شهد وهي تضمه لصدرها : بعد روووحي والله ما اعرف شقولك احبك بدر احبك
بدر طاح بين احضانها وحس بالحنان .. اللي فقده .. صج امه مب مقصره .. بس من زوجته وحبيبته بالنسبه له غييير .. شهد وهي ضامته تذكرت راكان فجأه .. وتم قلبها يطق بقوو .. رفع بدر عيونه تم يتأمل ويهها .. نست راكان من شافت بدر .. وغرقت في بحر عيونه
...............................
تيمعوا كلهم في الصاله .. وسلمان وخالد يتناقشون في موضوع الشركه اللي بيفتحونها
خالد : الله بيعين
سلمان : على العموم ياخالد انا بكون ذراعك اليمين وان شاء الله الله يقدرني واسوي اللي علي
خالد : بعد قلبي سلمان ماتقصر يالغالي
حور بصوت واطي : لحد يعصب
امنه فرصتها : جب ووجع
حور : هههههههههههههههههههههههههههههههههههههههههه
سلمان التفت عليها اشلو تضحك جي جدام خالد : اشفيج
حور مسكت نفسها : مافيني شي
خالد يبتسم : اشرايكم نروح المزرعه ؟!
سلمان يفكر : أي مزرعه ؟!
خالد : مزرعتنا اللي في قطر بووه انتوا ولا مره شفتوها
سلمان : اول مره ادري ان عندكم مزرعه هنيه .. تدري اشلون بروح وياك باجر .. وبنودي الاهل بعد باجر
حور وامنه توايهوا من الوناسه وسلمان وخالد ميتين عليهم من الضحك .. صج هبلان .. دخلت ام سلمان تناديهم حق الغدا .. وراحوا كلهم .. ولاول مره يجتمعون كلهم على الغدا ..
......................................
راحت عند التلفون .. وقلبها يطق بقووو .. اتصل والا لا ؟!!! .. اووف والله خايفه .. سكرت باب الصاله وقفلته .. وردت قعدت عند التلفون .. شلت السماعه .. وردت سكرتها .. كانت وايد خايفه .. من هالخطوه .. بس من كثر مايحن ويقنعها .. حست ان عادي .. شلت السماعه واتصلت .. وكل شوي يدها تزيد رجفتها وقلبها يرقع بقووو .. والعرق يتصبب .. اول مره تسويها في حياتها .. عمرها مافكرت انها ممكن تتجرأ وتسوي جذيييه وفجأه قطع خوفها صوت هادي وعذب .. رد الروح فيها .. وخفف دقات قلبها
" الوووو "
الفصل السابع الجزء الثاني
بلعت ريجها وهي ميته من الخوف وبصوت متقطع : ا ا الو
سعود :هلا والله هلا بالجوري
الجوري : هلا فيك
سعود : شخبارج ؟!
الجوري : الحمدلله وانته ؟!
سعود : انا بخير دام سمعت هالصوت الحلو
الجوري انتفضت مره وحده وحست بالرهبه : مشكور
سعود : وينج مادخلتي مسنجر اليوم الصبح انطرج ؟!
الجوري سمعت صوت خطوات يايه صوبها : سعود اكلمك بعدين باي
سعود : وين تو الناس ..؟!
الجوري : اكلمك بعديين باي
ماسكرت الجوري والا الباب ينطق بقووو .. راحت تركض بطلت الباب بسرعه وهي يبين عليها الخوف والتوتر والعرق اللي يصب .. اول ماشافته زاد ارتجافها وخوفها رفع حاجب وهو يطالعها بهالمنظر التفت الا التلفون موجود .. شك في الامر ..
راكان : شتسوين هني ؟!
الجوري تطالع تحت وهي تنتفض : مافي شي قاعده
راكان : وليش خايفه هالكثر ؟!
الجوري تسوي حركات بيدها ان مافي شي : مافي شي مافي شي
رن التلفون فجأه وانصدمت الجوري .. حست ان الدنيا تدور فيها .. لايكون رد يدق .. لالالالالالالالالالالالالالالالالالالا ... راكان شافها بهالحاله .. وراح بسرعه يرد على التلفون .. وهي تشوفه وتتمنى لو الارض تنشق وتبلعها .. ارجوك سعود والله انك بتسوي لي مصيبه ..
