اص , انا مستحل اخليه ,, مستحيل ,, ابيك سعود احبك ,, والله احبك ,, ومابخليك ,, وتذكرت كلامه ,, " اذا مارحتي معاي هالاماكن انا ما بقدر اتم معاج " ,, لا مستحيل اروح هالاماكن هذي حق الوصخات اللي مايستحون ,, وهي تتذكر انها تطلع معاه ,, يعني انا النظيفه ,, شهقت بقوو ,, انا ليش اقول جذيه حق نفسي ,, ليش ,, انا احسن من مليون بنت ,, ايه ,, انا على الاقل ما اخربط ,, تغيرت ملامح ويهها ,, وهي تحس ان غصبا عنها بتروح يعني بتروح لانها تبي سعود وتحبه ,, وخلاص ماتقدر تخليه ,, تحس نبض داخلها ,, وانفاسه داخلها ,, واحساسه , داخلها ,,
..........................
طلعت من غرفتها وراحت الصاله وهي متملله حدهـــــــــــــا ,, حصلت امها قاعده في الصاله وتطالع التفزيون ,, قعدت جنبها ,,
حور : يمه
ام سلمان التفتت عليها : ها يمه اشفيج
حور : يمه قومي خل نروح مكان زهقانه حدي والله
ام سلمان : من بيودينا يعني ؟!
حور : كلمي سلمان ,, حطت راسها على كتف امها : يمه والله متمله بموت من الملل
ام سلمان : كلمي امنه وروحي لها ولا خل اتيج
حور : اووف كلمتها من شوي بتيي الحين ,, بس بعد هي متملله ,,
ام سلمان : معليه اذا يا اخوج بكلمه يودويكم
حور بيأس : بيي الظهر وبيقولج تعبان برقد ,, ومب مودينا يمه ارجوج
ام سلمان : اووووووووووووووووف منج حور لاتحنين ,,
سمعوا صوت احد يطق الباب ,, وكانت امنه يايه ,, سلمت على ام سلمان وحور وقعدت ,,
امنه : والله الحمدلله ,, ام خالد وداني اشتري بدله ,, اب نسيت اقولكم ان الملجه والخطوبه بعد اسبوع , مره وحده بيسويها ويبيها خالد كبيره,,
ام سلمان : الله يبارك له ويوفقه ان شاء الله اميره تستاهل كل خير والله
حور تنغز امنه : يبي يشوفها ها خخخ
امنه بصوت واطي : أي بيموت خخخخ
شوي والا الباب ينفتح بقووو بدون سابق انذرا ,, دخل والا يشوفها جدامه قاعده وجنها ملاك تطالعه ببراءه ,, افتكر في عمره ورجع بسرعه لبست شيلتها ,, ودخل ,,
سلمان ميت من الوناسه : حور روحي غطي شعرج خالد بيدخل
راحت حور وخذت شيلتها ورجعت بسرعه ,, لبستها وقعدت على الكرسي ,,
سلمان يلتفت على خالد : تفضل بووليد ,,
دخل خالد والكل انتبه انهم مستانسين وايد ,, وامبين عليهم عندهم شي ,, قرب سلمان من امه وباسها على راسها ,,
سلمان : يمه باركي لنا ,, فتحنا الشركه اليوم
انقزت حور مب مصدقه ,, ياااااااااااااااي بتصير عندنا فلوس وايد من عقب الفقر ,, تذكرت ابوها وهي تطالع تحت ,, الله يرحمك يايبه ,, راح خالد يسلم على ام سلمان ,, وحور راحت تركض تكلم شهد على شان تبشرها ,, اما امنه منزله راسها وقاعده ,, وقف سلمان جدامها
بأبتسامه : انتي مابتباركين لي ؟!
امنه وويهها احمر من الحيا : مبروك سلمان تستاهل كل خير ,,
سلمان حس بالراحه : الله يبارك فيج ,, يالغاليه ,,
ماتت من الحيا ,, وتمت منزله راسها وهي مستانسه ,, يات حور تركض وهي تصارخ ,,تقولهم ان شهد وبدر بيون الحين ,, على شان يباركون حق سلمان وخالد ,, وبالمره يتغدون عندنا ,,
سلمان بفرح : اشرايكم انتغدى برى ؟!
