-hiba hedhi wala hedhika aneheya 5ir !
- el rouge wel noir a7la
-wel sabat ?!
-lak7al !! haya ines eli y9oul mechin el 3ers !!
-bhy bhy ay hani 7dhart ..bech yjiwna louled ?
-ey w tal9ahom woslou 3and'hom se3a !!!
Habtou w yal9awhom yestanew fihom
-dalii twa7achtek 3al le5eeeeeer (toul 3an9etou w walet tebki ki chefetou)
-yezi sa8rounti men 7ebekch tebki hani rja3tlek (ymas7elha 3ala rasha )
-3amin machoftekch w t7ebni manibkich !
-louled dhaharli walina transparant (ilyes)
-7atena 9olt haka el tofla 3met w m3ach tchouf tfol 8irou(mahdi)
Dali hedha 3chiri w intimy w kol chy w tellement 3ale9etna 9weya .barcha 3bed ya5sebouna n7ebou b3adhna
-yeziw mel bleda w haya nemchiw na3mlou 9a3detna mta3 l3ada
-tfadhel lela (7alelha beb el karahba)
Mchew el resto fel lac ytol 3al leb7ar
-chne5dhelkom lyouma la7seb 3leya(dali)
-ay beh mate7echmouch brabi 5tr ena bech ne5ou el chehyetou el kol (hiba)
-mela be7yet ras dali eli y9olek 😂
-anous rou7y tcharet mafiha bes kn n5ales 3likim ..(3ayet lel garçon)
-louled chte5dhou ?
-9ahwa (ilyes w mahdi)
-ena n7eb pizza w jus
-wena zeda (hiba)
- bhy wena 9ahwa w chicha m3alem
-7adher
Hay ani mechya el salle de bain nged makyaji w nerja3
-bhy
Ki heya mechya tsadmet fi rajel met3edi w ta7ou ..sakha tfaret w howa stochou zeda
-ah roubti mchet !! Metchoufech brabi !
-le nchouf ama 3bed kifek le jabrabi 8neya w mot'tha9fa
-chto9sod !!
-no9sod eli l8alta menek w mafiha bes kn totlob sme7
-9bal manotlob esme7 w kn fik chwaya rjouleya 7al ki to7t tmedli yedek bech t3aweni n9oum mouch t5alini haka !
Madelha yedou w chadet'ha bech t7awel t9oum 5aterha lebsa talon w robe 9sira ki jet bech te9ef kbes 3ala yed'ha w falet'ha jebha mafroucha
-na7i tcha9nisik w dlelek mba3d taw n3awnek ....roubti hah !
Mché w 5aleha w heya mezelet 9a3da 3al 9a3 masdouma ki chefet la3bed yo8zroulha talbet dali bech yjiha
W howa fi la7dha jeha
-anous chbik !?
-kn el msata fi 3bed tawa ! Roubti t'harat !( walet edama3)
-echri 8irha w kife to7t !?
-e5er wa7da hedhi 5dhit'ha w 3thart me8ir manoch3or ! (Kedhbet ki t3ada bejnabha el rajel eli tsadmet fih w howa cheded dhe7ektou w 3amel 3liha jaw )
-ay yezi mel t5arnin het yedek
9ayemha w mba3d lamelha sakha w rej3ou...heya ta7ki w chefetou 9a3ed howa w s7abou 3al tawla eli m9ablet'hom tnarvzet kife yo8zrelha ta7t 7es mes w mba3d yedh7ak howa weli 9a3ed ba7dhehom ..hazet kes el jus mte7a w mchet'lou w heya weth9a men rou7a
-esma3 ya sayed e7tarem rou7ek rak mezelt mata3refnich ena bent louzir w mé adrak bichara meni na9dhi 3lik w tra 3mali haja (baz3et el jus fou9ou)
-ya sob7an allah (9leb 3inih) ya bent louzir w mé adrak bras omek rak 8alebt 3lé layezi daloula w layezi tla3t far5a fi mo5ek (9amelha metnarvez)
-ena far5a :o ...ataw nwarik mela chta3mel hal far5a (bdet tadhreb fih 3ala sedrou w heya kel mahboula cha3arha mchabcheb w de5la b3adh'a)
Ki chad'ha men idiha bech ywa9afha jé dali ba3dou 3liha w dazou
-ba3ed kasertek.. w chfama ya dini chneya la7keya !