راكان : الوووو .. هلا .. بخير الله يسلمج
لما سمعت هالكلمه حست ان الروح ردت فيها .. الحمدلله مب هو .. جان الحين انا ارقبتي مقطوعه . اااااااه الحمدللله ..
راكان يمد لها السماعه : هذا تلفون حق امي ناديها
الجوري : ان شاء الله
طلع من عندها وهو محتار اشفيها البنت ؟! ليش جي خايفه ؟! اكيد مسويه شي .. لايكون ........... لالا مستحيل الجوري خلوقه ومأدبه واخر وحده تكون عندها هالسوالف .. يالله يمكن تعبانه والا شي.. والله يالجوري ان دريت انج مسويه شي لاقطع رقبتج واقطج بأقرب بالوعه _ الله يعزكم _
على اذان العشا يات شهد معا بدر بيت بوسلمان تسلم على اهلها لانهم وحشوها ولانها بتسافر باجر بعد .. قعدوا معاهم ساعه بس واستأذنوا .. حور وامنه كانوا يحرونها لانهم بيروحون المزرعه .. وهي معصبه عليهم ماقرروا يروحون الا لما تزوجت .. طلعوا من البيت وركبوا سيارتهم .. شهد تمت تطالع بيت بو راكان وهي تتذكر الحادثه الاليمه اللي هزت كيانها وكانت ممكن تروح فيها .. وماتكون هالللحظه معا بدر .. شوي والا تشوف .. واحد طالع طويل وعريض وفي يده جوال ..اول ماشاف بدر .. ياه يسلم عليه .. شهد كانت صج متفشله منه وماتبي تشوفه ..
صالح : هلا والله بمعرسنا شخبارك ؟!
بدر : الله يسلمك الحمدلله بخير
تموا يسولفون شوي بعدين انتبه صالح لوجود شهد اللي كانت تتمنى انه يروح ومايشوفها ..
صالح : شخبارج شهد ؟!
شهد : الحمدلله بخير الله يسلمك
راح صالح وركب بدر السياره .. وطاحت عينه بعين شهد ابتسم وحرك بدون مايتكلم ولا كلمه ..
شهد : بدر
بدر : هلا حبي
شهد مسكت يده : قلبي يوعانه
بدر : وانا الحين وين رايح ؟! رايح المطعم
شهد شلت يدها : فديته اللي يحس فيني
بدر : خلي يدج لاتشلينها
ابتسمت له شهد ورجعت يدها وهو راص عليها بمعنى لاتهديني .. باستها .. ودفنتها بين يدينها .. وهو مستانس حاس بالدفا والحنان ومايبي يوصل المطعم بسرعه
......................................
ركب سيارته وعلى طول رن تلفونه .. شاف الرقم وتأفف .. كأنه مب عاجبه
صالح : الوو
جاسم : هلا والله الغالي
صالح : اهلين شحالك ؟!
جاسم : بخير عساك بخير اقول صالح
صالح : امر
جاسم : اليوم ابيك اتيني الشقه ضروري ماعليك امر
صالح : ليش ؟! خير ان شاء الله
جاسم بخبث : لالا خير تطمن بس اليوم في شي وابيك تحضره الربع كلهم بيون نوافووه وعلوووي وخلوود
صالح : ماشاء الله اشعندكم ؟!
جاسم : يمعه ربع واغاني وطق
صالح : لالا اغاني ماقدر ايي اسف
جاسم : اوووه انته للحين معقد خلاص عيل مافي اغاني بس تعال نبي نشوفك
صالح : هالشي تسميه تعقد ؟!
جاسم : اوهوووو صلووح لاتسوي لي سالفه خلاص يبه اسف وحقك علي بس تعال
صالح : الساعه كم ؟!
