بـيــــن خـفايـا قلـــبيـن

حب خفي ❤

هذا لبارت اهداء👈 user73602754
.
.
.
.
"اراك الضوء حين تضل قافلتي
وتطويني متاهاتي"فاروق جويده
وقت العشاء....
مثل متعرفون بيت عمها لاياسمين جيرانهم
ف بس ندارو عليهم ..... وصلو يمهم ياسمين
بس فاتت صار گلبها يضرب بسرعه ومتجاهله هل احساس...
ياسمين:ياربي كون ما اشوفه گدامي ولا شراح يخلص هل عشا ع خير واني ما اطيق هل انسان...وخلت ايدها ع قلبها (موتتني عاد اهده بس لو اعرف شبيك❤)
جيهان: شبيج دتحجين ويا روحج
ياسمين: هااا ماكو شي شويه دايخه
حنان: شبيكم تلغون 😒
ياسمين جيهان:ولا شي
....
تماره:اسووووووشه ( وحضنتها حيل)
ياسمين: ياحياتي (وحضنتها)
جيهان:خبال عبالك صار شهر وحده مشايفه الخ
ياسمين تماره:كيفنه
زينب (زوجة اخو تماره): دكافي تعالو ساعدوني( حضرتهم يجون عبالك اميرات واني ادگ شغل من الصبح لسه بس شوفو اذا خليت عمار لوحده منكم اختي اولى بيه)
البنات: اوك جينه
بهل اثناء فات عمار ع المطبخ
عمار: مكملتو شدتسون عمامي وابويه گاعدين وانتو تسولفون😠(طبعا مشاف ياسمين جانت منطيته ضهرها)
حنان: ع كيفك عيني استاذ عمار ( طبعا حنان اكبر من عمار وهيه متزوجه بس موجوده يم اهلها)وعمار يحبها ويحترمها
عمار: ههههههه اشاقه بت عمي شبيج مو وياج دا احجي ويه لباقين
ياسمين:اوف يمكن منتبهلي لسه
حنان: فدوه لابن عمي
تماره: لج اسوشه كملتي العصير
ياسمين:.......
عمار:بداخله (ياسمين هنا واني ممنتبهت وحي نغزه بگلبه بس تجاهل
ديلا خلي انرفزها)
عمار:ست ياسمين شلونج شخبار المدرسه جيت اليوم لبيت عمي ومشفتج
ياسمين:فتحت عيونها (شگد حقير اني اعلمك)
ياسمين: ييي جنت طالعه ورجعت ساعه 1تعرف شغلي بالتصميم ف تأخرت
عمار:تنرفز حيل اهاااا لو تنتبهين لدراستج افضل من هل خرابيط
ياسمين:😡هاي مو خرابيط هذا فن وهوايه
وانت شمعرفك بيها مشغول باشياء ثانيه مطيره عقلك
عمار:😠(هنا عمار صار كولش عصبي بس گوه تمالك اعصابه لان عرف شتقصد راح عليه بس انتبه انو الكل موجودين راح ليمها وهمس)بعدين راح احاسبج ع طولة السانج
ياسمين:(خافت حيل)......
تماره: (تعاين عليهم) وبداخلها بدت نار الحب تشعل بينكم هههههـ
حنان:هههههـ ياسمين وعمار شوكت تبطلون عرك انتو ترا حتى هواي فرق عمر بينكم
عمار:ههههـ اكيد بس اختج طفله لسانها طويل احاول اجاريها
ياسمين:........(عاينت عليهم وطلعت)
الكل گعد ع طاولة العشا
حسن(ابو عمار): يلا ياجماعه سمو بسم الله
الكل : بسم الله
بلشو ياكلون ومن طبعهم الكلام ممنوع ع الاكل احترام للنعمه...
بهل اثناء عمار صارت گعدته مقابيل ياسمين
وضل يعاين عليه بس نضرته ساعه تصير غضب وساعه تصير نضره حب بس ميعرف يفسرها..بنفس الوقت بده يحس باحساس الحب بس غروره يطغي ع كولشي
ياسمين نفس الشي بس حيل متجاهله هل شي نهائي....
ياسمين: بداخلها (يربي شبيه بس يعاين عليه خبلني هسه لاحد يحس بيه وبالكوه صارت تاكل)
تماره(بصف ياسمين):دباعي اخويه شلون يعاين عليج بربج اذا هل شي مو حب شنو يسمو
ياسمين: تماره عفيه اسُكتي
تماره:سكتت بس الايام تثبتلج
ابو حنان(ابوها لياسمين): لحمدلله عاشت ايدج ام علي ع الاكل انتي و زينب
ام علي: عافيات ابو حنان
ام حنان: عاشت ايدج ام علي انتي و زنوبه
ام علي: بالعافيه عيوني
زينب: عافيات ع گلبكم
علي: يلا بنات الماعين تصيحكم ههههههه
البنات : ههههههه ييي والله
ابو علي: حنونه نريد جاي من ايدج الحلوه
حنان: تدلل عمو من عيوني
ياسمين: بابا اني راح اروح ع البيت لانو تأخر لوقت وعندي امتحان لازم اقرا
ابو حنان: اوك بابا روحي بس قفلي بيبان لبيت علما نجي
ياسمين: اوك بابا
ابو علي: عمار وصل ياسمين
عمار:.......
ياسمين:....(ياربي لا كولشي ولا هل سالفه)
ابو حنان: يي عمو وصلها
عمار: (فرصه من ذهب اني اعلمج ياسمين
ياسمين:.......
تماره: غمزت لاياسمين
زينب: هنا زينب بدت تموت عبالك عمار زوجها لو حبيبها بس هيه لانو تريده لاختها
......
طلعو عمار وياسمين
ياسمين:......
عمار:.......
.
.
.
.
.
عمار:اسلوبج الزباله وياي شوكت تبطلي تدرين محترمج لان بت عمي اولا ولان بعدج طفله ثانيا
ياسمين:......
عمار: تدرين ماكو بنيه تحجي وياي بهل اسلوب والي تحجي وياي بهيج اسلوب اطين عيشتها
ياسمين:......
عمار: دا احجي وياج جاوبي
ياسمين:....
عمار: (عصب ولزمها من ايدها حيل وسحبها للحديقه)
ياسمين:اخ ايدي عمار عوف ايدي دتأذيني
عمار:من احجي وياج تجاوبين اني مو اخوج لصغير 😠
ياسمين:......
عمار: ضغط ع ايدها اكثر حتى تجاوبه
ياسمين: (عصبت) گتلك اترك ايدي
عمار: صوتج لايعله عليه فاهمه 😠ودفعها ع الحايط
ياسمين: عمار انت واحد حقير واني اكرهك اترك ايدي ولتسوي نفسك ابن عمي المحترم تعرف بنفسك شنو ولو الناس كلها تنطخ الك اني ما انزلك راسي فاهم
عمار:(هنا عمار صار بركان)اني حقير ماشي ياسمين اذا مربيتج ع ايدي (مد ايده راد يضربها)
ياسمين: (بساع غمضت عيونها ونزلت دمعه من عينها)خلت عمار يتحول من بركان لانسان ثاني معرف شيتصرف
بس ضل يعاين عليها
عمار: (مد ايده مسح دمعتها وخله ايده ع وجها)
هنا ياسمين فتحت عينها ولتقت بعين عمار وشافت شي اول مره تشوفها بعمار نضرته الها
عمار:(تقرب من ياسمين راد يقبلها(هههههـ يببب حجيتها فصحى احلى من يبوسها كلمه بيئه كملو معليكم 😂🙊🙈)💏
ياسمين: غمضت عيونها
.وجان.........

