دارين:عيووني تشتهي تشوفك واذوب بلمسة جفوفك
صفاء:شنو هالصوت الحلو ياترى منو ماخذ عقل الحلوه مالتي
دارين:يو سمعتيني 🙈
صفاء:هههه اي يلا احجي لاتغلسين
دارين:هههه اذا كتلج لا محتصدكيني
صفاء:(اشارت لها ب لا)
دارين:ههههه فارس احلامي الجميل
صفاء:منو هذا بلا
دارين:هيج شكل رسمته بمخيلتي دائما اغنيله واتمنى التقي بيه
صفاء:يمه بنتي كامت تحب على روحها
دارين:هههههه جفاف عاطفي
صفاء:يلا كملي وتعالي سويلنه كيكه من ايدج الحلوه
دارين:قشمريني بكلامج الحلو والمعسول
صفاء:اي لعد شلون هههههه
دارين:همزين تعترفين
صفاء:ههههه قابل اجذب
دارين:فديتج حياتي
صفاء:امووواح
دارين:اموواحات
خلي احجيلكم عن نفسي
اني اسمي دارين طولي 162 بيضاء ولون عيوني عسلي وشعري طويل يكولون احلى وحده بالمدرسه 😅وحيده ويه امي الي تطلقت من ابويه امي الي هيه صفاء ماعندي صديقات ابد امي هيه بمثابة صديقتي اثنينه نفس الافكار والاسلوب بالكلام يمكن لان الفارق بالعمر بينه مو كلش هوايه لان امي تزوجت هيه وصغيره عايشين حياتنه بسعاده امي تشتغل محاسبه واني بعدني ادرس ما اعرف عن ابويه هوايه غير اسمه والدوله الي سافر الها
دارين:اووويلي شلون كيكه صارت
صفاء:واوو عاشت ايدج اي هيج ها مو مثل هذيج المره فاشه عبالك بيها فقر دم
دارين:هااا هسه كمتي تقلدين مو كلتي طيبه
صفاء:لا لا اتشاقه ههههه
دارين:اممم عبالي
صفاء:اكووول
دارين:كولي ياروح الروح
صفاء:فدوه لروحج مكلتيلي شلونج بالمراجعه ضابطه المواد
دارين:زينه بس معصلكه بالرياضيات تدرين بيه ما احبه
صفاء:شدي حيلج اريدج ترفعين راسي
دارين:(كامت وباست راس امها)دومه مرفوع راسج يا احلى ام
صفاء:اي احجيلي شنو الي تعانين منه بالرياضيات
دارين:ليش راح تدرسيني
صفاء:نسيتي امج محاسبه يعني اختصاصها رياضيات
دارين:ايوووا اي كولي هيج فديتج هسه اطلعلج المواضيع الي مافاهمتها
صفاء:يلا شوفيني
دارين:شوفي هذا وهذا وهذا
صفاء:👀
دارين:وهذا وهذا وهذا
صفاء:اوكفي اوكفي
دارين:شنو
صفاء:شبقيتي
دارين:لا بعد مكملت😯
صفاء:خلي ابدي وياج من البدايه شكلج مثل الاطرش بالزفه ماكو ولاطكه
دارين:😅
اقتربت الامتحانات ودارين كانت تراجع المواد وصفاء هيئتلنا الجو المناسب حتى تركز وتطلع اعلى معدل
في مكان اخر
سيف:جبت الاوراق الي كلتلك عليهن
وليد:هههه يا اوراق ليش انت وصيتني على شي
سيف:شوكت تكبر وتتحمل مسؤليه عاد
وليد:كافي عدنه انت تحب الشغل ومتحمل المسؤليه اذا صرنه اثنينه متضبط
سيف:وليش بله متضبط
وليد:البيت يصير نكد
سيف:اها والله
وليد:اي وداعة بيبتي
سيف:ده اوكف لعد
وليد:هههههه
شجون:هاي شبيكم
سيف:كله من ورى ابنج
وليد:اني شعليه هوه نكدي
شجون:خرب ببليسكم ههههههه
عادل:ها شكو شبيهم واحد يطارد الثاني
شجون:تخبلوا
عادل:الله اليستر
وليد:كاافي كافي
سيف:كول التوبه
وليد:التوبه
سيف:يعني تلتزم بعد بالشغل
وليد:اي اي التزم
سيف:(ترك وليد):ماشي ده نشوف
وليد(بصوت ناصي):ههه من يبيض الديج
سيف:كلت شي
وليد:كلت اكيد اكيد😁
سيف:هااا اكول
شجون :يلا خلص العشه تعالو تعشو ميدا جيبي الاكل
ميدا:حاضر مدام
سيف:لعد تماره وين
شجون:طلعت تسوقت اليوم ورجعت تعبانه ونامت هسه اكول لميدا تكعدها
سيف:لا اني اروح اكعدها
شجون:ماشي
دخل سيف لغرفة تماره
سيف:تماره قلبي اكعدي
تماره:اممم شنو الساعه بيش
سيف:ب٩ يلا نزلي تعشي
تماره:عوفني شويه انام بعد