جاسم : وحده
صالح : وانتوا كله لين نصايف الليل ؟! خلاص زين ان شاء الله ياي
سكر من عند جاسم وهو مب مطمن يحس ان هالجاسم وراه شي طول عمره مخترب .. معقوله على شان ما اسمع اغاني يخلي سهرتهم بدون اغاني ؟! ماشاء الله يمكن الله هدااااااااااااااه
.............................
قعد على الكرسي .. وهو حاط يده تحت راسه ويفكر بمشاريع الشركه .. واشلون يفتح وحده في قطر .. وهالسوالف .. قطع تفكيره صوت التلفون وهو يرن .. شاله وكان صوته شوي تعبانه لانه مزكم
خالد : الووو
اميره حست بشي يتحرك داخلها لما سمعت صوته فديييييت هالصوت : السلام عليكم
خالد ماعرفها بس مايدري ليش قلبه يطق : عليكم السلام
اميره : شخبارك خالد ؟!
خالد : الحمدلله بخير منو ؟!
اميره قلبها يرقع تكلمه واااي مو مصدقه : انا اميره
من سمع اسمها .. ذااااااااااااب فديييت هالصوت العسل .. فدييييت قلبج .. :هلا والله بأميره
اميره : هلا فيك
خالد : اقول اميره .. اشريكم تيون معانا المزروعه بعد باجر تعالي استانسي مع حور وامنه
اميره : والله مادري كلم اخواني
خالد : خلاص ولايهمج بكلمهم ..
اميره : امنه موجوده
خالديبي يطول مب مصدق اللي يصير : اسف شكلي عطلتج
اميره : لالا عادي ماعندي شي انا
خالد : امنه راقده والله
اميره : اها خلاص فمان الله
خالد وهو وده يقولها احبج احبج : الله يحفظج
سكرت من عنده وهي طايره من الفرحه .. بعد يقولها تعالي المزرعه معانا .. واااااااااااااااااااااااااي مستااانسه حدي حدي .. تمت تركض وتناقز في البيت والارض مب شايلتها من الفرح .. تحس انه يحبها .. أي يحبها .. فديتك خالد فديتك .. احبك والله اموت فيك ليتك تعرف اللي بقلبي لك ليتك .. من الصوب الثاني من سكر التلفون وهو مايعرف شيسوي .. راح غرفته وسكر الباب .. وطول هالوقت الابتسامه مافارقته .. معقوله انا كلمتها اليوم ؟! كلمتها هي ؟! اميره ؟! .. يكلم الطوفه .. انا كلمتها اليوم ردي علي ؟! .. والله مب مصدق .. قط نفسه على السرير .. وغاص في بحر تخيلاته واحلامه اللي وصلته لووووووووووويييين
....................................
دخل العماره متوجه صوب شقتهم اللي كان ايهم فيها .. ركب اللفت .. وحط طابق 6 .. طلع الا صوت صراخ ودوويسه وخصوصا من الشقه اللي قاصده .. راح وطق الباب .. تكسرت كل الاصوات وعم الهدوء .. وهو مستغرب .. فتح الباب .. وبان جاسم جدام عيونه
جاسم مرتبك شوي : هلا والله صالح حياك
صالح شك في الامر : شسالفه جسوم ؟!
جاسم مسكه من يده وقفل الباب : حياك حياك
دخل وانصدم من اللي شافه .. كانوا يمكن حوالي 10 بنات .. وربعه قاعدين .. الاضاءه كانت خافته .. جنه دسكوا .. صالح قلبه ماتطمن وحس بضيق وخنقه..
صالح رايح صوب الباب : انا طالع
جاسم : ويييييييين تعال تعال
صالح معصب : اشهالمصخره ؟!!!!!
جاسم : الله يهداااك .. روح داخل اقعد والحين بايك
صالح : شنو انته تتطنز علي ؟! شنو روح داخل ؟!
جاسم : روح داخل وانا بطلعهم كلهم يلاا ..
راح صالح وهو مفوور من قلب .. جاسم اشر على وحده تروح وراه .. راحت ركض ورااه ... واول ما دخل الغرفه دخلت وقفلت الباب .. انصدم اشفيها هذي مب صاحيه ؟! ..
