أحببتك يوماً ....!

الجزء الرابع

جوهره : ابويا يناديك نايف
جوهره : اشبك ياخوي المفروض تكون مبسوط مو دي الجامعه الي نفسك تدرس فيها وتكمل دارسك فيهاا
نواف : مو مرتاح للسفره دي احس بيصير شي
جوهره : لا تخاف مراح يصير شي  وبعدين احنا بخير
نواف : طيب 
يدق جوال جوهره ونواف قدامها وخلته صامت مين الي يتصل عليك ردي هذي صحبتي عادي اتصل عليها بعدين وهوا أساساً تركي صار له اكتر من يوم يتصل وماترد
جوهره متى بتسافرو طيب ؟
نواف :  بعد بكرى
جوهره : اها
-نواف : بروح اجهز أغراضي
جوهره : طيب وانا بكلم صحبتي
يتصل ربم غريب وتحسبه تركي : آلو
آلو جوهره كيفك ايش مسويه
بخير الله يسلمك صوتك مو غريب على وجدان صح
وجدان : صح مشاالله متذكره صوتي
اكيد هذا رقمك
لا رقم تركي التاني
اها
وجدان : بس حبيت أبلغك تحظرو خطوبه اخويا نهايه الشهر دا بلغي خالتي ضروري تكون موجوده
جوهره كان أنكب عليها مويا مثلج تقصدي اخوكي تركي
وجدان : ايوا اشبك
جوهره : لا ولا شي يالله مبروك ياقلبي بس مين سعيده الحظ
وجدان : كيف ؟
اقصد العروسه نعرفها من العايله
اكيد بنت خالنا عبدالعزيز
اها مشاالله خلاص راح أبلغها ولا يهمك
وجدان حست إنّو جوهره مسرحه لازم اكمل الخطه ولا بتذبحني امي دخل تركي وجدان ايش تبغي بس بسرعه
مبروكك ياعريس ملكتك نهاية الشهر امي وافقت
لا ايش نهايه الشهر دا ابغاها نهايع أسبوع الجاي
اخوي مايمدي للعروس تتجهز
انا قررت وقولي لامي تركي يقول بعد أسبوع وخليها تكلمهم وتقولهم
وجدان بينها وبين نفسها سامحيني ياجوهره مسكين اخوي يحسب امي وافقت على جوهره وهيا بتزوجه بنت خالي
على طول هنا قفلت الخط جوهره وجلست بنوبه بكاء وتأكدت ان تركي بعمره ماحبها
تركي : بيتصل يقولها انه بيخطبها بعد أسبوع بتصير حلاله
ولا جوال جوهره يتصل ويطلع تركي : آلو ليه  تتصل بدا الوقت
ليه اتصل ؟ ايش صاير معاكي وليه تكلميني بدا الأسلوب
جوهره : ولله وكيف تبغاني اكلمك مثل اول؟ ويعدين انا وانتَ مستحيل نكمل بعض ولا عاد تتصل علي بعد كدا
ليه ايش سويت انا ؟؟؟؟
جوهره : طيب انا بقولك ايش سويت بس مو محتاجه اي تبرير منك
تركي : طيب بس قولي ايش مسوي انا ؟؟؟
جوهره: تذكر الأسبوع الي فات يوم كنت اكلمك وكنت أبغى نتقابل قلت لي انك طالع المزرعة مع اصحابك وقلت لك خلاص بعد ماكلمتك طلعت للمول انا اختي وصحبتي وتتوقع مين شفت بالمول
تركي : مين
شفت حظرتك بالمول والضحكة شاقه الوجه ومع بنت ولا ماسك يدها
تركي : انا ؟ وتذكر شافتني مع سحر الله يقلعك ياسحر
لا اجل شبيهك 😠 ايوا انت واكبر دليل كنت لابس التيشيرت الي هديته لك بس ماخليتك تشوفني لانه بوقتها جاني فضول اعرف مين البنت الي معاك وتمنيت تكون وحده من خواتك مو مهم المهم انا الحين بنسبه لك نزوه وراح تعدي صدق واحد مريض انا كيف صدقتك كيف وثقت فيك كذبت الكل وحسبتك غير عنهم بس طلعت مثلهم ليه سويت فيني كدا طلعت مثل أمك تكرهني وبتنتقم مني انا ايش ذنبي أمك هي السبب بكل الي صار بحياتنا مراح أسامحك بحياتي
تركي : مصدوم كيف سمعت دا الكلام 😦 انتِ فاهمه الموضوع غلط
غلط ؟ سمعتك جالس تتكلم لها عني وكنت مبسوط لأَنِّي نزوه ولا عمرك حبيتني بحياتك بس من اليوم ومن بعد دي المكالمة انتَ بنسبه ليا ماضي وذكرى ماتت
واكرهك ياتركي ومستحيل اكمل حياتي معاك
تركي : جوهره خليني أفهمك الموضوع
وقفلت الخط وهيا منهاره تبكي كيف صدقته قال لي نواف تركي لعاب حق بنات وخربيط بس كذبته
تركي : سحر بنت الكلب كانت عارفه إنّو جوهره بتروح للمول وعشان كدا جلست تسوي حركات مالها داعي وجلست تسألني عن جوهره كانت عارفه بس عشان تنتقم مني ......
