والله انت بيئه وبعدين في حاجه اسمها ملحق في الجامعه
كريم بغيظ:ياختي ملحق ولا شايلها،،اهي كلها كتاكيت
"اوصل كريم اخته الي مدرج المحاضرات الخاص بكليه الاثار ثم انطلق الي كليته واثناء سيره وجد نيره تتحدث مع احدي الفتيات،،فظل ينظر لها في شرود،،فهو يرغب في صداقتها ولكنه يرفض ان يفعل ذلك لانه يرفض ذلك اذا كانت اخته في نفس موضعها،،ولكنها جذبته بطريقتها الحاده مع الشباب ورغم ذلك فهي مرحه مع صديقتها،،وعقب انتهائه من شروده في ملامحها تابع سيره الي الكليه
" حل المساء وجاء موعد مقابله الرائد توفيق،،انطلقت نيره الي القسم لمقابلته وعندما دلفت الي مكتبه هتف هو قائلا:اهلا يا انسه نيره،،اتفضلي
نيره متابعه بابتسامه:شكرا يا فندم،،ثم اردفت قائله وهي تمد يدها له بظرف كبير:حضرتك الظرف دا فيه السي دي اللي عليها الفيديو اللي صورته وكمان بعض الصور اللي التقطها اثناء تسليمه للممنوعات
توفيق وهو ينظر لها بتعجب: دا انتي مرقباه من زمان بقا!!!
نيره متابعه:انا قلت اعمل حاجه صح وتفيد بلدي،،لان الشخص دا تمادي في افعاله اوي
توفيق متفهما:عموما احنا هنتاكد من صحه كلامك وسلامه الصور والفيديو وانهم مش مزيفين وبناء عليهم هنفذ المهمه
نيره وهي تنهض:تمام يا فندم اتمني اني اكون قدرت افيد حضرتك بحاجه
"وبالفعل اتجهت نيره خارج قسم الشرطه سعيده بما قدمته وعلي امل ان تتخلص بلادها من امثال هذا الحقير"
"داخل فيلا ماجد الحسيني"
كريم مناديا:بااااباااا،يا حج ماجد
ماجد وهو يخرج من مكتبه متابعا:يابني انت بتنادي علي حد تايه،،ارغي عاوز ايه!!!
كريم متابعا:انا هسهر مع صحابي يا حج وممكن يعني احم ارجع متأخر شويه
ماجد متابعا:ماشي يا كريم بس متتاخرش يابني
كريم وهو يتجه ناحيه الباب:من عيوني يا غالي
"وهنل هتفت ريم وهي تقترب من كريم قائله:بليز يا كريم والنبي خدني معاك
كريم متابعا:اللي بياخد العباد ربنا يا ريمو
ريم بحزن:بليز يا كريم والله زهقانه اوي،،ومعنديش اصحاب ولا اخوات بنات،،اموت نفسي عاااااا
كريم بضحك:والنبي ما تأثرت،،وسيبي ايدي وانتي عامله زي الجراده كدا،،هو انا بقولك رايح الملاهي،،انا رايح اسهر مع اصحابي الشباب ياحجه
ريم بحزن:طيب يا خويا،،مش عارفه بتكرهني ليه،،مش لو ماما كانت جابتك بنوته كان ارحم ولا ريتال كانت عايشه
كريم بغيظ:بنوته!!!... طيب وحيات امك ،،اقلعلك حزام البنطلون وامدك ع رجلك
ريم بضيق:غور ،،دا انت رخم ،،ثم اخذت تضرب بقدميها الارض كالاطفال متجهها الي غرفتها
هنا بغيظ:مش قلتلك خف ع اختك شويه!!
كريم وهو يخرج من باب الفيلا:مش انتي اللي مخلفالنا جراده في قلب البيت،،مع السلامه بقا يا هنون
هنا بضحك علي طريقته:سلام يا مجنون
" وبالفعل اتجه كريم الي بيت صديقه إبراهيم ليجد عمر في انتظاره،،ثم قررا الذهاب الي الكافيه القريب من المنزل"
"علي الجانب الاخر دلفت نيره الي داخل الحاره لتجد شخصا ما يقف امامها قائلا:ازيك يا حلوه
نيره بضيق:في ايه يا متخلف واقف في وشي كدا ليه!!!
الشخص:اصل متوصي عليكي اوي،،مالك يا حلوه مزعله الكبير ليه!!!
نيره وهي تركله بقدمها:غور ياض من وشي،،الكبير دا يبقي خالتك
وهنا قدم عادل حواس ثم وقف امامها قائلا:بتبلغي عني يا بنت ال***
" وفي تلك اللحظه،،جحظت عينيها بشده وكأن العالم توقف من حولها،،وما هي الا لحظات حتي اخذت تعدو هي مبتعده عنه"
عادل هاتفا:هاتوها
"اخذت نيره تجري هربا منهم وهي تبتعد عن منزلها،،واثناء جريها كانت تبكي من شده الخوف حتي وصلت الي احد الاماكن المخصصه للسيارات ولكنها وجدتهم يقتربون منها بشده،،فاخذت تجري وهي تلهث وفجاءه...
يتبع😃
********