في الشركه
صادق:ممكن اعرف وين مكتب استاذ سيف
الاستعلامات:تكمل الممر ع اليسار
صادق:شكرا
السكرتيره:استاذ اكو شخص يريد يقابلك اسمه صادق ويكول الشغله الي يريدك بيها مهمه
سيف:اها اوك خلي يتفضل
صادق:مساء الخير
سيف:اهلا (ورفع حاجبه)
صادق:(بلع ريقه):استاذ سيف اتمنى دارين فهمتك الموضوع
سيف:ليش انت ده تشوف دارين
صادق:اي مره حجيت وياها بالموضوع والبارحه كلتلي اقابلك واحجي وياك ونتفاهم
سيف:طيب اريد اعرف انت شنو ناوي
صادق:اني احبها لتماره
سيف:اهاا 😒
صادق:😥
سيف:كمل
صادق:واريد اخطبها وكلت لاهلي بقى اخذ منكم موعد حتى اجيبهم
سيف:شوف حتى تكون بالصوره اهلي مراح يوافقون ليش لان انت فقير الحال ما انتقص منك بس تكدر تكول يردون تماره تعيش بنفس المستوى الي همه عيشوها بي
صادق:زين شنو اكدر اسوي اني هذا حالي
سيف:اوك هذه اوراق ملكية بيت هالبيت اشتريته وكتبته بأسم تماره وحطيتلها فلوس بالبنك تكدر تصرف بيهم وهالشي اهلي ملازم يعرفون بي يعني كللهم انو انت الي اشتريت البيت لتماره
صادق:صدك ممصدك الي دا اسمعه اشكرك اشكرك كلش
سيف:بسس ياويلك اذا بيوم زعلتها او اذيتها راح تشوف مني وجه ثاني وما ارحمك ابد
صادق:صدكني مراح ازعلها واوعدك بهالشي من خسرتها حسيت بقيمتها كلش وحبيتها اضعاف قبل
سيف:ما اريد بس حجي اريد فعل
صادق:ان شاء الله وحتشوف بعينك
سيف:ان شاء الله
اثناء خروج صادق
المحقق:استاذ سيف
سيف:نعم
المحقق:قدمتلنه هاي الاوراق عليها بصمات وتواقيع مزوره
سيف:اي صحيح
المحقق:سوينه تحريات وطابقنه البصمات ويه كل الي يشتغلون وياك واكتشفنه الفاعل
سيف:منو هوه
المحقق:(مسك الفايل):انور عبد
سيف:ههه الفراش
المحقق:نعم واخذناه استجوبناه واكتشفنه الي باعثي شركة ادويه منافسه لشركة حضرتكم بمحاوله منهم لأطاحه بأسم شركتكم بدس الادويه منتهيه الصلاحيه مع الادويه الفعاله وتوريدها للمستشفيات حتى تتضرر الشركه وتنسد
سيف:الله لايوفقهم على هالشغله جان راح تعب السنين كله تعبي وتعب ابويه وعمي الف الحمدلله انو اكتشفت الموضوع بالوقت المناسب
في البيت
سيف:دارين
دارين:اجيت
سيف:لا بعدني هههه
دارين:😒
سيف:اليوم اجاني صادق(واخبرها بكل ماحدث)
دارين:يييييي شكرا شكرا احبك احبك(وحضنته)
سيف:ابتسم ووضع يديه حول خصرها
دارين:(حست على نفسها وبخجل):اسفه من الفرحه محسيت على نفسي
سيف:ههههه عادي
ركضت دارين واختبئت خلف الحائط
دارين:(عزه شسويت اني 😣)
وليد:هاي شبيج واكفه هيج
دارين:مابيه شي جوعان اسويلك شي
وليد:لا راح اجيب كنافه تاكلين ويايه
دارين:هسه اصيح لتماره حتى ناكل سوه
وليد:لا تماره الجوعيه تخلصها كلها
دارين:ههههه عود جيب اكثر هسه اله تتناكر وياها
وليد:يلا لخاطرج ميخالف
دارين:يمه فدوه لليسمع كلام
دارين:شبي الحلو ضايج
تماره:كالعاده ماله ماعندي شي اسوي اخلص قرايه واكعد حتى تلفوني سحبو مني
دارين:اممم والي يرجعه الج
تماره:انطي بوسه
دارين:اممم زين والي يكلج خبر حلو عن صادق
تماره:عااا(وقفزت)شفتي
دارين اخبرت تماره ما حصل
تماره:جذب جذب لالالا مدا اصدك اكيد احلم
دارين:لامده تحلمين
تماره:شكرا ما اعرف شلون اجازيج يا احلى اخت
دارين:الشكر لسيف كله بفضله
تماره:لو ما انتي مجان سوه هالشي
دارين:شتقصدين
تماره(ابتسمت):ولا شي
دارين:يلا امشي ننزل وليد عازمنه على كنافه
تماره:ههههه الخبيث ميخليني اكل وياه
دارين:ههههههه لا معليج كال اثنينكم
تماره:يلا امشي