حور مب مصدقه : اييييييييييييييييييييييييي ياليت والله
خالد : على حسابي عاد ,, والا ان وامنه مب ياين
سلمان وهو يضرب كتفه بالخفيف : ولاتزعل على حسابك ,,
خالد : ماصدقت ها ؟! اقص عليك
الكل:ههههههههه
اتفقوا انهم يروحون مطعم شبستيان ,, يتغدون هناك ,, واتصلوا في شهد وبدر على شان ايونهم هناك ,,
سلمان كان وايد مستانس بهاي الخطوه ,, حس بقرب اكثر من خالد ,, وخالد نفس الشي ,,
...........................
قريب المغرب ,, الكل كان مجتمع ,, في بيت بوراكان ,, ويتكلمون عن ملجة وخطوبة اميره ,, ويتباحثون في الموضوع ,, اميره لاحظت ان الجوري مب على طبيعتها ,, بس ماحبت تكلمها جدامهم ,,
اميره : أي وبحجز ديجيه ,, وابي كوشه صغيرونه ,, لان الخطوبه في قاعة ,
ام راكان : انتي من يقولج ؟!
اميره : امنه اخته ,,
صالح : الله يوفقج ان شاء الله ,, بس اشله ديجيه ؟! ماله داعي والله هالخساير ,, كلها ساعتين
اميره : لالالالا الخطوبه مره وحده بس ,, خل نستانس ,, وبعدين نسيتوا اني وحد بتعرس في هالبيت ؟! المفروض تعفسون الدنيا ,,
ام راكان : ههههههههه خلاص يابنيتي ,, انا ابيج اتيبين ورقه وقلم وتكتبين المعازيم ,, على شان ماننسى احد
اميره : ان شاء الله ,,
راكان : الحين خلود هو اللي بيدفع كل شي والا انتي ؟!
اميره بأستغراب ليش يتكلم جذيه عنه ؟! : لا امنه قالت خالد بيدفع كل شي انتي بس تختارين
راكان : اهااا , وهو قايم ,
صالح : على وين ؟!
راكان : بروح ارقد تعبان
صالح : مابقى شي عن الصه ياخوي ,,
راكان : معليه اصلي في غرفتي ,,
صالح : المسيد قريب حذفت حصى ,,
راكان ثار : صالح ولي يسلمك مالي خلقك قلت لك بصلي في الغرفه خلاص لاتعور راسي
صالح وهو يحرك راسه : الله يهداك الله يهداك ان شاء الله ,,
.........................
بدر : ههههههههههههههههههه بعد قلبي والله هذي الدرجه تخافين ؟!
شهد : اييي انته ماتدري عن شي اصلن ,, اخبر مره ,,
قطع كلامها صوت تلفونها يررن ,, شافت الرقم الا خارجي ,, استغربت منو هاي ؟! ,,
بدر : اشوف انا ارد ,,
عطته الجوال بدون أي تردد ,,
بدر : الووو ,, سمع صوت بنت ,, حذف الجوال على طول حق شهد
شهد : منو هاي ؟! ,, الوووو
سمعت صوت يتألم ,, يتعذب : الوو شهد انا عنود شهد
شهد منصدمه ,, عنوود من تزوجت وانا ناسيتها : عنووود حبيبتي اشفيج ؟! انتي وين ؟!
