صفاء:اممم منو هذا الحلو
دارين:ههههه رسمته من خيالي
صفاء:هذا فارس احلامج
دارين:اي تكدرين تكولين هيج
صفاء:لعد وين الحصان
دارين:ياحصان
صفاء:هوه مو فارس احلامج غير يجي على حصان
دارين:هههههه ماما
صفاء:هههه لاصدك حلو الله يدزلج هيج شخص وافرح بيج
دارين:كل عقلج انتي اني اعوفج
صفاء:من تجي القسمه تسكت الحلك وبعدين قابل تضلين كاعده ع كلبي
دارين:ايييي عندج مانع
صفاء:لا ما عندي 😙
دارين:فددديت😘
صفاء:شوكت تقدمين ع الكليه
دارين:باجر بأذن الله
صفاء:اجي وياج
دارين:صدك ياريت
صفاء:اييي يا الله امشي نشتريلج ملابس علمود الدوام
دارين:ده خلي اروح اسجل اول شي
صفاء:مقبوله ميحتاجلها كلام يلا امشي
دارين:هههه اوك
ثاني يوم
دارين:ماما رايحه اني ع الذاتيه
صفاء:اوك انتضرج هنا
دارين:ماشي
صفاء(خلي اروح اجيب ماي علما تجي)
السايق:بالج بااااااالج
صفاء:آآه دارررررريي ن ن
دارين:اوي قلبي وجعني
الشاب:انطيني الفايل مالتج حتى اكمل تسجيل وصورتين
دارين:اوك اسفه تفضل
بعد ١٠ دقايق
دارين:شنو وين راحت ماما شبيها الناس كلها تركض اخويه بلا زحمه شكو
:مرأه سحكتها سياره
دارين:شنوو يمه بس لا (ركضت بدون وعي)
دارين:شويه شويه وخرو اشوف امي امي جذب وخرو الله عليكم امي شبيج فتحي عيونج الله يخليج الله عليج منو اليه بعدج امي ولكم عيني اسعاف وينكم ولكم امي حتروح من ايدي ولكم معندي غيرهاا وج صفاااء اختي وحبيبتي وصديقتي منو اليه بعدج يمةةةةة
كوميلي يا يمه بكلبي تسعر نار
محتاج لحنانج فدوه ضميني
كوميلي ييمه عيوني اجت خطار
تشكيلج عذابي وغربة سنيني
اسمعيني اسمعيني اسمعيني
اريد بكبرج اغفه...وياج خليني
بكت دارين وابكت كل الي جانو موجودين لحد ما وكعت وشالوها للمستشفى
دارين افاقت:امي امي
الدكتور:اهدئي بنتي
دارين:وينها احجي الله عليك
الدكتور:اهدئي هسه
دارين:شنو اهدئي شنو انت متحس امي وين شنو هذا حاطي بأيدي وخره وين امي هدوني امييييي وج اميييي تعالي يمة تعالي لاتعوفيني وحدي والله اسويلج الكيكه الي تحبيها كل يوم والله اسويلج الي تردي وما اعاندج بس رجعيلي يا يمه رجعي
الدكتور:بنتي ايدج تنزف ارجوج اهدئي
دارين:موتني حطلي بالكانونه شي وموتني اترجاك منو اليه بعدها منو
الدكتور:استغفري ربج بنتي انا لله وانا اليه راجعون
دارين:منو اليه بعدج يا يمه محد حاس بيه
مرت الايام على دارين بصعوبه فكرت بالانتحار اكثر من مره بس مكدرت ضلت يوميه تنام بغرفة امها وتقرالها قرأن
بعد مرور شهر
دارين:عمو صاحب
صاحب:كولي عمو محتاجه شي
دارين:لا عمو سلامتك بس اني راح اسافر وهذا مفتاح بيتنه امانه يمك يوميه اسكي الزرع وخلي اكل للعصافير واذا عندك مكان تخليهن يمك اكون ممنونه
صاحب:تدللين بنتي بس وين رايحه
دارين:ادور على ابويه هوه الي باقيلي بهالدنيا بعد ما امي راحت
صاحب:زين ليش متبقين واحنه هنا وياج ومنقصر
دارين:انتو وكفتو ويايه هوايه ومقصرتو بالعكس بس حيطان البيت تاكلني كلشي يذكرني ب أمي تعبت خليني اسافر بلكي انسى صاحب:زين انتي تندلين هوه وين
دارين:اعرف البلد الي هوه بيه بس ما اعرف مكانه بالضبط
صاحب:وشلون حتدورين عليه
دارين:الله يسهلي انت بس اندعيلي
صاحب:الله يسهل امرج