ديما : هاااااااااااااي ( وهي تحرك اظافرها جدامه وبدلع )
صالح مب قادر يتحمل لانها كانت لابسه ملابس مب ساتره : اقول طلعي برى الله يستر عليج
ديما قربت منه : نووووووووووووووو انا بدي ياااااااااااك
صالح يحاول انه مايشوفها ويلتفت الصوب الثاني : روحي روحي عني واللي يرحم والديج
ديما : مااااابديييييي
قربت منه وبجم حركه .. قدرت انها تلعب عليه .. وانقص على صالح اللي غررق في الحرام وهو مب حاس بعمره .. صالح اللي مايفوت صلاه .. ودايما يقرا قران .. وكل صيف لازم العمره ......... جذيه يستوي فيه ؟!
...................................
قامت على اذان الفير ترتب الاغراض .. لان الساعه 7 طيارتهم بتطير .. كانت مستانسه وايد .. وفرحانه لانها بتسافر مع بدر .. قعدته من النوم وقام غسل وصلى الفير .. ولقى منها احلى بوسه نسته الدنيا كلها .. تعلقوا في بعض وايد .. ومحد يقدر يفارق الثاني .. شهد بدر وبدر هو شهد .. روح وحده وقلب واحد ونبض واحد .. ودنيا وحده ...
ركبوا سيارة الفندق .. وراحوا على طول المطار .. كانوا متواجدين هناك بالضبط الساعه 5 ونص .. مابقى عن الطياره شي .. خلصوا الجوازات وهالسوالف وراحوا بيدخلون الطياره .. اللي لما دخلتها شهد انصدمت صدمت عمرها حسن انه بيغمى عليها ماتبي تروح .. ماتبي .. تبي ترجع قطر بيتها الفندق أي مكان بس الطياره ماتبييييها .. وهو يطالعها ويضحك بس بهدوء .. مسك بدر يدها .. وهو يطالعهم وقلبه يتفتفت .. راحوا صوب درجه اولى .. والصدمه الاكبر انه كان معاهم وقاعد وراها بالضبط .. بدر شافه وعرفه وراح يسلم عليه .. وهي تطالعهم وفيها الصيحه بدر ارجوك مابيه يقص عليك ويستضعفك ويحس انك غبي ارجوك بدر .. رجع وقعد جنبها .. وهو ماسك يدها ويبتسم لها وهالشي قطع قلبها زياده والله يابدر انك ماتعرف شي ماتهون علي احطك بهالموقف .. تحركت الطياره .. وطارت في الهواء .. متوجهه الى لندن .. 7ساعات ونص وراكان معاهم في الطياره .. 7 ساعات ونص وشهد بتكون على اعصابها .. بيكون معاهم هناك .. ياترى اش ممكن يصير ؟!
إنتو أيــــــــــــــــــــــــش تتوقعون ممكن يصير؟
الفصل الثامن
في هاللحظات .. تعيش الحب وهي الحب وهو الحب .. طيفه يمر عندها كل شوي .. وهي تركض على الدريشه تنطره يطلع من البيت تشوفه ولو نظره .. تمت تفكر فيه .. وليش حبته ؟! .. من يوم ماطاحت وشافها .. وطاحت عينها بعينه .. وهي مب ناسيته .. حست ان هالانسان غير عن الكل .. حست وكأنها تعرفه من فتره .. اااه ياخالد ليتك تحس فيني .. والله اخاف انصدم وتطلع تحب غيري .. لاافاول على عمري .. خالد ان شاء الله يبادلني الشعور ..
...............................
التفتت عليه الا هو في سابع نومه ولا يدري باللي حواليه .. كانت تدري انه يطالعها .. وقررت انها تقهره .. قربت من بدر وتمت تتأمل ويهه .. باسته على خده وحطت راسها جنب راسه وهي ماسكه يده وتلعب فيها .. هو يطالعها ونيران تشتعل داخله ميت من القهر .. يحق لها .. حبيب قلبها الاخ بدر .. عض على شفايفه وضغط على يده بقوو .. مايبي يسوي شي .. يبي يكون هااادي معاها .. مرت 5 سااعات على هلحاله .. وهو يتوعد في شهد .. اللي مافكرت فيه .. لانها راحت في سابع نومه بعد ..