سيف:نزلي اكلي ورجعي نامي وبعدين متردين تعرفين المفاجئه الي محضرها الج
تماره(فزت من النوم)شنو شنو
سيف:ههههه ادري بيج تموتين ع المفاجئات
تماره:يلا حباب احجي
سيف:تذكرتين لحضور حفله الفرقه الي تحبيها
تماره:وااااااو شكرا شكرا يااا احلى اخ بالدنيا
وليد:هااا يعني بس سيف احلى اخ
تماره:اي انت مزعج
سيف:ههههه يلا وتكدرين تاخذين وحده من صديقاتج وياج
تماره:(حضنته)احبك سيوفي
وليد:عابت اي والله عابت واني مو اخوج شو بس تحجين عليه
تماره:انت تعرف ليش
وليد:لان اخاف عليج احاسبج اختي واخاف علية
سيف:شنو شكو فهموني
تماره:(نضرت الى وليد)
وليد:لا مااا ماكو شي
سيف:لعد شبيكم تتناكرون
وليد:هيج بس اضوج تطلع ويه صديقاتها هوايه
سيف:شتريد منها خلي تتونس
تماره:يمه الحنيه يمه
وليد:ها مو احجي
سيف:شكو
تماره:واحد خبل معليك منه امشي ننزل ناكل
مسكت تماره يد سيف ونزلو
وليد:واني وين عايفيني تعالي حبيبتي فديتج (مسك يد الباب ) 😂
شجون:يااا هلا ومية هلاا
عادل:يلا حبايبي تعالو اكلو
وليد:اكلي عدل شنو هالمياعه
تماره:ياااا انت شبيك ويايه حتى اكل مراح اكل
وليد:اي خفتن وراحه
عادل:شبيك ويه اختك
شجون:ما اعرف الكالك حل وياه
وليد:بنيه مايعه ومتعرف تصرف يرادلها ضب
عادل:شنو هالحجي عيب تحجي هيج على اختك
وليد:متشوفون تصرفاتها سودت وجهي
عادل:ليش شسوت
وليد:ماكو شي بس تعاندني
عادل:يعني بس هيج السالفه
وليد:اي
عادل:خرعتني بعد ما الك ذخل بيها اني ابوها واليه كلمه عليها
وليد:بس..
عادل:اسمع كلامي
وليد:ماشي يابه(اني اعلمج تماره)
في غرفة تماره
تماره:الو
صادق:ها عمري
تماره:شبي صوتك
صادق:مابيه شي
تماره:انت سكران؟
صادق:كتلج مابيه شي لاتلحين
تماره:بغض النظر عن اسلوبك بس ردت اكلك سيف جاب بطاقتين دعوه لحفله مال فرقه
صادق:اوك شوكت الموعد
تماره:...
وليد:ويامن ده تحجين
تماره(سدت الخط):أأ
وليد:احجي ويامن عبالج اني ساكت وما اكول لابويه لخاطرج وخاطر حبيب القلب لااا بس ما اريد ابويه يتأذى بسببج وبسبب افعالج
تماره:انت شدتخبص
وليد:اسمعي كلامي وخلي ترجيه بأذنج هذا صادق تنسي بعد واذا عرفت حاجيه وياه او تقابلي امسح بيج الكاع
تماره:بلا كلام فارغ وحجي ماله معنى
وليد:هاا ما اله معنى ماشي نشوف يابنت امي وابويه(وخرج من الغرفه)
تماره:(هسه شسوي وانوب هذا صادق مدري شبي هفف )
بعد مرور شهرين 2⃣
صفاء:هاا يمه بشري شطلعتي
دارين:ماما ما اريد احجي شي عوفيني وحدي
صفاء:شنو بس لا
دارين:(بصوت عالي ):٩٥💃💃💃
صفاء:الف الحمدلله والشكر الك ربي مضيعت تعبي وتعب هالطفله
دارين:فرحانه
صفاء:(والدموع بعيونها)شلون ما افرح واني منتضره هاليوم بفارغ الصبر الي اشوفج بي متوفقه ولازمه شهادتج
دارين:لعد ايش تبجين
صفاء:دموع فرح هاي
دارين:(حضنتها):حبيبتي ماما الله يخليج اليه
صفاء:ويخليج ياعمري
دارين:مكلتيلي شنو اقدم
صفاء:صيدله اريدج تصيرين صيدلانيه
دارين:اتذكر كلتلي مره جان حلمج تصيرين صيدلانيه
صفاء:اي اني مكدرت احقق هالشي ف اتمنى بنتي تحققه
دارين:راح احقق امنيتج واخليج تفتخرين بيه
صفاء:ياعمري انتي الي باقيتلي بهالدنيا
دارين:ماما ممكن اسألج سؤال
صفاء:كولي حبيبتي
دارين:بابا ليش ميسأل عليه
صفاء:ما اعرف
دارين:شلون متعرفين انتو مو جنتو تتراسلون اتمنى اشوفه ماشايفته حتى صوره ماعندي اله
صفاء:شلج بهالاسئله هسه يعني اني مخليتج محتاجه شي
دارين:لا بس ..
