بعد دقايق محدوده خرج احمد من الفندق لابس برموده جينس ازرق غامق مع تيشرت اصفر عليه كتابات من ورى بالحمر والاسود..لابس نظارات شمسيه وتقدم منهم
احمد:متى يتنهي الامتحان
رفع مازن يده يشوف الساعه والثانيه حاضنه الجازي الي رفعت راسها اول ماسمعت صوت احمد ونزلته بعد ماحست انه يطالعها
مازن:بعد ساعتين تقريبا
احمد يكلم الجازي بصوته الحنون:اخبارك نونو
الله نونو اشتقت لهل الاسم نونو
الجازي تحضن مازن:زينه
مازن واحمد حسوها ياهل
مازن يحاول يبعدها عنه:الجازي فكي وراي امتحان والله تاخرت
الجازي:خذني معاك الامتحان
مازن بدى يعصب:احمد تعال اسحبها مني...لا اقوم اصطرها بكف
اقترب احمد ومسك الجازي من يدها وبدت تصرخ:مابي مابي..مازن ابغى اروح معاك
مازن :افهمي يابابا انا عندي امتحان تفهمي وش امتحان...وبعدين احمد معاك
الجازي تحاول تفك احمد :ارجوك لاتتركني
احمد يكلمها:افا يالجازي الحين ماتبيني ..
الجازي تصارخ فيه:ايه مابيك ماحبك ...اكرهك
استحمل احمد تجريحها وحملها وقال ف اذنها:قسما ان سمعت صوتك داخل والله لاتشوفي لا اهلك ولا مازن بنفسه...فا اسكتي احسن لك...ولا تفشليني هنا ناس مهمه اعرفها
الجازي تطالع مازن ودموعها تنزل:مـــ ـــ ـــ ــــ ــــازن
اقترب مازن منها ومسح دموعها وقال:جوجو حبيبتي احمد معاك وماراح ياذيك...انا ماراح اتاخر كلها ساعتين واجيك اوكي...لاتخلي عذاب هل الشهرين يروح سدا << وش يقصــد
الجازي تطالع فيه وساكته مب راضيه تتقبل كلامه
مازن يكلم احمد:انتبه لا يغمى عليها رفضت تفطر
احمد نزل الجازي علشان تمشي:اوكي
باس مازن خدودها وراح
احمد يمسك يدها بحنان ورقه وقال:يالله قلبي نطلع لريناد
الجازي بخوف:اوكي
دخلوا الفندق ومشوا لاصنصير ...ولمن دخل احمد والجازي...3 من الحراس الشخصين حضنت الجازي يد احمد
احمد مستغرب منها:نونو وش فيك
الجازي وراسها بحضن احمد:هذول يخوفوني
ابتسم احمد وحضنها لصدره:لاتخافي والله انهم عسل
واحد من الحراس:الله يهداك ياشيخ وش عسل
احمد :ههههههههههههههههههه...وش اسوي علشان متخاف منكم
الحارس:عاد عسل...
