جزء الثامن لنعرف المزيد عن حياة محمد وساره الجديدة .......
&&الفصل الثامن&&
بعد قضاء الليلة الاولى في الفندق ارادت ساره ان تذهب الى امها . ولم يعترض محمد وذهبا مباشره الى بيت ساره . وهناك كانت موجوده ام عبدالله .
ساره: مرحبا يمه .........مشتاقتلك مرررررررررة
ام عبدالله : ساره ....اسم الله........... انتي من وين طلعتي انتي منين جيتي ؟؟؟؟؟؟؟
ساره: نزلت لك من السماء ............ههههههههههه.
محمد خلف ساره يستغرب هذا التغير المفاجئ في مزاجها وعودة البسمة عليها التي افتقدها منذ البارحه .
ام عبدالله تحتضن وحيدتها وساره تبكي .
ام عبدالله : ساره في عروس في صباحيتها تبكي ؟؟؟؟
ساره : يمه ما تعودت اخليكي لحظه وحده .....لا تخليني امانه لا تخليني .
ام عبدالله : ساره انتي فيكي شي ....ما تعودت منك الدلع هذا .......بعدين محمد وراكي ما سلمت عليه لحظه بسلم على زوجك .
ام عبدالله : هلا محمد هلا والله وليدي كيف حالك ؟؟مدري شفيها ساره متغيرة .
محمد: الحمدالله بخير يا خاله الله يسلمك .....اقول يعني انتي بعد لاحظتي انها متغيرة ..الحمدلله مو انا لوحدي.
ساره ترد بغضب : انا مو متغيرة ولا فيني شي .....هذه طبيعتي .
محمد: شفتي يا خالة شفتي كيف ترد ؟؟؟؟
ام عبدالله : اسمحلها يا محمد ترى ساره للحين جاهل ما تفهم الزواج ومسؤولياته انا راح اكلمها ان شاء الله.
محمد : خلاص يا خالة ...الحين تامريني شي .....بروح الوالدة .....
ام عبدالله : سلامتك يا وليدي جعلك سالم دايم .
محمد: يلا ساره ...نمشي ....؟؟؟
ساره : ايش ..نمشي ...انا توني جايه ؟؟؟
ام عبدالله : معليش يا محمد اسمحلي بس خلها تقعد عندي شوي وغداكم عندي انت وامك واختك ..رح جيبهم.
محمد: خير ان شاء الله .....بعد اذنكم ...
يخرج محمد وهو يشعر بالضيق من ساره ومن تصرفاتها .....انها عكس من كانت بخياله وعكس ماقالت مي ...لماذا يا ترى ؟؟؟؟
ام عبدالله : ساره شفيكي حبيبتي ..عسى ما شر ؟؟؟
ساره: مافي شي يمه بس احس اني تسرعت بالزواج هذا واحس اني ضايقه ...
ام عبدالله : متسرعه ؟؟؟؟!!!! ساره اللي يشوف عيونك وانتي تجهزين وسعادتك بمحمد والزواج ما يشوفك الحين ليه قوليلي ايش في ؟؟انتي ماكنتي تخبين علي شي ....
ساره تفكر فهي لا تريد ان تزعج امها كما انا قد حلفت لنورة بعدم البوح بشئ.
ساره: يمه مافي شي يمكن عشان هذه حياه جديدة .
ام عبدالله : بس يا بنتي عيب كذا....انتي عروس والمفروض تاخذون اليوم كله مع بعض مو من صباح الله وانتي عندي ...عيب الدلع هذا وبعدين نظراتك لزوجك ما اعجبتني ولا طريقة كلامك .
ساره: خلاص يمه ان شاء الله اوعدك اني بغير طريقتي معاه انتي بس لا تحاتين ....اقول وين عبودي ونوره ؟؟؟
ام عبدالله : عبدالله في دوامه ونوره لسه نايمه ....
ساره : طيب تبيني اساعدك بشئ يمه عشان الغدا .
ام عبدالله : لا يا عمري انا عندي الشغاله تساعدني بعدين انتي عروس لازم ريحتج تظل حلوة وكشختك بعد روحي ارتاحي بدارك.
ساره: تسلمين يمه الله لا يحرمني منك يا رب ....
وتذهب ساره الى غرفتها وتغلق الباب خلفها .وتفكر سبحان الله منذ ان دخلت هنا تغيرت نفسيتها ورجعت ضحكتها ....وتتسأل يا رب يعني انا ظالمة محمد ....لا ما ظلمته .....هذا كله قناع ....لازم اصمد . واكشف حقيقته .