صفاء(قامت بالبكاء):ماكو بس انتي بنتي الي واني الي تعبت بتربيتج ولو ابوج شارينه جان بقه وما تركنه
دارين:اسفه امي لا تبجين يلا امسحي دموعج يلا
صفاء:اذا ترديني اسكت كومي سوي كيك
دارين:شلج بالكيك لا ابجي ابجي احسن
صفاء:ههه كومي يلا
دارين:هههه ماشي بس الله عليج لاتضوجين مني
صفاء:مضايجه وكومي سوي الكيك لاتغلسين
دارين:اوك اوك 😁
صفاء:(اوف يادارين شذكرج بهالموضوع)
راينا:مفاااجئه
سيف:اهلا
رانيا: اكو واحد يجاوب خطيبته بهالبرود وهوه صارله شهر مشايفها
سيف:رانيا دا اشتغل مدتشوفيني
رانيا:اوووف شنو انت
سيف:يلا نتشاوف بعدين عود
رانيا:وين رايح
سيف.:عندي اجتماع يلا سي يو(وخرج من الغرفه)
رانيا:ماشي سيف نشوف اذا ماصرت خاتم بأصبعي فلا اتسمى رانيا
رانيا:اهئ اهئ
دلال ( ام رانيا) شبيج حبيبتي
رانيا:سيف امي سيف موطايقني وميعاملني زين
دلال:ابن خالتج وتعرفين طبعه ليش قبلتي بيه
رانيا:مجنت اعرف هوه هيج تعبت امي الله يخليج ساعديني
دلال:لا تضوجين اني احجي ويه شجون وهيه تعرف تصرف وياه
رانيا:بس خالتي شجون شنو تكدر تسوي
دلال:هيه امه والها كلمه عليه
رانيا:ماشي نشوف
شجون:والله يادلال انتي تعرفين سيف وطباعه محاجه اكلج
دلال:اعرف بس البنيه هم تحب الكلمه الحلوه يسايرها يحجي وياها
شجون:احجي وياه واشوف
دلال:اي ياخيتي ياريت
عادل:سلام عليكم
شجون&دلال:عليكم السلام
دلال:شلونك اخويه
عادل:الحمدلله نور البيت
دلال:بنورك ابو وليد يلا اني استأذن
شجون:بعد وكت
دلال:لا والله البنات ع جيه واحضرلهم الغده يلا من رخصتك اخويه
شجون&عادل:الله وياج
عادل:شنو شبيها دلال
شجون:سيف
عادل:شبي
شجون:رانيا تشكي من معاملته الها وتكول بارد وياها كلش وميسأل
عادل:ههه ليش هيه متعرف سيف شنو
شجون:كلتلها المفروض هيه تعرف اطباعه هوه اهم شي شغله من الصغر وهوه هيج طالع على ابوه
عادل:شجون ادري بيها بنت اختج بس انتي تعرفين شنو غرضهم من هذا الزواج
شجون:هههه اعرف حبيبي الفلوس هم اختي الوحيد وربت بناتها ع هذا الشي بس شكول قابل انطي ابني لبنيه ما اعرفها اقلها بنت اختي
عادل:الله كريم صار الغده لو ننتضر
شجون:ههه لا صار وعلما يجون الاولاد نصب
عادل:خوش اني اخذلي دوش علما يجهز الاكل
شجون:اوك حبيبي
