بـيــــن خـفايـا قلـــبيـن

انكسار

لا لا تذهبي انتضري انتضري..!
انت من لا تنتضر اذهب..
يا من كنت فـي حياتـي اسمى رجل
ارجوك اذهب...تعبت ان انتشلك
من كـل من حولكـ و انت فـي كل
مره تكونـ مبهم...فقط ماتعرفه
على جراحي ترقص
اذهب.. ايا رجلاً كنت صعباً
و لان اصبحت اصعبـ
ايا ذكراً الوفىء ليـس من شيمتك كنت اعرف
لكـن ما حيلة ذاكـ القلب
الذي فـي هواكـ متعبـ
اذهـب اذهـب...و بعد اليـوم انا
من ستذهـب...
#kiaan_altiaa
..........
بعد زواج تماره وسفرها شهر العسل عدت الايام ع الكل
عمار:
رجع ع شغله وصار ميلقتي بياسمين مثل قبل هل شي خله يتناسه وجودها
ياسمين:
بلش دوامها ولتهت بالامتحانات والمراجعه
تماره:
رجعت من السفر وستقرت بحياتها ونقلت غير مدرسه وصارت بالصدفه تلتقي بياسمين
حوراء:
دتخخط هيه و زينب شلون يوگعون عمار ويخلو يخطبها
......
طول هل فتره لقائي بعمار قليل حيل يمكن 3او 4 مرات شفته فقط كل شخص بينه عنده امور شاغلته وخصوصي بعد زواج تماره صرت ما اروح ع بيت عمي مثل قبل ولتهيت بدوامي و امتحاناتي وهذا اليوم هو اخر يوم الي بأمتحاناتي النهائيه حسيته حمل ونزاح ع صدري طبعا ما اگول جنت جيده بأمتحاناتي بس مجان طموحي انو اطلع معدل عالي لانو فكرت ادخل لغات بعد مطورت شويه اشياء بيني وبين عمار تراجعت شويه ع فكرة سفري وتقريبا شلتها من بالي لانو اعرف شنو نضرته لهل امور
اتصلت ع تماره بعد مرجعت ع البيت
ياسمين: الوو شلونه الحلوه بشريني
تماره: تمام حياتي مشتاقتلج كومه بشري شلونج بالامتحان اليوم واخيراً خلصنه واخيراً
ياسمين: ييي اوف هم وانزاح بقى تفكيري بالنتيجه شلون اوف
تماره: اگولج اسوش اليوم اجي ع اهلي وخابرني عمار اليوم جاي
ياسمين:(فرحت حيل) يي اوك اجيج
.....
غيرت ملابسي تغديت ونمت صحيت ع صوت جيهان تعيط
جيهان: لج اسوووووووش اسووووش
ياسمين: (فزيت) وجع وجع شكو شبيج تخبلتي
جيهان: ههههههه باع شلون مخترعه ماكو شي بس ديأذن المغرب گعدي
ياسمين: شگد حقيره وليييي طلعيييي
جيهان: ههههههههه طالعه طالعه
سمعت جد ديأذن كعدت تجددت وصليت بعدها نزلت سويت العشا وخليته دنتعشا
.....
بابا: اسوش شوكت تنزل نتائجكم
ياسمين: باباتي بهل اسبوع ان شاء الله
بابا: بعدها فكرة السفر براسج
ياسمين: مو كولش هههههـ
بابا: معقوله
ياسمين: يعني يمكن اغير
ماما: يا صلوات هسه صارت بنتي عاقله وتفتهم
ياسمين: هههههههـ ماما لتفرحين مو اكيد
ماما: اوف منج
.....
نروح لمكان ثاني محاوره بين زينب وحوراء
زينب:
اليوم تجي تماره وعمار هنا عرفت اكيد ياسمين تجي ف صار وقت انو انفذ الخطه واخلي عمار يصير لاختي وبس واتصلت ع حوراء
زينب : الووو
حوراء: هله هله بام الخطط اختي صار وقت التنفيذ مو
زينب: ييي صار گومي بساع بدلي وتعالي وكولشي راح يتنفذ
حوراء: ماشي ماشي
زينب: باي
حوراء: باي
.......