العنود: شهد انا بموت خلاص ,, وهي تصيح بصوت مبحوح ,, باجر بيرجعوني قطر ,, ابي اموت عندكم شهد ,,
شهد منصدمه ونزلت دموعها بدون ماتحس : شقولين انتي ؟! عنود انتي مابتموتين مستحيل الووووووووووووووووووو
العنود تشاهق : احبج شهد انتي اغلى رفيجه عندي ,, باجر المغرب بكون في مستشفى حمد ابيج تيني بشوفج قبل لا اروح
شهد تصيح : لا عنوووووود انتي بتمين معانا عنوووود
العنود .. : خلاص بسكر ,, ما اقدر اتم اكثر ,, اشوفج شهد باجر تعالي تعالي
شهد وهي تسمع صوت العنود يتقطع : الو عنود الو
طووط طوووط ,, انقطع الخط ,, طاح الجوال من يد شهد وهي تطالع سيده ودموعها ,, تنزل ,, بدر خايف ,, ومب عارف اشفيها ,, بس يسمع عنود لاتموتين ,, قرب منها وهو يهزها ,, يبيها تقول شي ,, انهارت شهد بحضنه ,, وهي ميته من الصياح ,,
بدر : حبيبتي اشفيج ؟! منو الي بيموت ,,
شهد ميته من الصياح على صدر بدر مأواها الوحيد,,: عنود بتموت بدر بتموت بتخليني
بدر : منو عنود ؟!!!!! من هذي ؟!!
شهد تشاهق : رفيييييييييييييجتي رفيجت عمري فيها السرطان ,, وماقدرت تتعالج بتموووت باجر بتيي قطر ,, ابي اروح لها ابي اشوفها ,,
بدر حس بصاعقه داخله ,,: لاحول الله ,, بس حبيبتي هدي نفسج بوديج لها انا بوديج
شهد : مابيها تموت بدر مابي
بدر : ادعي لها ,, وان شاء الله بتشفى ان شاء الله
.تألمت شهد وايد للعنود , وخصوصا لما تتذكر الموقف يوم زواجها ,, ياتها وعطتها هديه ,, وراحت المطار ,, وهي مطقعه لها ومب مهتمه ,, عنود ربي لايحرمني منج ,, وان شاء الله مابتموتين عنوووود
................................
ردت على الجوال بسرعه وقلبها يطق بقوو ,, بقوله مابي بقوله مب رايحه وهو يحبني مابيقدر يخليني ,, اكيد مابيقدر ,,
سعود : ها اشقلتي ؟!
الجوري بتردد : ماقدر سعود افهمني انا اخاف والله اخاف
سعود : شنووو ؟! ليش تخافين ؟! انا معاج
الجوري : سعود اسفه والله ماقدر والله
سعود : عيل لاتزعلين لو رحت وقعدت معا غيرج
الجوري:انزين انته لاتروح
سعود :اسف ,, خلاص كيفج يالله باي
الجوري شوي وتصيح : الوووووووووو سعود كلمني , سعود انا احبك واموت فيك بس والله ماقدر
سعود:كيفج خلاص براحتج ,, مابي اضغط عليج ,,
الجوري : الو سعود ,, خلاص بفكر عطني فرصه
سعود : اشكثر بعطيج ها؟ من اسبوع انطرج تردين ,, سمعي الجوري لج يومين ,, اذا مارديتي جواب انا مضطر اقعد معا غيرج هناك ,, اذا انتي رضيه كيفج ,,
ورقع التلفون في ويهها ,, زادت صدمتها فيه ,, اشلون يكلمها جذيه ,, طاحت على السرير وهي ميته من الصياح ,, من تعرفت عليه ,, وهي كله متوتره ,, وخايفه ,, وطلباته كل شوي وتزيد ,, اااااااااااااه ياسعود ماعرف شسوي ,, معاك ,,
.............................
اليوم الثاني ,, الساعه 9 الصبح ,, طلع بدر من البيت ,, وهو مرتاح ومستانس ,, ركب السياره ,, وهو يدور في الدروج ,, شوي ويسمع احد يطق الدريشه ,, التفت والا يشوف واحد متلثم ,, وشكله غريب ,, فتح الدرشه ,,
بدر مستغرب : امر الشيخ ؟!
مد الريال يده ,, وعطاه ظرف : تفضل ,,
بدر : شنو ذيه ؟!