.............................. .............................. .............................. .............................. .....
يدخل محمد من الباب ويجد امه جالسه في الصاله وبجانبها مي .
محمد: السلام عليكم ...
تلتفت ام محمد باستغراب ومي ايضا وبصوت واحد : محمد
محمد: شفيكن محمد مو جني
ام محمد: عسى ما شر في شي ؟؟؟؟؟
محمد: ماشر بس ليه اشفيكم مستغربين!!!!!!!!! حرام اجيكم ؟؟؟
مي : لا مو حرام ...بس ....ماتوقعنا بهذه السرعه ...في شي صار شي ؟؟؟؟؟
محمد: رجعن يقولن في شي .....يا جماعه مافي الا العافيه ....
وقبل امه واخته ويبتسم ...
محمد: يحليلكن شكلكن يضحك وانتن خايفات ومستغربات ...المهم انا جيت اقول ترى خالتي ام عبدالله عازمتنا على الغدا عندها .
مي : طيب وين ساره ليه للحين بالسياره ؟؟؟
محمد: ساره مو بالسيارة...نزلتها عند امها ..
مي : ليه ؟؟
محمد: لا بس قالت تبي ترتاح ...وانها مشتاقه لامها وبس .
مي : غريبه ....مو خابرة ساره كذا .
ام محمد: اقول بسك عاد يا المحقق كونان ....امسكي لسانك شوي ....على راحتهم . تعال يا وليدي ارتاح تبي تاكل شي .
محمد: لا سلامتك يمه بس ابي ارتاح في غرفتي شوي ....الا اقول وين مشعل ...؟؟
ام محمد: والله مدري شقولك يا محمد ....اخوك من امس بالعرس بالليل ما شفته مدري وين راح ..اتصل وقال لا تنتظريني بتاخر وشوفة عينك للحين ما جاء .
محمد: تلقينه سهران مع ربعه ونام بديوانيه احد منهم .
ام محمد: راح يتعبني هالولد الله يستر منه ...ياليته طلع مثلك ...لا عنده خرابيط ولاشي .
محمد يبتسم : لا يمه انا فريد من نوعي ما يجي مني .
مي : اخاف صدق بس اقول لا تغتر .....مدري على ايش شايف حالك ....انا اللي مافي مثلي .
ام محمد: بس عاد كلكم مافي مثلكم الله يخليكم لي .
.............................. .............................. .............................. .............................
تستيقظ ساره من قيلولتها التي استمرت ساعه ونصف فقط وتنهض من سريرها . وتخرج من الغرفه لتجد نوره امامها .
نوره : سمالله هذه انتي ساره ولا اتخيل ؟؟؟؟
ساره : لا ما تتخليين هذه انا بلحمي وشحمي ...هههههههههههه
نوره: وش تسوين هنا ....لا يكون صار شي ...لا يكون فيك شي مو مضبوط ؟؟
ساره: لا ان شاء الله مافيني شي شفيكي وش قصدك ؟؟
نوره: لا ولاشي ...والله ما يندرى عنكم ؟؟
ساره : لا عادي نوره بس نزلني محمد هنا تعبت وابي اشوف امي .
نوره : الله يا دلعكن انتن يالبنات .....والله الشره على الرجاجيل اللي سامحتلكم .
ساره: عادي وش فيها هذه ؟؟؟
نوره : اسمحلي بس وحده بذكائك يا ساره ما تسأل هالسؤال ؟
ساره: ليه؟
نوره : في عريس يخلي عروسته تروح لامها من صباح العرس معقوله ؟؟؟
ساره: انا قلتله ...
نوره : يحليله وهو ما صدق على الله على طول .
ساره: ليه فيها شي ؟؟؟
نوره: لا مافيها شي الا اذا هو يبي الفكه ومشتاق لحد ثاني يبي يشوفه ....
ساره تنصدم لرد نوره ...وهي اللي اعتقدت ان محمد طيب عشان وداها امها ....الحمدالله ان نوره فتحت مخها ....اكيد يبي يشوف حبايبه ....خصوصا اني ما عطيته وجه امس عشان كذا ...
نوره: ساره وش تفكرين في ...وين رحتي؟؟؟
ساره : لا سلامتك ...بس الله ينور عليكي يا نوره .
نوره : والله ماني فاهمه شي بس تعالي خلينا نروح لامك ..
ساره : يلا انا وراك .
ام عبدالله : هلا بالبنات ......يلا كل شي ترى جاهز الحين بيجون اهلك يا ساره ...روحي البسي .