تماره:
وصلت ع بيت اهلي گعدنه اني وعمار سولفنه شويه وجان تجي البومه حوراء وكالعاده لبسها تعبان ومكياج وخابصه نفسها
شافها عمار وگال راح اطلع برا بالحديقه
واني بقيت انتضر ياسمين اتصلت بيها حتى تجي
....
ياسمين :
اتصلت بيه توته غيرت ملابسي ودا اروح ع بيت عمي جانت فرحتي اكثر انو اشوف عمار
لانو طول هاي الفتره لقائي بيه حيل قليل كم مره بس ودقايق ف جنت حيل فرحانه دامشي وفجئه......
.
.
.
.
.
.
.
.
.
نصدمت من الي شفته واني مو مصدگه عيوني مو مصدگه الي دا اشوفه گدامي مو مصدگه نفسي حسيت روحي نسحبت مني حسيت بالاشمأزاز والكره كرهت حتى نفسي وكرهت حتى بيت عمي.....
دا امشي وشفت عمار ديبوس بحوراء وبالحديقه وگدام عيني ماعرفت شسوي ماحسيت ع نفسي غير واني بغرفتي واكسر كولشي داير مدايري كولشي ومنهاره اخواتي يدگون بالباب وما افتح لحمدلله انو بابا وماما طالعين بهل وقت گعدت اندب حضي اندب حبي ابجي ع الي عشته وعيشنيا كله جذب جان يلعب بعقلي وبأعصابي ومستصغرني بس وحاسبني حساب اي وحده يتساله بيها ويستفزها....
....
زينب: باعي وركزي بكولشي اگوله ياسمين راح تجي وعمار بالحديقه روحي هذي فرصتج وانتي وشطارتج
حوراء: يعني شسوي
زينب: ما اعتقد اني اعلمج شتسوين انتي بهل سوالف خبره تجيبيني وتجيبين غيري
حوراء: ههههههـ اوك
.....
عمار:
بعد ما اجت حوراء وشفت وضع حوراء ولبسها طلعت ع الحديقه وجنت افكر بياسمين وشگد مشتاقلها وقررت انو خلص لازم اصارحها بحبي وهيه بنت عمي وخصوصي بعد مشفت الحب بعيونها انتيهت ع حوراء واگفه گدامي
حوراء: امممم بشنو دتفكر
عمار: بشي يخصني وراح اسوي قريبا
حوراء: اگدر اعرفه اممم
عمار: يي عادي قررت اخطب
حوراء: شنووو
عمار: يي
حوراء: منو
عمار: بوقتها تعرفين
حوراء: عمار تدري اني احبك احبك
عمار: شدتحجين انتي بس اني لايمكن احبج وگلبي مو الج
حوراء: هذا الشي هسه نشوفه
ماحسيت غير حوراء دتبوسني حاولت انو ابتعد عنها بس ماعرف نجذبت وياها بعدين من حسيت ع نفسي دفعتها
عمار: انتي شمتخيله نفسج تسوين حقيررره
حوراء: ماسويت شي اني احبك احبك
عمار: لو تبقين اخر وحده ما افكر اقربلج
حوراء: راح نشوف
......
تماره:
بعد متأخرت ياسمين ضل بالي مو من عوايدها رحت ع بيت عمي سمعت عياط فتت اركض
تماره: جيهان هاي شكو
جيهان: لج تماره ياسمين ماعرف شبيها ماعرف
تماره: شبيها فهميني
جيهان: بغرفتها ودتكسر كولشي وتبجي
تمار:(ركضت لغرفتها) ياسمين شبيج جاوبيني فتحي لباب
ياسمين: ......
تماره: ياسمين فتحي لباب ترا اصيح لعمار يكسرها فهميني شبيج
ياسمين:(من سمعت اسمه نهاريت اكثر) روحييي تماره روحي عيفوني وحدي الله يخليكم ما اريد احجي ويه احد روحو مابيه شي تعبانه شويه وراح انام
تماره: ماشي رايحين بس لتعيطين
جيهان: شلون نعوفها لتسوي بنفسها شي
تماره: لتخافين عليها ياسمين واعيه بس اهم شي ديري بالج تحجين لعمو لو لعمتي ويضل بالهم هيه للصبح تهده يجوز ضغط امتحانات وتعبانه اهم شي لتحجين
جيهان: لالا اكيد ما احجي لاحد
تماره: اني راح اروح احمد ديتصل بيه ديري بالج عليها واني الصبح اتصل اشوفها
جيهان: ماشي حبيبتي
......