مارد عليه بولا كلمه ,, وراح يركض ,, استغرب وخاف بعد ,, الله يستر ,, فتح الظرف الا سيدي ,, شنو ذي ؟!!! ,, نزل البيت بسرعه متوجه صوب الغرفه يبي يفتحه ويشوف شنو ذي وشسالفه,,
هل الجــــــــــــــــــوري تطيع سعود وترووح معاه ؟
وش تتوقعون....؟
الفصل الثاني عشر ,,
طلعت من المطبخ ,, في يدها كوب النسكافيه ,, رايحه غرفتها ,, وتفكر في الموضوع ,, وشكلها لانت ,, وبترضى عاللي يقوله سعود ,, تعبت وهي تفكر ,, تعبت وهي تتوقع ,, خلاص انا بروح معاه ,, بروح معا حبيبي سعود مستحيل اخليه يقعد معا وحده غيري ,, مستحيل ,, وخل يصير اللي يصير ,, احرق قلبي ليش ؟! بروح معاه وبستانس ,, دخلت غرفتها ,, وقفلت عليها الباب ,, وعلى طول خذت الجوال بتدق حق سعود ,, والا يطقون الباب ,,
الجوري : منوو ؟!!!!!!!!!
اميره : فتحي ,,
الجوري وهي رايحه تفتح وتتأفف : اووف اشتبي هاي بعد ,, مب وقتها ,,
فتحت وبأبتسامه مصطنعه : هلا اميره اشبغيتي ؟!
اميره دخلت : تعالي بكلمج
الجوري : شتكلميني فيه ؟!
اميره قعدت على السرير : الجوري حبيبتي ,, انتي اشفيج هالايام ؟! وايد متغيره ,, حتى حور لو كلمتها تقول الجوري ماتكلمني نفس قبل ولا اعرف عنها شي ,, الجوري اشفيج انتي متغيره علينا كلنا ,,
الجوري : اميره انا مافيني شي والله ممكن تخليني بروحي ؟!!!!!
اميره قايمه : شفتي ؟!!! ماقلت لج متغيره ؟!!! قبل تقعدين معاي تقولين لي عن خالد وانا اقولج اللي في قلبي الحين لالا مب الجوري الاوليه والله
الجوري : اووووووووف اميره ترى لاعت جبدي خلاص روحي ,,
اميره وهي طالعه : ترى الكل ملاحظ عليج هالتغير حتى صالح اللي مايقعد فالبيت وايد يقول اشفيها الجوري مب نفس قبل ,,
الجوري تدز اميره تطلعها برى : مافيني شي والله مافيني شي يالله طلعي
وسكرت الباب بقوووو في ويهها ,, وهي واقفه ومنصدمه من حركة الجوري ,, هذي اشلون تطردني ؟!!! وتقول مب متغيره ,, الله يستر من هالبنت ,, كله تفكر وقاعده بروحها ,, الا اعرف اشعندها ,, مب طبيعيه والله ,, اووف ,, وراحت غرفتها وهي تفكر اشممكن يكون في الجوري ,,
الجوري : هلا حبيبي
سعود مسوي نفسه زعلان: هاااا خير ؟!
الجوري : قلبيييييييييي لاتمد البوز ,, وبصوت واطي بدون تردد ,, خلاص انا موافقه بايي معاك
سعود طاااااااار من الفرحه وافقت ياااااااااااااي ,, : صج ياقلبي ؟!
الجوري : أي ,, اهم شي تكون راضي علي ومستانس ,, كم سعود عندي انا ؟!
سعود في خاطره يقول في حياتي ماشفت بنت بهالغباء والله غبيه ,, : انزين حبيبتي ,, باجر تبين ؟!
الجوري : اممممممم اوكي مو مشكله باجر ان شاء الله ,,
سعود ماسك ضحكته : خلاص اكلمج بعدين اوكي الغلا ؟!!!