ساره: ان شاء الله يمه ..عن اذنك
نوره : مين اللي بيجي يا خاله ؟؟؟
ام عبدالله : اختي ام محمد ومحمد ومي بيتغدون عندنا .
نوره : اها حياهم الله ....تحتاجين يا خاله شي...؟؟
ام عبدالله : لا سلامتك يا بنيتي ....انتي روحي ارتاحي الله يعينك على حملك .
نوره : أي والله يا خاله والله تعبني هالحمل مرررررررة .
ام عبدالله : الله يهون عليكي بالسلامة يا رب .
ويضرب الجرس ...........ليعلن وصول محمد وامه واخته ..وبالصدفه عبدالله معهم .....
نوره : عن اذنك يا خاله بروح البس واجي .
ام عبدالله : الله معك ..
وتذهب ام عبدالله لترحب بضيوفها ....
ام عبدالله : هلا والله حيالله من جانا ...
ام محمد : هلا فيج ...ومرحبا .....وين عروستنا .
ام عبدالله : راحت تكشخ لكم لازم ....ههههههههههههه
مي : ما يحتاج ساره قمر ماشالله عليها .
محمد: في هذه انا اشهد ههههههههههههههههه...
ويضحك الجميع ويتوجهون للصالة .
تأتي ساره اليهم وهي مرتديه فستان جميل وناعم بلون البنفسج وشعرها في تسريحه جميله وناعمة و مكياج خفيف ولكن جميل جدا ....
ينظر اليها محمد ...ويكاد يأكلها بعينيه ....ويحمد ربه لان هذه الحوريه هي زورجته ...ويشعر بالزهو وهو يرى نظرات الاعجاب من الجميع.
ساره: السلام عليكم ...
ام محمد: هلا والله ببنيتي ...
مي : اهلييين بالعروس .
عبدالله: هلا والله بسارونه .
يجلسون معا ويتحدثون وساره لم تنظر الى محمد سوى نظره واحده واخذ يبتسم لها ولكنها لم ترد الابتسامه .
واخذت تضحك مع الجميع خصوصا اخوها الغالي عبدالله . ومحمد يستغرب هذه الشخصيه الغريبه التي هي زوجته وكيف تعامله باختلاف عن غيره.
تنزل نوره يذهب محمد وعبدالله الى صالة الرجال وتلقي عليهم التحيه ....وياكلون وجبة الغدا وتنتهي هذه الزياره ....وتنهض ام محمد ومي .
ام محمد : يلا ساره نا بنروح ننتظرك مع محمد بالسيارة .
ساره: ان شاء الله خاله .
وبعدما يذهبون تلتفت نوره الى ساره بعد ان ذهبت ام عبدالله معاهم .
نوره : وليه ما يرحوا مع السواق ان شاء الله وانتي ترجعي مع محمد لوحدك ..؟؟
ساره : مدري عادي ...يمكن لانهم جأوا مه محمد .
نوره : والله مدري شقول بس الله يعينج يا ساره اذا هذي اولتها ينعرف تاليها .
ساره : والله شكلك انتي اللي تخوفي يا نوره .
نوره : يا حليلك والله انك برئية . اقول روحي لا تتأخرين... مع السلامه
تذهب ساره وهي تستغرب كلام نوره ..... تشعر انها بدأت تعرف الدنيا احسن .
تخرج ساره يركبون السياره معا ولم تتحدث بل كانوا يستمعون الى شريط محمد عبده اللي مشغله محمد وهي اغنيه ....((الله عليها نورت ))......وكان ينظر الى ساره بالمرأة بالخلف ..لان امه جالسه امام .
مي : اقول اخ محمد هل تهدي هذه الاغنية الى احد معين ؟؟؟
محمد: ما يحتاج اكيد يعرف حاله اللي اهديها له .
ساره : تنظر الى الاسفل ولا تنظر الى المرأة .
ام محمد: يا حليلكم الله يخليكم لبعض ان شاء الله .
وصلوا المنزل ...وصعد كل الى غرفته .....وعندها مسك محمد يد ساره ...
ساره : شفيك ؟؟؟
محمد: سلامتك بس بوريكي غرفتك اقصد ..غرفتنا .
وهو يبتسم لها بخبث .
تسكت ساره وتتركه يقودها الى غرفتهم في الطابق الثاني بجوار غرفة مي ومشعل ...
المزيد من حياتهم في داخل هذا البيت في الفصل التاسع .....
&&الفصل التاسع %%