-ki mchit el salle de bain tesdamna fi b3adhna w to7na hedheka 3lech roubti t'harat ! W ki rja3t nfi9 bih yo8zorli w 3amel jaw w howa yfarekha 3leya w sur tt jra7ni (tebki)
-rabi ysabarni 3ala hal ka3ba eli to7t biha ! Ya benti chet'7eb meni tawa ! t7eb na3tik 7a9 el rouba wala chneya !
-sa7bi te5demchi 3omrek kemel met5aleshech (sa7bou)
-wahf enti
-ya ines 8alta w t3adet w kenek 3al rouba wlh manjiblek ama a7sen menha
-bel7a9 ! 😀
-w rasek...sem7ouna 3al mochkla eli saret w netmana te9eblou hedha (madlou flous)
Ntarlou yedou melek (el rajel eli tesdam fiha)
-5ouya 5alina bel la9dar 5ir ken fibelkom eli leflous techri la3bed rakom 8altin
-a7na l8altin eli jeyin na7kiw m3a 3zalka kifkom
Melek m3ach fih el 8och tla3lou w 3rou9ou benet..daz el tawla b se9ou w hjem 3lih
-la3zalka eli ta7ki 3lihom hedhoukom achref menek w arjel men amthelek b 1000 men mara ya r5is ya kalb jey techri fel la3bed bel flous na3n *** amthelek
Edenya 5adhet 8adi wel la3bed el kol tlamet w walet t7ez w tba3ed fihom
Jé moula el resto (rajel kbir cha3rou abyedh w lebes costume)
3mal byedou o5orjou el melek w sa7bou
-ya 7aj 3mit chbik t5arej fina houma eli bdew ! (Mezen sa7bou)
-si chrif 9alou 7aj ! Yanari 3ala rou7i o5orjou 3leya lanotlob el bouliseya !
-o5roj sa7bi hedhouma 3bed met5alfin w mayefehmouch zeyed la7dith m3ahom (daz el korsi eli ken fe3radhou ba3sab w 5raj)
-haya 7ata7na nraw7ou ta3refou el 5arja msatet (hiba)
- ey haya waslouni ..7ata lkarahba majebt'hech !
-bhy haya (5ales w 5arjou)
Ines hedhi tofla mezyena 8neya w daloula weli techt'hih el kol ijiha ta9ra fel jem3a w 3morha 20 sné a3az sa7ba 3and'ha heya hiba
Waslouha ..
-hiba lyouma wa7di fel dar.. mama w papa 3and'hom voyage ay dji tbet ba7dheya ?
-yaaa enti t9oul n3awdou jaw kel mara 😁
-ey !😊
-mchet m3ak haha...ay bye louled
-bye 😘
Tal3ou lbit ines yejriw w tlet5ou fel farch
-chneya el programme ?
-na3mlou shopping mba3d na3mlou 9tanya w netfarjou 3ala film
-ok....anous n9olek 7aja meted8achach ?
-ey hiba a7ki
-madh'horlekch kel rajel eli 3malna m3ah 3arka mouch kifna t7esou ?
-ey ti weld chera3 jey ysayeb FL ri9 mte3ou 3lina !
-le mano9sodch haka no9sod t7esou mo5talef w zeyed rjouleya binetna maritech 3rou9ou kifé dhohrot w klemou ki sa7 9adechou ma7leh😍
-hey hey win mchit mel9it fi chkoun tetadhrab !
-sali 3al nibi matadhrabtech fih juste 3ejbetni cha5sitou w en plus mo5i m3a we7ed e5er
-m3a chkoun :o taw haka t5abi 3leya !!
-m3a ilyes za7 bech nehbel lyouma 5rajt fibeli bech nejbed m3ah la7dith ye5i saret hal mochkla
-yaw7ayda a7ki a7ki (trab3et ba7dheha w heya 7ata ydiha fi 5doud'ha)
-na3ch9ou ya ines w howa mana3rach mara n7esou y7ebni w mara n7esou y7ebni ki o5tou 7eeert !
-9olou !! Wala ta5srou !
-ey bch n9olou
-wa9tech
-9rib ..