الجوري : اوكي ,,,
سكر من عندها وهو ميت من الضحك ,, هههههههههههههههه مسكينه يالجوري ,, طالعه على اخوج فالغباء ,, الله يعينج ,, الله يعينج على اللي بيصير لج ,, ههههههههههههه مسكينه والله ,, تعور قلبي هالبنت احس مالها ذنب ,, بس مدامج اخت راكان مابتشوفين خير ,, ههه هين ياراكانوا ان ماعلمتك من سعود انا ارويك ,, عيل ماتبي تعطيني ها ؟!!!! خلاص ويهمك حلال عليك ,, ههههههههههه
................................
دخل الغرفه وهو مستعيل ,, فتح الاب ينطره يشتغل ,, والا هي داخله عليه ومستغربه من وجوده ,, توه طالع اشرجعه ؟!! ,, قربت منه والا تشوفه متحرقص يحط سيدي ,,
شهد : بدر خير ان شاء الله اشفيك ؟!
بدر : مادري قلبي واحد عطاني هاي السيدي ,, مادري اشفيه
شهد نغزها قلبها ما ارتاحت ,, حست ان راكان ورى السالفه ,, لا مستحيل لايكون المقطع لا مستحيل : خله يولي ليش ماعطه اهتمام هالكثر ,,
بدر توه بيفتح جهازالكمبيوتر على شان يفتح السيدي ,, والا جواله يرررن ,, وكان من الشركه : الوو
؟؟:استاز بدر ,, رجل الاعمال الاستاز فهد ينتزرك بالمكتب ,,
بدر : اووه نسيت ,, ياي الحين
حذف الاب توب على جمب ,, وطلع بسرعه من البيت ,, ارتاحت شهد شوي ,, راحت بسرعه افتحته ,, الا مقطع فيديوو ,, قلبها تم يرقع ,, وتزيد نبضاته كل شوي ,, فتح وتمت تنطره يشتغل ,, وو ,,
لا لا لا مستحيل ,, حطت يدها على حلجها ودموعها تصب ماتوقف ,, لا مو مصدقه لا مستحيل لا ضربت الاب توب ضربه قويه ,, التفتت على الباب ,, وكأنها تطالع طيف بدر وهو طالع ,, كان بيشوفه ,, كانت حياتنا بتنقلب فوق حدر ,, لا مستحيل تمت تصيح من قلب مب مصدقه اللي جدامها , تشوف فيديو ,, هي فييييه وراكان مو مبين كلش ويهه مايطلع ,, سكرته بسرعه ,, بدر كل هاي يصير فينا ليش ؟!! بدر شسويت انا في حياتي ؟! انا وانته نفترق ؟! لا والله لا ركان الزفت مب راضي يصدق اني تزوجت ,, انا مادري ليش يسوي هاي معاي ,, حست بغصه وماتت من الصياح زياده ,, لو شايفه بدر اشبيصير ؟!!! اشبيسوي فيني ؟! انا ماصدقت ان علاقتنا ترجع اوكي ,, شسوي الحين شسوي ؟!! ركضت قفلت الباب ,, وتمت تدور في الغرفه وهي تضرب على خدها خلاص بيفضحني ,, ياربي ساعدني والله ماعرف شسوي ,, وهي تصيح وبصوت عالي شسوي شسوي ,, طلعت السي دي وكسرته نتفه نتفه ,, وقطته في الزباله ,, وتمت تفكر شتسوي ,, ماحصلت جدامها الا اميره ,, خذت التلفون ودقت على طول ,,
اميره : هااااااااااااااااااااااااااااااااااااااااااااااااا ااااااااااااا
شهد ميته من الصياح : والله اميره والله بس الحمدلله بدر ماشافه ,, كنت بتطلق اميره بتطلق والله مادري اشلون الله انقذني
اميره قلبها يرقع ,, منحرجه من شهد ماتعرف شتقول : شهد مادري شقولج ,, انزين اروح اكلمه ؟!
