بجد والله مازن طلب ايدي منك
سامي بشك:اااه ..سلمي هو في حاجه انا مش عارفها
سالي ببراءه ولم تفهم:لا طبعا..هوا باباه كلم بابا ولا لسه
سامي:وانا طالع كان بيكلمه..زسلمي هو انتوا كنت بتكلموا بعض
سلمي :لا اكيد هو انت تعرف عني كدا وليه قولت الكلام ده
سالي:فرحتكوا انتوا الاتنين بارتباطكوا ببعض
سلمي بحزن:مين قالك اني موافقه انت عارف اني رافضه فكره الارتباط قبل ما اخلص كليتي فوصله رفضي ...عن اذنك
سامي وقد ذهب ورائها :سلمي ...انا بندهلك تقفي وتسمعيني ...سلمي
سلمي وقفلت الباب :لا تسمعني ولا اسمعك انا خلاص رفضت الموضوع ..عن اذنك عندي كليه الصبح
وقفلت عليها الاوضه وفضلت تعيط جامد جدا علي حالها وشكوك اخيها فيها
..........................................................
قومي بقي ارورو نخرج نغير جوا شويه
اروي بحزن:اخرج فين يابنتي وسيف وسليم وسلمي
سالي:عادي يابنتي ما احنا كلنا مع بعض وانطي كمان معانا
كارما:ايوه بقي وحياه سيف يا اروي نقوم نخرج
ايمان بحانيه :وانا هكلم كريم يجيب كارمن تخرج معانا بالمره يلا بقي
اروي بضحكه بسيط:حاااااضر
...........................
كده يعني بتخرج وبتتفسحي ومش بيهون عليكي تفوتي علي مامتك حبيبتك
كارما :والله يامامي كنت ناويه اطلع لما فاتنا من شويه علي كارمن بس كريم اعد يسربعنا
سعاد بحزن:وقبل كده ولا خلاص زياد اخدك مننا ومبريضاش يخليكي تيجي عندنا
كارما:ابدا ده انا لسه حكياله قالي روحي باتي معاهم النهرده شوفتي بقي عشان تعرفي انك ظلمتيه
سعاد:ابدا ياحبيبتي بس مش متعوده علي الغيبه الطويله...طب يلا عشان انا سماعهم كلهم بينادوا عليكي
كارما:معليش يامامتي انا هجيلك وهنام في حضنك النهرده يلا سلام
سعاد بعد ما قفلت ربنا يهديك ويصلح بالك ويرزقك بالذريه الصالحه
.....................................
ذهبت كارما وقالت هامسه ل زياد:شكرا ليك عشان هتخليني اروح النهرده عند اهلي
زياد ولم يلتفت لها:مفيش شكر انا حسيت انك مقصره في حقهم شويه بسبب البيت مش اكتر
كارما باسف:هو انت لسه زعلان مني واخد موقف عشان خاطري فكها بقي والله العظيم انت
زياد بمقاطعه وبرود:احنا قفلنا ع الموضوع ده خلاص
كارما بحزنكما انتي مش عاوز تفهمني
زياد:وده مش مكان نتاقش في عن مشاكلنا لما ترجعي من عند اهلك ابقي اشوف الموضوع ده..وخلينا نكمل سهرتنا ع خير مالوش لزوم نعكنن ع باقي الموجودين
اكتملت السهره زكارما حزينه شارده في تفكيرها علي ما زاد في علاقتهم من فتور وبعد
..................................................................
انا كده تمام اوي انتي شغلك معايا خلص النهرده وتقدري تروحي
سالي :بس يافندم الساعه لسه12الظهر مش معقول
كرم:انا شغلي خلص ف الشركه هفوت علي صيدليتي وصيدليه اكرم انتي لو وراكي شغل ممكن تاخديه وتكمليه م البيت اريحلك عشان انتي بقالك يومين تعبانه معايا
سالي:لا مفيش تعب ولا حاجه بس هو فضول ممكن اتابع مع حضرتك الصيدليات مش انا برضه سكرتيرتك ولازم اكون فاهمه في كل حاجه وبعدين فين الاستاذ اكرم مايفوت علي صيدليته هو مابيجيش هنا بقاله فتره يبقي اكيد فاضي
كرم بضحك:ما تهدي يابنتي راديو...اولا احنا ف شهر امتحانات عشان كدا اكرم مش بيتابع شغله معانا وبنقسم شغله عليا انا وكارما وسامي بتناوب ومفهاش حاجه لما اريح اخويا ولا ايه
سالي بضحكه صافيه:كدا يافندم انا هجهز حاجتي عشان ما نتاخرش
كرم :طب يلا وانا هنزل اسخن العربيه وحصليني
بعد ساعه ونصف كرم ف العربيه:كدا تمام اروح صيدليتي اشوف المشكله اللي هناك واروحك
سالي مستفهمه:وايه هي
كرم:ياستي كان فيه دكتورين...دكتوره الصبح ودكتور فتره بليل وانا بروح استلم منه واقعدلي شويه وامشي المشكله ان الدكتور ده مشي
سالي:يبقي الدكتوره تطول فترتها شويه عقبال ما انت ترجع
كرم :مينفعش نيفين ساكنه في منظقه شعبيه وبعيده ولازم تروح بدري
سالي وقد فهمت ان هناك شيئا:كل مشكله ولها حل ان شاءالله خير
كرم:ان شاء الله يلااا وصلنا
سالي :السلام عليكم
نيفين بوجه بشوش:وعليكم السلام الي تطلبيه يافندم
دخل كرم وابتسم بتلقائيه:دي سالي معايا يا دكتوره
تهجم وجهه نفين:اها اهلا وسهلا بيكوا
كتمت سالي ضحكتها :اهلا بيكي
كرم :تعالي يا سالي اقعدي
سالي وبعد ذهاب نيفين:احم احم انا ملاحظه ان الصيدليه هنا حلوه اوي
كرم وهو منشغل فالاوراق:شكرا يا سالي
التفت سالي ورات نيفين تنظر لها بنظره غيره:بقولك انا بفكر اشتغل هنا ايه رايك
كرم ورفع نظره:نعم سالي مش ناقصك خليني اراجع علي الورق عشان اروحك
سالي:هو انت شايفني عيله اروحك اروحك ..انا بتكلم بجد...اصل الصيدليه هنا جوها حلو موووت
كرم وقد فهم ان هناك شيئا:سالي جيبي من الاخر ف ايه
سالي بمكر:انا بالنسبالي ولا حاجه انت في حاجه ونظرت بطرف عينها الي نيفين
كرم وقد فهم وقال بجديه:مش معنا اني بهزر معاكي واخدك معايا وبجيبك تنسي انك سكرتيره انتي فاهمه
سالي بخنق:فاهمه ...انا اسفه
كرم بجديه:طب يلا عشان اوصلك البيت
سالي بضيق:ماشي
........................................................................