...............................
فتح عيونه .. بصعوبه واشعة الشمس ودها تدخل في عيينه .. تم يتلفت المكان غريب عليه .. التفت على يمينه والا يشوف وحده نايمه .. انصدم .. شنو ذي .. قام بسرعه وهو يقول استغفر الله .. وقف لحظه ولقطات امس تمر في باله .. فتح عيونه من هول الصدمه .. معقوله ؟! انا سويت جي ؟!!! .. مستحيل مستحيل .. مب مصدق .. طلع بسرعه الصاله والا يشوف خمسه نايمين على الكراسي .. وتأكد انه مب حلمان .. مستحيل والله مب مصدق .. نزلت دموعه وهو يمسك يده ويطيح على ريله .. معقوله انا يقصون علي ؟! استغفر الله ياربي استغفر الله .. يارب سامحني يارب .. قام وهو ميت قهر .. راح صوب جاسم اللي نايم في العسل .. وارفسه رفسه .. نقزته من مكانه
جاسم وهو يفرك عيونه : خير يالاخو شصاير ؟! لايكون انته مباحث ؟! ترى انا ماسويت شي
صالح وهو يصارخ ويصيح من القهر : جسوم يالحمار يالكلب يالحقير انته اشلون اتطرش لي بنت امس فليل
جاسم يتثاوب ورد يتلحف : اووووه على بالي عندك سالفه
صالح عطاه طراق على ويهه : قوم يالخسيس
جاسم عصب : اشفيك انت اشفيك ؟! احترم نفسك ولاتضرب انا ما اشتغل عندك
صالح مسك الطوفه : انته شنو ؟! اذا انته وصخ تبيني اصير وصخ نفسك ؟!
جاسم : محد قالك اتيي انته تعرف ان احنا مانعيش من غير هالسوالف
صالح وهو طالع : انا غلطان يايك ..
طلع صالح وهو للحين مب مستوعب .. انا رقدت معا.. ؟! .. معقوله ؟! انااااااااااااااا .. تنهد بقو .. وحرك ودموعه تنزل غصبا عنه وكل شوي يضرب السكان .. راح سيده المسيد .. صلى الظهر .. وتم يقرا قرأن .. وهو يصيح ومتندم على اللي سواه مع ان غصبا عنه .. ماكان حاس .. ماكان مستوعب .. أي واحد تجي جدامه وحده جذيه .. بيسوي نفسه واكثر ..
................................
دخلوا الغرفه .. وكانت واسعه وحلوه .. لونها برتقالي على اصفر .. وكل شي مرتب .. حط الشنط وهي فسخت عبايتها وشيلتها .. وطاحت على السرير من التعب .. قعد جنبها وهو يتثاوب لانه تعبان وماشبع رقاد في الطياره .. التفت عليها والا هي مغمضه عيونها .. مسكينه شهد شكلها وايد تعبانه .. التفتت عليه .. وهي توها متذكره
شهد بأستغراب : بدر احنا بنقعد شهر فالفندق ؟!
بدر : لا كم يوم بس وبعدين بنروح الشقه لين يرتبونها
شهد تذكرت راكان : بدر منو اللي كان فالطياره معانا وسلمت عليه ؟!
بدر : اشدعوه ماتعرفينه هاي راكان ( زادت دقات قلبها ) ولد جيرانكم
شهد : اييي تغير وايد اتصدق ماعرفته.. الا هو ليش ياي ؟! وبروحه بعد ( تقيس النبض )
بدر : يقول سياحه عاد انا ماقصرت معاه قلت له ايي الفندق على حسابي ولد جيرانكم لازم نتيمل فيه
شهد انصدمت وبعد في نفس الفندق ؟! ماسويت خير يابدر والله انك بتيب المشاكل وانته ماتدري : اها زين سويت
بدر فصخ الكاب وتلحف : انا برقد الحين .. وترى الكورس بيبتدي اذا رحنا الشقه يعني هاليومين كله دواره
شهد : اوكي
راحت تطلع لها ملابس من الشنطه وهي تفكر وخايفه .. الله يستر منك ياراكان ومن افكارك أي طل سياحه .. التفتت على بدر والا هو في سابع نومه يابعد قلبي يابدر .. ماتدري عن راكان .. تحسبه طيب نفسك .. لو الناس كلهم فيهم ذره من اللي عندك جان احنا بخير ..بس انا بحاول قد ما اقدر اني احميك واحمي نفسي من احقر انسان .. اللي وصلت فيه النذاله انه يلحقنا لين هنيه .. تنهدت بقوو ودخلت الحمام .. تبدل _ الله يعزكم _
............................