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
سمعو صوت بالحديقه بساع بتعد عنها عمار ورجع لغروره
وهيه بعدها مصدومه من هل شي الي جان ح يصير ...
عمار(بغرور): امشي اوصلج
ياسمين:......
عمار(ابتسم بداخله لك انت شگد غبي هم زين تمالكت نفسك ومسويت شي)
وصلت ياسمين
عمار: يلا قفلي لبيبان گدامي عليج مدام واگف كولشي يصير
ياسمين:.......
عمار:(عاين بغرور)
ياسمين فاتت وقفلت لباب وراها ونتجت ع لباب وخلت ايدها ع گلبها
ياسمين: ياربي ليش هيج ديصير وياي شنو هل احساس وليش ضليت متجمده من حاول يبوسني وليش مسيطرت ع نفسي من صاح بيه وبجيت ليش هيج ديصير وياي و.و.و.و بقت تفكر لحد ماصحت ع نفسها كافي ياسمين شيلي هل شي من راسج امشي اقري وفاتت لغرفتها اخذت دوش ولبست بجامعه مريحه وكيمونه وحاولت گد متگدر تگعد تقرا
نرجع لعمار...
الوقت كله عمار وگف بحديقة بيت عمه يفكر بياسمين ويحجي ويه نفسه لك غبي اصحه ع نفسك انت ليش تسوي هيج وياها زين شنو هل احساس الي يصير من اشوفها ليش ميصير ويه وحده ثانيه لبنات الي عرفتهم اشكال ليش ياسمين بس يتخربط كياني يمه ليش حاولت ابوسها وليش وليش....
انسى هل سالف ياسمين بعدها طفله و مو بعمرك وثاني شي بت عمك يعني اكبر غلط تسوي شي غلط وياها...لا مو غلط خلي اربيها واستفزها شويه مابيها شي هذا كلام بين گلب عمار وعقله
او بين عمار الي بده يحب ياسمين وعمار المغرور الي غروره يخلي يجيب اي بنيه جوه رجله
....
نروح ع العائلتين ساعه 11ونص
ابو حنان: يلا يا جماعه تأخر الوقت نروح احنا
ابو علي: خويه بعد وكت قابل بيتكم بعيد انتو بصفنه
ابو حنان: لا خويه تعبان وباجر وراي روحه للمعرض لانو اكو سيارت جديده دتجيني (ابو ياسمين عنده معارض سيارات ف بابل و بغداد)
ام علي : دبقو شويه
ام حنان: لا تأخرنه حيل وياسمين وحدها بالبيت
لبنات: يلا تصبحون ع خير عمو
ابو علي: وانتو بالف خير حبايبي
....
وطلعو
......
لهنا خلص هل بارت❤
لبارت الجاي ح يكون نقله بهل روايه
وح يكون تسريع بالاحداث ح يكون تكمله
وبنفس الوقت بعد مرور مده من الزمن
يعني بيه احداث مشوقه
انتضروني
احبكم ❤💋
kiaan_altiaa#