انت مالك بقالي كذا يوم مابشوفكش حتي معتش بتنام معايا ف نفس الاوضه
اكرم ببرود:عادي انت بتبقي برا معظم الوقت وانا بذاكر وبحب اقعد لوحدي عشان اركز
كرم بتهكم:ياسلام هو دا اول ترم ...ممكن تبصلي وانا بكلمك ليه انا حاسس انك بتتجنبني
اكرم:بقولك ايه انا مش فايقلك انا ورايا مذاكره كتير
كرم :انا هجبهالك مباشره ..انت بتحب
اكرم بتردد:وايه اللي دخل ده في ده
كرم:رد علي قد سؤالي
اكرم بثقه:لأ
كرم:متأكد...يعني انت مش بتحب سالي
اكرم بسخريه:قول كده من اول ماتخفش ياسيدي البونبانيه ليك
كرم:انت بتقول ايه انت فهمت غلط
اكرم:حتي لو كدا مش عاوزه افهم انا طالع ل معتز ف الروف فوق عشان نذاكر ياريت متزعجناش سلام ياخويا
كرم:اكرررم...بعد ما طلع...بعد اللي قولته ده طلع شكوكي كلها وشكوك كارمن في محلها اعمل فيك ايه طول عمرك متسرع وانفعالي
...........................................................................
سلمي حبيبتي ممكن تفتحيلي الباب
قامت سلمي علي مضض وفتحت:نعم يا سامي في حاجه
سامي بمرح:ااااه فيه ...ممكن اختي حبيبتي تلبس عشان كارما عوزها تخرج وهي سيف
سلمي بالامبالاه:قلها شكرا عندي مذاكره
سامي:يلا بقي بطلي بواخه هي ساعتين هيفرقوا انتي بتلبسي بسرعه اعتبيرها استراحه
سلمي:يبااااي عارفه اني مش هخلص منك وكمان فتحتلك الباب هخدها من قصرها والبس
سامي قبلها من جبنها:حبيبه قلب سامي...احلي طقم عندك اشربتاااااته
بالفعل لبست سلمي وراحت مع سامي ووصلوا الي النادي
سلمي باستغراب:ايه ده احنا روحنا النادي ليه وانت داخله معايا ليه
سامي :ياستي اصبري اهم قاعدين هناك
سلمي وقد اخذت تبحث بعينها حتي راتهم ورات جالسا برفقتهم شخص وقالت بغضب:بقي كدا يا سامي تضحك عليا
سامي:اضحك عليكي ف ايه انا عارف ان لو قولتلك مش هترضي ومكنش فيه الا الطريقه دي
مازن وقد اقترب منهم:ممكن يا سامي نقعد مع بعض وانا هشرحلها كل حاجه
نظرت له سلمي ولم تتكلم وذهب سامي وقالها مازن:ماتبصليش كدا وتعالي وانا هفهمك
................................................................................
اتفضل يافندم
واحذ كرم الورقه الموضوعه امام وبدا ف قراتها ثم مزقها وقال:طلبك مرفوض
سالي باصرار:بس انا عند طلبي انا مش هكمل هنا
كرم بجديه:هو ده هبقي رده فعلك ف مطب تمر بيه في حياتك انك تهربي وماتواجهوش
سالي بثبات:بالعكس هقف ثابته واستقالتي مش بسبب اهانتك ليه امبرح
كرم باستغراب :اومال
سالي:عشان شفت قودامي انسان جبان
كرم بحده وقد خبط بيده علس سطح المكتب:احترمي نفسك والزمي حدودك
سالي:لا وهقول كلمه الحق..مازن اخويا يوم ما حس ان ف قلبه مشاعر تجاه سلمي راح واتقدملها لكن انت لا اكتفيت بنظرات بتسرقها وياريتك شاعر بيها وبحبها وغيرتها ليك
كرم بتهكم :وكل ده حسيتي من مره واحده
سالي:ايوه لان الست اكتر واحده بتحس بالحب انصحك تعترفلها قبل ما تضيع منك
كرم بانهيار:ماينفعش ابويا اول واحد هيعترض عي جوازنا بسبب الطبقيه اللي هو عايش فيها
سالي:جرب مره وتاني وتالته حاول يمكن يرضي من مره واحده واحسن من التخاذل اللي انت فيه
كرم بانفعال:بدل ما انتي عماله تديني دروس ف الحب شوفي نفسك انتي واكرم الاول وانصحي نفسك الاول
سالي واول ماسمعت سيره اكرم اخدت بعضها ومشت بره الشركه وهي منهاره ف العياط