قامت من النوم وهي تتثاوب وتطالع الساعه .. اووووووووووووف الساعه 4 .. احسن شي ان باجر اليمعه.. بدلت ملابسها وغسلت وطلعت الصاله الا امها قاعده .. استغربت ان سلمان محد
حور : يمه وين سلمان ؟! ما اشوفه اليوم ؟!
ام سلمان : راح معا خالد ولد عمج المزرعه من الظهر
حور : الله يعطيهم العافيه .. عاد يمه متى بنروووح
ام سلمان : يقول بنروح اليوم فليل مب باجر على شان نبات يومين
حور : حلاتها من العصر
ام سلمان : عطيهم فرصه يتنفسون الحين بيردون تعبانيين شوي وبيودوننا ولج بشاره ياحور
حور متشققه : شنو ؟!
ام سلمان : خالتج ام راكان معا عيالها بيون معانا كلهم كلمهم خالد فديته
حور : صججججججججججج اللللللللللله وناسه الجوري بتيي معانا
شوي والا داخل سلمان وقالهم يرتبون نفسهم ويجهزون اغراضهم .. لان بعد المغرب بيروحون .. حور على طول دقت حق امنه وراحوا السوبرماركت معا ام سلمان يشترون اكل وعصاير وهالسوالف ..
...................................
في المطبخ كانت تجهز كيكه بالفانيليا ومعاها قطع جالكسي,, << ادري سال لعابكم خخ ,, وفي اذنها السماعات تسمع اغنية // اه من قلب // لانها مره سمعت امنه تقول ان خالد يحبها عاد من ذاك اليوم وهي كله تسمعها.. وايد مشتطه حق المزرعه تعد الثواني والدقايق ,, ومن الصوب الثاني الخدامه تقطع الفراوله حق العصير ,, شوي وتدخل ام راكان وهي مستانسه ,,
ام راكان : كفوو على بنتي كفوو ,,
اميره متشققه : افا عليج يمه تربيتج ,, وغمزت لها
ام راكان : بس عاد شتسوين فعيونج عيب يمه
اميره : ههههههههههه انزين يمه منو بيودينا ؟!
ام راكان : صالح اخوج
اميره : اتصدقين يمه راكان سوى خير يوم سافر راحه وهدوء
ام راكان : بس عاد لاتقولين جي عن اخوج هذي نظر عيني راكان
اميره في خاطرها ماتدرين عن ولدج اللي بيخرب حياة البنت تنهدت الله يعينج ياشهد : الله يرجعه بالسلامه
ام راكان : ان شاء الله
.....................................
طلعوا من السوبرماركت ,, وكانت امنه اكثر وحده شاله اكياس ,, وحور ماخذه كيس واحد تقص على البنت ,, سلمان كان ينطرهم برى واول ما شاف امنه بهالحاله ,, راح بسرعه ,,
سلمان يمسك الكيس : عنج عنج
امنه تعطيه : مشكور والله انك سويت خير ,, تلتفت على حور ,, وهذي انا برويها مافيها خير كلش
سلمان مستانس لانها تتكلم معاه بجرأه : حور بسنعها انا ماعليج
حور :اححححححححححمممممم طبعا بتسنعني طبعا على شان الشيخه امنه
سلمان يحط الاغراض فالسياره : ركبي وانتي ساكته
ركبت ام سلمان جدام .. وحور وامنه مرتزين ورى ,, كانت المنظره الصغيره نازله شوي ,, وامنه تطالع سلمان