9a3dou ya7kiw 3ala ilyes w 3amlou eli 5atoulou el kol
-----------------------------------------------------------
Men 8odwa sbe7 fe9et ines bekri.. 3amlet douche w mba3d lebset 7weyejha w ketbet war9a el hiba "mechya lel banka >_* "
Habtet el louta3 bech te5ou karahbet'ha mel9at'hech
-hedi ! Jibli karhabti
-madame wasitni lbera7 bech na5selhelek w mchit hazit'ha bekri
-aa ok nsit taw nemchi 3ala sa9eya
5arjet w heya tetba5ter bel talon mte7a w sac 3ala yed'ha ..woslot el mdina win el banka w houma akthareyet la3bed eli tet3ada yedh7akou 3ala machyet'ha..da5let jebdet 500d w 5arjet
Heya mechya ser7a w matfi9 ken brajel fi 8afla yfokelha sak'ha w yohorbelha bih ..bdet t3ayet w t7awel tejri wrah b kel talon ...ki 3adhabha na7atou w 5altet wrah w heya met9aza mel 9a3
Fi kel wa9t melek ken 9a3ed howa w mezen ya3mlou fi chicha
-keyeni nesma3 fi sout mra t3ayet
-ti tal9a 7ad sra9ha maw ta3ref hal blasa yalatif...melek win mechii !!
Ki t3ada ba7dheh we7ed yejri w fi yedou sac 3raf eli howa 9am fisa3 w 5lat wrah.. chadou fisa3 me8ir 3dheb tellement el sera9 t3eb mel jari w bdé yadhreb fih bl bounya wel la3bed tlamet w 7asrouhom fi doura yetfarjou w fi 8afla 7asel el sera9 melek b dharba w hrab bech yemna3 9bal madji el bouliseya ama me8ir mayhez el sac 5tr wa9t'ha 3and melek
-l9itek ya wati ya sera9 ayy!! (tsi7 w tetwaja3 men sa9iha eli thneya kemla w heya tejri bihom)
La3bed tfar9ou w 9a3dou yo8zroulha w heya ki chefet 7ad cheded sak'ha w taya7 3al 9a3 toul taychet 3lih el talon mte7a w jebetou 3ala rasou bel 9wey
-a7ayt !! (Tlafet)
-enti !! 7atena 9olt 3abd kifek mayatla3 kn men hal lemarek ya sera9 yeli ta7ki 3al rjouleya wel chraf wenti tla3t r5is w man3out besbo3 (t3ayet w ta3melou bidiha kel s8ira)
-seraa9 ?!?!!e7med rabi jit tofla wala rani haditlk fomek!! we7ed yaaml 5ir yendem m3a wa7da kifek ! mala chouha ya dini ! Efhem la7keya mbaad o7kom w manich tama3 fi flouskom y'a bent louzir
-ma3andek matfahem choft b3ineya ya wati w ma andek mataamali jareb mesni trah ela menkasarlk idik w nlem 3lik laabed
-ENA manadhrabch lebnet ama wa7da kifk dhaharli lezem n9oselha lsenha
-makch rajel y'a weld echera3 omek marabetekch (bez9et 3lih) w howa ch3el m3ach fih kebes 3ala ydih cheded rou7ou bech mayadhrebhech w ynademha 3al klem eli 9aletou
★ch9olt aaah !omy marabetnich ? Jareb 5arejha mn fomek mara o5ra tchouf chnaamalek !!
-madame e sayed hedha howa eli raja3lek sakek el sera9 hrab !!
-ah!! Feech taa7ki !!! Lee tekdheb
-y'a mademoiselle yehdik 9odem laabed hedhouma lkol tkadheb feya ! Lotf w bara
-metkasarch rasek 3ami... w tawa 5o sakek wemchi mena el 7ouma hedhi mahyech mta3 amthelek (yetmanyek 3liha ) ahh rasii ! (Mel talon)
7echmet w da5let b3adhha maarafetch chtaaml layezi dholmetou w t9ab7et fih w layezi zedet 7erbetha m3a rajel eli 9al la79i9a
-ee ee labes rasek !! (Wejha 7maar)
-....
9am bech yemchi chadetou men yedou
-sema7ni !!!
-8zarelha fi 3iniha yesta79er fiha mbaad tlafeet w talefha
-ma9sadtech..(79arha mara o5ra w heya 3arfet eli taaml fih zeyed mbaa3d mafet el fout ....
-ooh kife chenrawa7 tawa wena 7alti haka m3ach nejem nemchi !
3mal melek byedou 3ala taxi met3edi w wa9efhoulha
-m3alem wasalha (w da5el ydih fi maktoubou w mché)
Raw7et ledar w heya masdouma btasaroufetou
.
...