شهد تشاهق : كلميه قولي له والله بقول حق سلمان لو ماوقف عند حده ,, والله
اميره : خلاص الحين بروح اكلمه ,, الحين بس انتي هدي وان شاء الله كل شي يصير اوكي
شهد : اوكي بس الله يخليج روحي وردي علي تراني انطرج على ناااااااااار بموت اميره بموت لو بدر عرف شي ,,
اميره :لالا ولايهمج انا بتصرف ,,
سكرت اميره وهي مفتشله من شهد ,, الله ياخذك ياراكان ,, راحت له الغرفه ,, كان قاعد ويتخيل شيصير في شهد لحين ,, فتح السيدي ,, وشافه وضربها ,, وطلقها ههههههههههههههههه ,, قطع تفكيره صوت الباب ينطق ,,
راكان : منو ؟!
اميره : انا
راكان : تفضلي ,,,
دخلت اميره وشكلها امفوره منه ومعصبه حدها مهما يكلمونه مهما يقولون له مافي فايده ,, بس انا ابي اعرف ليش يبي يهدم حياة البنت ,, المشكله انه اخوي الكبير اشلون اكلمه اشلون انصحه ,, والله ماعرف اشلون اتصرف ,,
اميره : راكان انت شمسوي حق شهد ؟! ليش جذيه تسوي فيها تبي تفرق بينها وبين ريلها ؟!!!! انته اشفيك راكان اشفيك ؟! ليش ماتفهم انا صرت استحي من كثر ما اكلمك
راكان منصدم مسرع ماوصلها الخبر ,, : من قالج
اميره : هي اتصلت لي وقالت لي ,, وقالت قولي حق اخوج لوماخلاني في حالي بعلم عليه سلمان وخل يتصرف وياه
راكان تخسبق سو نفسه مسكين : اميره انا احب شهد وابي اتزوجها ,,
اميره : انته اشفيك ها ؟! مب صاحي ؟! ركاان المره تزوجت خلاص وراحت في نصيبها ,, للحين مصر انك تاخذها ؟!
راكان : اميره انا حاس اني باخذها على شان جذيه اسوي هالشي ,,
اميره : راكان انته مب صاحي والله اعذرني على هالكلمه بس مافي واحد عاقل يسوي سواتك راكان المره مرتاحه معا ريلها خلهم في حالهم ,, واذا تبي تتزوج من باجر ادور لك احسن وحده وازوجك اياها بس شهد خلاص راحت في نصيبها ياراكان ,,
راكان سوى نفسه ندمان : خلاص انا اقتنعت بكلامج وندمت ,, بس بدر شافه والا ؟!
اميره : لا الحمدلله ماشافه ,,
راكان قول في خاطر اخسس فشلت الخطه بعد : خلاص الحمدلله ,,
اميره : خلاص انا بخليك الحين ,, بس صدقني اللي تسويه ماله داعي كلش ,, لان البنت خلاص تزوجت ,, خلاص انساها ,,
طلعت من عنده وقلبها مب متطمن ,, تعرف راكان واسلوبه وتدري ان كلامها ماهمه ,,وشكله يبي يصرفها ,, الله يعيننا عليك ياراكان ,, والله يستر من الياي ,,
مرت الساعات ثقيله على شهد ,, مع ان اميره كلمتها وطمنتها بس هي ما ارتاحت كلش ,, مستحيل راكان يسكت ويقتنع بهالسرعه ,, تمت متوتره طول الوقت ,, وكل مايرن جوال بدر تنقز من الخوف ,, بدر مب عارف اشفيها سألها تقوله مافيني شي ,, دخلت غرفتها وسكرت الباب ,, وتمت تفكر وتفكر ,, بدر كان قاعد في الصاله ,, ومستغرب من حركات شهد اشفيها ؟! ليش خايفه شمسويه ؟!!! ,, وتذكر السي دي ,, اوووه نسيت اشوفه شنو بعد ,, راح الغرفه وطق الباب ,, تمت شهد تتنافض ودموعها تنزل من الخوف اكيد قاله اكيد كلمه ,, مسحت دموعها بسرعه وتمالك نفسها وفتحت الباب ,,
بدر يدور على السرير والتواليت : وين السي دي اللي يبته الصبح ؟!
شهد ميته من الخوف وتبلع الكلام : م م مادري بدر جنه خذيته معاك
بدر يطالعها ومستغرب : شهد اشفيج اليوم ؟! مب طبيعيه ؟!