**************
* سحر تعتبر حبيبت تركي وعشان تركي تركها بتنتقم منه *
**************
تركي : اتصل على سحر
سحر آلو حبيبي كيفك اكيد وحشتك
تركي وهوا معصب : اسمعي يابنت الكلب زي ماخربتي علاقتي مع حبيبتي راح اخرب حياتك اكرهكك حياتك
سحر بخوف وتتصنع انها مو خايفه : ماتقدر تسوي شي
تركي : بتشوفني والاتنسين انا عند كلمتني 😡
وقفل الخط وهوا معصب 😡
نرجع لبطلتنا جوهره ...........
جوهره : اول مره احس أني مخنوقه وتبكي حست بصداع وجوع وضغطها نازل وهيا نازله من الدرج والكل كان في الصاله الا ابوها كان جاي من الاستراحه وبوجهه يشوف جوهره تطيح من الدرج
سعد (الأب ) : جوهره بصوت عالي خلى كل الي بصاله يفزون وينفجعون ايش فيها جوهره أمها جمدت بمكانها خافت إنّو بنتها ماتت وصمود وتولين يصيحون شالها نواف وطلعو نواف وأبوها وامها وتولين وصمود مع نايف
ودوها للمستشفى وقالو انها ضغطها نازل ومو ماكله شي
سعد (الآب ) : الحمدالله يعني مافيها شي
الدكتور : لا مافيها شي خطير تطمن
اما عند الكل فكانو مستغرب : ماكان فيها شي ايش نزل ضغطها
نواف كان يكلم نفسه هيا بعد مااتصلت عليها صحِبتها نزل ضغطها لايكون لسى تكلم تركي ؟
نواف : جوهره الحمدالله على سلامتك خلاص نايف خذ امي وأبوي وصمود وتولين وانا ارجع مع جوهره بس اخلص إجراءات المستشفى
طيب اخوي
الام : ماراح أتحرك وإلا جوهره معايا
جوهره : يما انا مافيني شي لا تخافين علي وتعرفيني انا اكره المستشفى وريحته ارجع مع نواف لا تخافين علي فديتك
طيب ياعمري نواف لا تطول وانتبه لطريق طيب حبيبي
نواف : من عيوني يالغاليه
بعد مااروحو كلهم ......
نواف جلس بطرف السرير وبجنب اخته جوهره عينك بعينك انتِ كل الي صار لكِ بسبب تركي صح
جوهره حست بخنقه
لايكون لسى تكلمينه لحد الحين
لا
انا عارف إنّو كل الي فيكِ منه قولي لي انا اخوكي
وهيا هنا  ودها تقوله ونفجرت بكاء وتصيح
هنا نواف راح تفكيره بعيد ! وعصب وجن جنونه
سوى لكِ شي قرب منك تكلمي
صارت تبكي وتتكلم ذبحني وكسرني كلو لأَنِّي حبيته وكذبت الكل وثقت فيه بس طلع مايستاهل انا ودي اموت ولا احس بدا الإحساس
ليه ماخليتوني اموت يانواف انا احبه ولله ما استاهل منه كل دا اكيد أمه هيا ورى كل شي بس هوا مستحيل يعصي أمه
نواف : جوجو حبيبي بشويش مو فاهم شي ترى