♥Sweetums♥

انواع البنات

ده موضوع طلبته ياري
و هكتبه زي مانتوا عارفين بطريقتي الكوميدية
صلو علي النبي قبل ما نبدا

تعريف البنات: هما كائنات كيوت و طيبة و حنينة و كويسة و منكرش ان كل بنت فيها عيوب و في انواع

النوع الاول: البنت العاقلة و دي دايما بيبقي عقلها اكبر من سنها و جسمها يعني تبقي مثلا في اولي ابتدائي و تقعد تتكلم عن الحب والجواز و ساعات كلامها بيوديها في مشاكل و يبقي اهلها عايزين يتبروا منها او يعملولها غسيل مخ

النوع التاني: الاوفر في الخجل و دي انا احترت في امرها الصراحة الي تيجي تقوللها انتي شكلك حلو النهاردة تلاقيها بتتحول و ايديها سخنت و وشها احمر ووجسمها بيترعش ايه يا وليه و هي في الحقيقة بتبقي سواقة توكتوك في بيتها معرفش ايه ده الصراحة الا بقي لما حد يحرجها تقلب علي الوش التاني و هو سواقة توكتوك و تلقيها بتشهق و بتردح هي مش دي الي كانت خجولة من شوية تحس ان عندها انفصام في الشخصية بتبقي فظيعة و تحليل شخصيتها اصعب منها الصراحة

النوع التالت: البنت الدحيحة و دي كويسة و بتذاكر و عسل بس كل حاجة بالعقل يا جماعة مش معقوله كده و دي بتنحر في نفسها طول السنة ووفي الاجازة تستلف كتب الي اكبر منها ووعدوا المرحلة الي هي داخلها و تقعد تذاكر الله يخربيتك ارحمي نفسك يا وليه و لدرجة انك تيجي تقوللها تعالي اخرجي معايا تقولك انا بذاكر في الاجازة ل مفترية و علي فكرة انا مش ببالغ انا بحكي الي شوفته انا في واحدة اعرفها كده لدرجة ان اهلها زهقوا منها بسبب كده

النوع الرابع: الفتانة و دي بتبقي صعبة و مبيدبلش في بوقها فولة زي مابيقولوا  مبتعرفيش تقوللها حاجة سر و لو قولتلها و تحلفك و كله تمام تصحي الصبح تلاقي جمهورية مصر العربية كلها عرفت يالهوي ياما و الله اعصابي تعبت اقسم بالله و تيجي تعملي معاها نفس الحركة دي تردحلك و تلم عليكي الشعب و انتي بتضربي  طب مش انتي بتعملي كده ولا انا بتهيئلي خلاص المعاملة بالمثل يالهووي انا بكره النوع ده

النوع الخامس:البنت المنحرفة و دي مش سايبة ولد غير و هي مصحباه و بتبقي سافلة اوي و دايما هي صاحبتها الي زيها و الولاد يتجمعوا كل اسبوع في مكان و يقعدوا مع بعض و سهوكة بقي و مياصة و اهلها بيبقوا عارفين و موافقين و عادشي دي اكيد امها صايعة زيها و تلاقي البنت دي بتنشر صورها بالهوت شورت و الفساتين القصيرة و التيشرت الي عريانة و التوب مش عارفة ايه ده يعني و تيجي تسأليها تقولك لوزوم الاغراء الله يحرقك و ابوها و امها موافقين و عارفين و دايما تبقي غنية و فاحشة مال انتي فعلا يطلق عليكي لفظ امك و ابوكي معرفوش يربوكي عشان هما مش متربين

النوع السادس: الفشارة و دي الي بتألف كلام و حكاوي يعني ممكن تيجي تقولك انا خرجت مع عمر ممدوح امبارح و اتفسحنا (لموئخذة يا رنا) و هي اصلا بتبقي قاعدة في البيت بتغسل الشرابات الي ريحتها معفنة حاجة زفت يعني و دايما في كلا الحالات في المدرسة تقولك المدرس غايب و هي متعرفش حاجة اصلا و نقعد نهيص و نفرح و نلاقيه دخل علينا ببقي نفسي ارتكب جريمة في البت دي بتبقي فظيعة

و النوع السادس: المثقفة و دي انا بحبها  دي باينة من اسمها  بتقرا كتب و بتقضي فسحتها في المكتبة و دايما بتبقي لما يسال مدرس الدرسات عن حاجة بتبقي عارفة و معرفتش فيها عيوب صراحة بس بتبقي معرضة للاضطهاد من زمايلها في الفصل و يطلق عليها اسم الفيلسوفة و ده بيخليني ازعل اوي عليها انا من مؤيدين البنات المثقفة جدا و بيبقوا ناجحين في اكتر مادتين علوم و درسات علي حسب مجالها الثقافي

ايه رايكوا
في انواع تانية بس دول اهم الانواع
تفتكروا انا اني نوع
مستنياكوا في الكومنتات و احب اسمع رايكوا
Harry Styles- war is love❤❤❤🎧🎧