شهد عطته ظهرها : لالا مافيني شي بس يمكن ضاع
قرب منها وضمها من ظهرها : حبيبتي السيدي مب مهم,, انا اللي يهمني انتي اشفيج ؟!
شهد : هاا لالالا مافيني شي والله
طلع بدر الصاله وخلاها ترتاح شوي ,, يمكن ترجع طبيعيه ,, قفلت الباب ,, حست ريلها ماتشيلها ,, راحت بسرعه وجسمها كله يتنافض قعدت على السرير ,, انا لين متى بخاف وبعيش في هالتوتر ,, ياربي ساعدني ماعرف شسوي ,, استغفر الله ,, راكان تكفى لاتسوي شي ,, من اكلم من اقوله ,, اميره من كلامها ماكلمته اصلن ,, اووووف لاحول الله ,, تمت تفكر وتفكر وكل ماتحلل الموضوع تخاف زياده , اكيد بيصير جذيه وبيصير جذيه ,, ومالقت ولا طريقه ممكن تتخلص فيها من راكان ,,
...........................
دخل البيت والا هم ثنتينهم قاعدين وشكلهم متمللين حدهم ,, شوي ويصيحون ,, ضحك على منظرهم ,, وقعد على الكرسي ,,
خالد : ههههههههههه اشفيكم جذيه ؟!
امنه : زهقانييييين خالد تكفى طلعنا
خالد : امممممممممممممممممممممممممممممم
حور : خالد عشان اميروووووووووووه الهبله ,, طلعنا
خالد وبدون مايحس بنفسه وقف وصرخ : جااااااااب الهبله انتي
امنه منصدمه ,, وافتشلت في حور : خالد الله يهداك حور تتغشمر
خالد : تتغشمر ماتتكلم عن اميره جذيه
حور طول الوقت ساكته ,, وامنه حسبت انها زعلت وتضايقت ,, وشوي وتصيح,,
حور : اسفه خالد
خالد : لالا عادي بس لاتعيدينها
حور : ان شاء الله
خالد : زعلتي ؟!
حور : هههههههههههههههه لا ,, بس انا طول عمري متعوده اقولها الهبله والمينونه وهي تضحك معاي ,, اول مره اسمع احد يدافع عنها , وهي ترفع يدها للسما ,, عقبال مايدافعون عني وعنج يا امون
خالد ضحك من قلب عليها ,, حس انها ياهل ,, : ههههههههه انزين قوموا يالله بطلعكم
حور من الفرحه تمت تناقز ورافعه يدها : اللللللللله يوفقك ياولد عمي ,, فالعرس والخطوبه ,, وتطيح الكوشه على اميروووووووووووووه ان شاء الله ,, حست انه بيعصب ,, وراحت تركض غرفة امنه ,,
امنه مامسكت نفسها من الضحك جدام خالد ,, وهو منصدم من حور : هههههههههههههههههههههههههههههههههههههههههههههه
خالد يحرك راسه : مينونه ,, تدرين اشلون مافي طلعه ,, واول مارضخ الباب انه زعلان يعني , انفجر من الضحك ,, هذي حور ,, عجيبه ,, هههههههههه
........................
دخل سعود ,, الشقه ,, والا هم مسدحين وكل واحد في يده كوب ,, ومتروس ثلج ,, سكر الباب ,, وقعد على الكرسي وهو يطالع المكان من فوق لين تحت ,, كأنه يبي له تعديل ,,
سعود وهو يضرب جاسم على يده : جسوم جسوم قوم
جاسم بكسل : اوهوووووووووووو انته اشتبي اشتبي والله متفيج ,,
سعود : هه قوم قوم ,, صدنا صلوح وراكانوه الخياس
جاسم نقز ,, ونواف اللي من بعيد سمع نط فاج عيونه : شسالفه ؟!اشفيهم صالح وراكان ؟!