ياسمين:
بقيت ابجي لحد مصحيت ع نفسي وگلت خلص ح كون ياسمين ثانيه ح تغير خلص ماكو شي اسمه عمار وحب بعد اليوم ومن باجر اخلي بابا يحجزلي للسفر حتى نتيجتي ما انتضرها و ح بلش حياة جديده ع الي عشته بس يا عمار راح اخليك تتندم وتتحسر ع كولشي وبقيت افكر لحد ما نمت
......
صحيت ساعه 12الضهر وراسي احس بيه دينفجر انتبهت ع الفوضه الي مسويتها بالغرفه شلت كولشي كسرته ورتبت الغرفه قبل متحس ماما وعاينت ع نفسي بالمرايه وشفت شصاير بحالي فتت اخذت دوش و حطيت قليل ميك اب حتى اغير ملامح وجهي الباهته والتعبانه من العياط والبجي وحتى صوتي تعب....نزلت جوه لگيت اهلي ديتغدون گعدت اكلت حتى ليحسون ع شي
ياسمين: بابا
بابا: ها حبيبتي
ياسمين: بابا اني قررت اسافر وتعرف جايني عرض من دار ازياء بتركيا
بابا: بس مو گلتي تراجعت
ياسمين: لا بابا لبارحه حاجوني ع النت وما اريد اضيع الفرصه الله يخليك
بابا: يي بنتي انتضري نتيجتج
ياسمين: لا بابا ماعندي وقت
بابا: اوك حبيبتي مراح اوگف ضد احلامج
ماما: بنتي الله يخليج تراجعي
ياسمين: ماما حبيتي لتخافين عليه بعدين خالد ابن خالتي هناك يعني لتخافين عليه
ماما: ماعرف شگولج الي براسج تسوي
بابا: راح احجزلج اليوم واتصل ع خالد واخلي يشوفلج شقه قريبه عليهم لان مستحيل تگعدين وياهم هو زوجته واطفاله ف صعبه عليج
ياسمين: يي بابا اني هم هيج اشوف
بابا: ماشي
......
عمار:
طلعت داروح للنادي وشفت عمي ديطلع
عمار: شلونك عمي
عمي:هله عمار شلونك ابني
عمار: تمام عمي لحمدلله خوماكو شي وين طالع هسه
عمي: ماكو والله بس ياسمين لحت عليه احجزلها تذكرة سفر ملزمه تكمل دراسه بالخارج وحتى متقبل تنتضر النتائج
عمار:(الي حجاه عمي جان مثل الصدمه ع راسي ماعرفت شسوي احس احد ضربني ع راسي متحملت بساع عفت عمي ورحت ع بيت عمي بدون اي نقاش صعدت لغرفه ياسمين شافتني عمتي
عمار: عمه ياسمين وين
عمتي: فوگ بغرفتها ابني خير
عمار: ماكو شي عمه لازم احجي وياها
دگيت بابا الغرفه فتحتلي لزمتها من ايدها ودفعتها ورا الباب وسديت الباب
عمار: شنو هذا السمعته انتي شدتسوين هاااا شدتسوين
ياسمين:........
عمار: ياسمين جاااااوبي دا احجي وياج جاااوبي
ياسمين: ..............
عمار: لج لتخبليني ماكو سفر لو تموتين متسافرين فاهمه مستحيل اخليج تسافرين تخبلتي انتي
ياسمين:(دفعته حيل وصحت بوجه)ليش ما اسافر يعني ليش فهمني وانت منو اصلا وتدخل بحياتي انت لا شيء ولا تهمني ولا يهمني كلامك ولو تبقى اخر واحد ما اسمع كلمتك
عمار:(سحبتها من ايدها)كلامي مينكسر فاهمه سفر ماكو لو تموتين متسافرين
ياسمين: بعد عني وهذي اخر مره تقربني منك هيج اقرف منك وما اريد اشوفك وسفر مسافره وطيارتي باجر وتفضل اطلع برا
عمار: ياسمين ح تندمين ع هذا قرارج تندمين و ح دمرين حياتي وحياتج
ياسمين: ههههـ وانت منو اصلا ودمر حياتي انت لا شيء
عمار: ماشي ست ياسمين سوي الي يعجبج
......
