اعشقه وهو في دنيتي الجنة وصعب انساه

بارت7

يوسف من اللي صار و هو جالس في بيته و رافض يروح الشغل همه كان خوله و شلون يوصل لها لكنها طبعا كانت رافضه اي اتصال معه و طول الوقت تطرده وهو طبعا كان حاس بقهر و الم و تحقير لنفسه وما عنده احد يشتكي له او يخفف عنه المه .. ........كان شبه منهار و وهو يطبع الرساله على الابتوب بقوه... وبعد مده تلقى الرد..
-
اسـير... انت غلطت و هذي نتيجه طبيعيه لتصرفك و ما اعتقد اني اقدر اساعدك في هذه الحاله...
ماغي
-
ماغي ارجوك اسمعيني انا تعبان... تايه ما قدرت اتحمل فكره انها بتكون لغيـري... ابي اتاسف و اعتذر بس ما كان عندي خياااااااااااااااااااار.... ماغي بليزز لا تتخلين عني ارجووووك انتي بعد...ارجووووووووووووووك
اسـير
-
-
اسيــر انت الفرصه كانت عندك لكن عدم ثقتك فيها المستمر كان هو السبب في الوضع اللي وصلتوا له... لو انك ارسلتي هذي الرساله قبل لا تتصل عليها ... كنت وفرت على نفسك كل الالم و كان ولدك مازال عايش!!!!
ماغي
-
-
ماغي ارجوك.... انا عارف اني حقير و منحط بس فاتن اثارتني و شككتني فيها و خفت ان خوله تكون تتلاعب فيني
وتحاول تنتقم مني...
اسير
-
-
اسمع يا اسير... وضعك سيء حيل لكن انا بحاول القى حل.. لكن ماهو الحين و اتمنى انك تقلل اتصالات فيها خصوصا ان اتصالاتك المستمره راح تذكرها باللي صار و خسارتها ... و فاتن هذي لازم توقف عند حدها و تبين لها ان اي محاوله منها مالها اي فايده مفهووووووووم...
ماغي
-
-
ان شاء الله ... بس ماغي لمتى اظل بعيد عنها...
اسير
-
-
الجروح تحتاج وقت حتى تخف وهذا الشيء اللي محتاجته خوله الحيــن فاتمنى تنساها الحين لحد ما القى لك حـل
باسرع وقت ممكن
ماغي
-
-
مشكووره
اسير
-
-
يوسف حـس بضياع كـثير من يوم اليوم عرف فيه ان خوله سقطت الطفل .. واللي كان حلقه ربط قويه بينهم.. و بسببه ... ماغي كانت الشخص الوحيد اللي يسمعه وهي انسانه ما يعرف عنها اي شيء.. وفي نفس الوقت ما كان عارف انها عارفه من هو و عارفه زوجته عدل ...
-
-
-
في قصـر نواف..
جـسار كان مسوي زيارته الاسبوعيه لزوجته... واللي طبعا اشترطها نواف عليه حتى تكون وسيله تقريب بينهم و حتى يفهمون بعض.. لكنها اخذت طريق ثاني بعكس ظنه لان جسار حولها لزياره لعمته و اغلب كلامه معها و صمت مع خطيبته ...
فاطمه مشت بالحلو لعند جسار اللي اخذ منه ببساطه من غير شكر بس بنبره بارده قال: فاطمه ايش الطاري اليوم توزعين الحلو بنفسك..
فاطمه انقهرت من كلمته و رجعت الحلو و جلست ، ام نواف ضحكت و حاولت تخفف احراج بنتها: جسار يا ولدي ليش هذآآآ الكلام.... فاطمه تتعلم كيف تصير ربه بيت و الحرص على راحه زوجها من اهم هذا الاشياء ولا نسيت...
جسار: بس هذي ماهي من مهام الزوجه صح...
فاطمه انحرجت و نزلت راسها.. نواف انتبه على احراجه وقرر يقطعه: كلام جسار صحيح .. فاطمه ماهي محتاجه تتعلم هذي الاشياء... القصر اللي جهزته لهم فيه خدم و مساعدين بمثل عدد الخدم في قصرنا.. حتى ما تحس باي نقص..
جسار قهره كلمته : نواف اعتقد انا تكلمنا في هذا الموضوع كثـير و انا ما عندي استعداد اجلس في بيتي غير بيت ابوي....