جاسم : اسكت انت ,, سعود قولي علمني
سعود يعلي صوته : هاهااااااااااااااااااااااااااااااااااااااااااااااا اي ,, قوم معاي داخل ,,
راحوا جاسم وسعود داخل ,, مايبون نواف وعلي يسمعون السالفه ,, لان اثنينهم مخططين حق هالشي ,, وهم اللي يبون ينتقمون ,, جاسم ,, منقهر من صالح لانه متدين ,, ومايخربط معاهم ,, حاول يجره ويجره بس للاسف مافي فايده ,, اما سعود انتوا تعرفون سالفته ,, دخلوا الغرفه وقعدوا على السرير وسعود شكله متشقق ,,
جاسم : قوووول يالخطيير اشسويت ؟!
سعود : اسمع جسوم ,, باجر انا بيب معاي وحده
جاسم وهو قايم : ياااااااااااااه ,, تقولي صالح وراكان ,, اشدخل الحين وبعدين مب شي يديد تيب وحده
سعود يره من يده : تعاااااااااال زين بقولك
جاسم قعد على السرير : هاااا قول يالله
سعود : الوحده هذي ,, اسمها الجوري ,,
جاسم مطقع: وعقب ؟!
سعود : الجوري هذي ياحبيبي تصير اخت صلووح وراكانووه
جاسم ماتحرك مكانه من الصدمه ,, كلام سعود يتردد في اذنه ,, التفت عليه وعلى ويهه علامات النصر : لااااااااااااااااااااا ,, احلف سعودووووه من صجك !؟!!
سعود يتباهى : هاهااااي ,, والله العظيم وباجر اثبت لك ,,
جاسم : خلاص يالغالي ,, الشراب وكل شي ببلاش ,,
سعود : بشربها ,, وبسوي العجايب ياحبيبي ,, يتدلع ,, تحبني البنت تحبني
جاسم : سعودوووو والله مب مصدق ,, انزين هي بترقد هنيه يعني ؟!
سعود : لا ,,
جاسم : عيل اشلون ؟!!!!!
سعود توهق : اييييي والله هاشي مافكرت فيييييييه ,, زين تدري اشلون بدق لها وبقول لها ابيج تنامين برى البيت ,,
جاسم : هي تدري وين بتيبها ؟!
سعود : أي تدري ,, ودق لها ,,
جاسم منصدم : صج غبيه ,, اشلون رضت
سعود وهو يأشر عليه يسكت لانها ردت ,,
تم ساكت ويسمع ,,
الجوري بدلع : الووو
سعود : هلا عمري ,, هلا رووحي ,, هلا قلبي ,,
جاسم حط يده على حلجه يسكت نفسه عن الضحك ,,
سعود : اقول قلبي ,, يوم فكرت لقيت ان لازم تنامين برى البيت ,,
الجوري منصدمه ,, لالالالالالا : شنو ؟!!! انام برى البيت ؟!! سعود انته صاحي والا في خلل في مخك ؟!!! شنو انام برى البيت ؟! تبي صالح يقصبني
سعود : لاحول اللله ردت وقالت لي صالح ,, اقول مابيج تين يالله باي
الجوري بسرعه : الوووو تعال تعال
سعود : هااا اشتبين ,, انتي حبيبه انتي ؟! كل شي عندج لا لا لا خاطري مره تقولين لي ان شاء الله
الجوري شوي وتصيح : سعود صعبه انام برى البيت ,,
سعود : انا برجعج الفير حبيبتي ,, والله مابنتأخر ,,
الجوري : سعود اخاف
سعود : اوهووووووووووووووو انتي يالخوافه ,, الحين بتين والالا؟!
الجوري : .....................
سعود : اكلمج انا ,,
الجوري : اشلون اطلع من البيت ؟!
سعود : سمعي اول مايرقدون ,, بايج وطلعي ,, بنروح وقريب الفير ارجعج ,, وبيكونون راقدين ,,
الجوري اقتنعت ,, : زين سعود اوكي خلاص ,, بحاول اطلع وهم راقدين ,, بس متى ؟!
سعود : باجر حبيبتي باجر
الجوري : خلاص اوكي