عمار:
بعد الي حجته والي سمعته منها صدمني معرفت شنو غيرها هيج وهل قوه الي بعينها قررت مستحيل ارضخ لوحده و مو اني الي اتوسل ورجعت لغروري وكبريائي وقررت بهل لحظه قرار اعرف راح اندم عليه بس راح اسوي....
.....
ياسمين:
لاول مره صرت قويه ومخليت گلبي يسيطر عليه وصرت انسانه ثانيه بس للحظه من قربني منه ضعفت ضعفت حيل ضعفت بس تمالكت نفسي وقررت ابعد ع كولشي
......
..
..
..
..
عمار:يمه يييييمه وينج
امي: هاااا يمه شبيك ليش تصيح
عمار:(وشرار يطلع من عيوني)زينب وين
امي :بغرفتها
عمار:زيييييينب
زينب:(سمعت عمار يعيط خفت بس نزلت بساع بسلا حوراء سوت مصيبه)هااا عمار
عمار: اتصلي ع اهلج اليوم بالليل نروح عليهم اخطب حوراء وانتي يمه حضري نفسج
امي:شبيك يمه شدتحجي شنو تخطب شبسرعه
عمار:قررت وخلص
زينب:ييي گلوووووويش ماشي ماشي هسه اخابر امي يحضرون نفسهم
عمار:........
امي: ابني شبيك شهل قرار مگدرت احجي گدام مرت اخوك ملگيت غير حوراء بت عمك ياسمين شعايزها اي وحده ثانيه اختار
عمار: يمه خلص ماااااريد نقاش بالموضوع قررت وخلص
امي: براحتك بس راح تندم ع قرارك بعدين
عمار:......
........
زينب:
بعد الي سمعته من عمار فرحت ونصدمت صخ عمار جان معصب بس مهتميت لهل شي واخيرا الي ردته صار وعمار ح يصير لاختي
زينب: الوووو لج يلا نطيني لبشاره
حوراء: شكوو يمه بشارة ايش
زينب: ههههههـ يا غبيه اليوم بالليل احنه يمكم ههههه دنخطبج لحمايه عيني
حوراء: شنووو لالا بربج گولي والله
زينب: والله يلا ولي حضري نفسج
حوراء: لج شسوي شحضر شلبس اوف يلا يلا باي دروح للمول
زينب: هههههـ مخبله صرتي اله بدون نقاش لو تلبسين دشداشه عادي
.....
حوراء:
بعد مخابرتني حوراء فرحت واخيراً الي ردته تحقق وراح اخلص من هاي الحياة والعيشه وراح يصير عمار ملكي رغم كولشي ههههـ وغصباً ع هاي الحقيره بت عمه الي ابالي اسوي ومحد يوگف بطريقي ابد
هففف يلا كافي تفكير شلحگ اسوي
.......
بابا: ياااااسمين وينج بابا تعالي
ياسمين:هاا بابا (سمعت بابا صاحني نزلت بساع)
بابا: بنتي طيارتج اليوم ساعه و اكو رحله بعد يومين حجزتلج ع اليوم بس اذا تردين نكنسل وخلي بعد يومين
ياسمين: لالا بابا الله يخليك منكنسل نفسيتي تعبانه ومحتاجه اسفر بأقرب وقت
بابا: هههههـ يعيون ابوج تلحكين اليوم والله اني مامقتنع بس ما اگدر اوگف بوجه احلامج وعودتكم تعتمدون ع نفسكم وتحققون احلامكم بأيدكم وما اگدر اوگف بوجه احلامج
ياسمين:(حضنت بابا وبجيت ماعرف شلون افارگهم بس لازم ابتعد افضل الي لازم ابتعد واحقق احلامي وكون وحده ثانيه)حبيبي بابا اني مراح اكون بعيده ترا هذي تركيا بصفنه ههههههـ بعدين كلما تشتاقلي يا حبيبي بس سويلي مسكول مو اتصال واجيلكم احم احم ح كون احوال هناك واشتهر
جيهان : شنو شنو هل خيانه واني وين مكاني
ماما: لعد بقت عليه تعال حسوني خلي احنه هم نشارك ونحضنهم
بابا: هههههـ كافي راح تبجوني يلا ياسمين مابقالج وقت طيارتج ساعه 9
ياسمين: اوك اوك رايحه احضر جنطتي
....