احمد وعيونه تدمع من الضحك والفرح ان الجازي بحضنه:اسف طال عمرك ...ها رضيت
الحارس:افا عليك ليش ما ارضى
((كلكم اكيد استغربتم من تطيح الميانه مابين احمد وحراسه...وكل هذا صار بعد دخلت الجازي المستشفى قرر يبدى علاقه معهم علاقه اخويه كلاها ضحك وغشمره ..بس عند الناس المهم ماتسمع لهم صوت))
انفتح الاصنصير وخرجوا منه...وقفت الجازي مكانها ورفضت تتحرك...واحمد يحاول فيها تمشي
احمد بقلق:الجازي تعالي
الجازي وعيونها اغرورقن من الدموع:وين مازن ابي مازن
اقترب احمد منها ومسكها من اكتافها :نونو حبيبي ...ليه تبين مازن وانا موجود
الجازي تطالع الحراس بخوف:وديني لمازن
تنهد احمد بضيق ومسك يدها :مازن الحين جاي بس خلينا ندخل داخل وانا راح اتصل فيه
الجازي ابتسمت بفرح:اوعدني راح تتصل
ابتسم احمد ومسح ع شعرها:وعد امشي خلينا ندخل
مسكت يده ودخلوا الجناح ...مشت الجازي تتامل الجناح ...وسمعت صوت من وراها
ريناد بفرحه:جوجو
لفت الجازي لريناد الي احضنتها بقوة:وحشتيني يادبه
الجازي بضيق تحاول تفلت يد ريناد:فكي اختنقت
بعدت ريناد عنها وحاولت تكتم ضيقتها وعبرتها :اخبارك حبيبتي
الجازي تطالعها بخوف...ولفت لاحمد الي يطالعها مع براء:وين مازن
مسكت ريناد يد الجازي:حبيبتي مااشتقتي لنا
فكتها الجازي ورجعت لورى:ابعدي عني...((لفت لاحمد))اتصل ع مازن انت وعدتني
اقترب احمد منها :اجلسي الحين اتصل فيه
جلست الجازي وتطالع في الجناح بخوف تخاف احد يخرج لها
احمد بصوت هامس لبراء:حاول تاخذ زوجتك من هنا
براء بنفس الصوت لاحمد:انت ماتدري كيف تحسب الوقت لتشوفها..اسف ماراح ابعدها...لو تموت زوجتك النحسه الي ماتحس بزوجتي
احمد دفه بقوة وكان شويه ويطيح:راح تطلعها ولا اخرجك بطريقتي الخاصه
براء يعدل وقفته وملابسه:احم ...لا اصلا انا من اول مقرر اطلع بس قلت اعمل لك مقلب..وانت الله يهداك صدقت
احمد يضربه ع راسه:ايه ايه صدقتك...اخلص
براء:احمد بس عاد ...والله بحركاتك هذه اطيح من عين زوجتي
احمد بعصبيه:والحين راح تطلع ولا كيف
براء يمشي لريناد:هذا انا طالع...رنو حياتي يالله نطلع
ريناد تطالع الجازي:متغيره...هذه مب الجازي
براء يحضنها:اعذريها حياتي ...خلينا نتركها شويه
ريناد:مابي ...ماراح اتحرك
براء:يا ريناد يا حياتي ...مايصير كذا....ان جلستي معها توقعي راح ترجع الجازي اوليه...ترها متعقده من العيشه الي اهيا فيها...اصبري عليها وصدقيني راح ترجع مثل قبل
ريناد ودموعها شويه وتنزل:ما يطاوعني قلبي اتركها
براء تجنن عليها:يالبيه الحنون انا
احمد معصب:احم احم....اقول ليه ماتفارق انت وحرمتك
براء:خلينا نروح لا ننذبح ونصير سندويش شاورما
احمد يطالعه بنضره:دمك يا اخي ....اطلع
طلعوا من الجناح ...واقترب احمد من الجازي
احمد جالس ع ركبه:نونو ...وش رايك نروح للحديقه قريبه من هنا
الجازي:ومازن
احمد:مازن ماراح يتأخر ...ساعتين ويجي...
الجازي تهز راسها بلا:لا مابي اخاف من الرجال بالخارج
احمد يحضن يدها:تخافين وانتي معي
حست الجازي قلبها يذوب من احمد....اشتاقت له ولحنانه ...رفعت يدها ومسحت ع خده
غمض احمد اعيونه ومسك ع يدها وقال:نونو احبك
الجازي ودموعها:كذاب ماتحبني...اذا تحبني تتزوج سوزان
احمد يطالع اعيونها :والله والله تزوجت سوزان لأعرف مكانك...والله...انا احبك
الجازي :وينها الحين فيه
احمد يمسح دموعها ونزل راسه ع رجولها:طلقتها وزوجتها جابر
الجازي مصدومه:جابر
أنت تقرأ
تدري بأني أموت فيك وبقربك أصبح شخص غير
Lãng mạnمذكرات الطبيب ومريضته ((قصه حب رائعه)) الكاتبه : منيه حنيني . طارق بصوت واطي مايسمعه الا احمدتريد تعرف ليش...انا اقولك...لان الجازي تعرضت لاغتصاب...ومن مين من دكتورها الي كانت تتعالج معاه بمنطقتها...ولمن علموا عليه الشرطه ..سجنوا وراح يحاكم قريب...و...