نواف بغرور معتاد: بس بيت ابوك صغير....
جسـار: المهم انه بيتي و حلالي.. وانا لايمكن اسمح لاحد يتفضل علي حتى وان كان اخو زوجتي الكبير
نواف حرك عيونه لاخته: عاجبك كلام زوجك؟
فاطمه نزلت راسها و ما عرفت بايش ترد تزعل زوجها اللي تحبه ولا اخوها اللي هما تحبه.... في النهايه انقذها دخول ايمان المجلس... واللي مشت لعند جسار على طول: جسار حبيبي وحشتني...
ايمان مشت لعنده و سلمت عليه و بعدها همست في اذنه كلام و بعدها : عن اذنكم باستعير جسار لدقايق...
ام نواف هزت راسها بالايجاب و سمحت لايمان تسحب جسار لغرفه جانبيه لحاله... نواف كان رافع حاجبه وكله فضول يعرف الحوار اللي بينهم...
-
جسار جلس على الكرسي المقابل لعمته: خـير امــون في شيء؟؟؟
ايمـان جلست و كلها توتر: حبيبي جسار عندي استفسار بشغله قانونيه و ابيك تساعدني فيها...
جسـار بتافف: لا تقولين لي انك ضاربه احد ثاني... بليييز مليت من هذي القصه..
ايمـان ضحكت: ههههه حرام عليك... هذي ايمان تلاشــت... اللي ابي اسالك فيه قضيه طلاق..
جسـار بصدمه: تبين تتطلقين...؟؟؟
ايمـان سكتت للحظه وحست نفسها دخلت عالم ثاني:ايمـــــــــــــــــــــــــان؟؟؟ فيك شيء؟؟؟
ايمان هزت راسها بالنفي: لا مو لي مع اني اتمنى اني اقدر اطلبه..... لاخو صديقتي....
جـسار.: اوكي... كلي اذان صاغيه...
ايمـان: اللي صار ان ..................( وقالت ايمان قصه الاتفاق بين ابراهيم و خالد و خوله و نهى لجـسار و انتظرت رده)
جسـار حط يده تحت ذقنه و بعد تفكير قصير رد عليها: مافي يا حبيبتي قانون واحد يجبر فيه ابن العم زوج بنت عمه على الطلاق او انه ياخذها على بيتهم... و خصوصا ان كان الموضوع فيه نوع من المبادله او التحجير احنا وين قاعدين في بر؟؟؟
ايمان: لا في صحرااااااااااااااااء ههههههه جسار حبيبتي ما تدري شلوووون رحتني .. الحين اقدر اقول لخوله ترفض عريس الغفله هذااا...
جسار : بس امووون ... في نقطه ضدنا....
ايمان: اللي هي؟؟
جسـار: الاب... ابن العم ان كان مسيطر الاب و الاب في الوقت نفسه مسيطر على البنت راح يكون الوضع خطير...
ايمان: ليش؟؟؟
جسـار : لان الاب يقدر ياخذ البنت عنده و يقنعها بطلب الطلاق و بكذا تخلع نفسها من الزوج بالقوه...
ايمان: مشككككله..... الاب يموت في ولد اخوووه...
جـسار.: لازم يتقرب اخو صديقتك من عمه كثــــير حتى يصير هو المسيطر ولا راح يخسر كثــير...
ايمـان: الله يسمع منك...بس انا خايفه...... اذا صار هذا الشيء شنو نسوي ؟؟
جسـار : اولا لازم.......
نواف فتح الباب عليهم وقطع حوارهم: ما خلصتوا...
ايمان عقدت حواجبها و تجاهلته: كمل جسار.. ومالك شغل فيه...
جـسار كمل بس حتى ما يبين لنواف انهم في وسط حوار عنه وبعد ما انتهوا طلع جسار و كانت ايمان بتطلع بس نواف مسك يدها: اتركني...
نواف: من اللي كنتي تتكلمين عنه...
ايمان سحبت يدها بالقوه: ومن تكون انت حتى اجاوبك...
ايمان عطته ظهرها و على طول صعدت لغرفتها و فتحت لابتوبها .... نواف انقهر و توعد لها: ماااشي يا ايمان تفضلين جسار علي...