بعد مرور 5ساعات
ياسمين:
كملت تحضير ملابس وجنطتي وعاينت ع الساعه ساعه 8غيرت ملابسي وصار وقت نطلع اني وبابا نزلت جوه ودعت ماما واخواتي وبجينه ماما بقت تبجي  اخواتي هم بس دست ع نفسي للحظه ردت اتراجع بس ماكو تراجع بعد
ماما: حبيبتي دري بالج ع نفسج واكلي زين وشنو تحتاجين اتصلي لتثقين بأحد ولتصادقين كل الي تجي ومن تفوتين شقتج قفلي لباب ع نفسج
ياسمين:ماشي حبيتي(هذا گلب امي لومهما يصير تبقى خايفه علينه وتحسرنه مثل ضلها حضنت وبجيت)#kiaan_altiaa
بابا: يلا كافي تأخرنه وعد مني شوكت متشتاقولها لو احجزلها تجي لو اخذكم يمها
لبنات: ييييي بابا لالا حجزلنه نروح يمها هههههه
بابا وماما: هههههه مو نعرف سوالفكم
ياسمين: هههه احبكم
طلعنه اني وبابا وبالباب التقيت بعمار اخر شخص جنت رايده التقي بيه بهذا الوقت عاين عليه اجت عيني بعينه بساع درت وجهي
عمار: شلونك عمي
بابا: هله ابني شلونك
طلعو عمتي وزينب باوعت زينب عليه
زينب: هاي شنو وين اسوشه
ياسمين: دا سافر لتركيا اجاني عرض من دار ازياء ودا اكمل لغات هناك
عمتي: شنو شو مگلتي اسوشه ترحين بدون متودعينه ولا تودعين توته
ياسمين: مضطره عمتي سفرتي صارت مفاجئه وما احب الوداع وهيج وتوته تعذرني ادري بيها وانتي هم
عمتي: تعالي خلي ابوسج واحضنج راح اشتاقلج يعيون عمتج
ياسمين: هههههه حبيبتي واني راح اشتاقلكم
زينب:شنو اسوش متحضرين خطوبه عمار ولا زواجه رايحين هسه دنخطبله حورراء(وركزت ع كلمه حوراء)
ياسمين:(الي حجته صار صدمه الي حسيت سجين غرست بگلبي بس بنفس الوقت قواني هل شي باوعت ع عمار باستحقار) لا يعذرني ابن عمي ما اگدر بس شايف كل الخير مقدما
عمار:(لمن گلتلها زينب تمنيت اذبح زينب بگد مردت تعرف وهل شي صار عناد بيها بس بنفس الوقت ماردت تعرف ما ادري ليش وجانت الصدمه بوجها قويت نفسي وعاينت عليها) ههههـ يبارك بيج بنت العم بس شنو م ح تحضرين خطوبة وزاج وابن عمج
ياسمين: لا اعذرني ما ح حضر بس من تتزوج ادزلي بطاقه دعوه واجي من عيوني وارگص بعرسك هم انت مثل اااااخويه
عمار:(من گالت كلمة اخويه گوه تمالكت اعصابي ردت اضربها كف واگولها احبج واني مو اخوج ابن عمج بس لا مو عمار الي يرضخ ابد)ههههـ اوك
ياسمين:يلا بابا ح نتأخر
بابا: مبروك عمو شايف كل الخير ولو اخر من يعلم بس انت الغالي
عمار: الله يبارك بيك عمو صارت فجئه بعد
...
..
...
...
...
..
..
لهنا خلص هل بارت
واسفه ع التأخير بس لانو نت مجان عندي وجنت مشغوله شويه الروايه قاربت ع نهايتها طبعا
وردت اشوقكم اكثر ههههـ
انتضروني بالبارت الجاي
بالنسبه للاغنيه اسمعوها تجنن❤💔
Mustafa cecile امرها
#kiaan_altiaa