مدونتى

❤

إحساس جميل أوي إنك تلاقي إنسان يفهمك ، يحسك ، يكون جزء من روحك                     .. يكون ليك أكتر منك ..

تفگيركم واحد ، مع إنكم بعاد عن بعض.
لو غبتم عن بعض بيكون كل تفكيركم ،
                   "  هو "                              
  يا ترى هو بيعمل إيه دلوقتي ؟...

  هو كويس ؟ ...

طيب أكلمه ؟؟ لا لا ممكن يكون مشغول وأنا مش عايز أشغله ..
منا ممكن أكلمه وهو يفرح حتي لو كان مشغول !!

حاجات كتير بنفكر فيها ، أغلبها بتكون مشاعرنا فيها متناقضة ..
يا نعمل ،  يا مش هنعمل ٠٠

بس مع كل التفكير والتساؤلات ،، إلا إننا بنكون مبسوطين إننا ممكن نكرم الشخص ده بأقل حاجة وهى إننا بنفكر فيه ☺☺

مش عيب ولا حرام إنك تكون أنانى في حبك ... بس لو أنانيتك هتيجي علي سعادة الشخص اللي بتحبه ،، ده مش هيكون إسمه حب ، ده تملك ... خلي أنانيتك معتمدة علي رسمك البسمة فوق شفايفه ،، و لمعة العيون بتنبض كلها فرح وحب..

حاولوا علي قد ما تقدروا تحافظوا علي الإنسان اللي بتحبوه ..

حافظ عليه منه ومن نفسك ومن كل اللي حواليكوا ..

حسسوا بالأمان حتي لو مش محتاجلك..

طمنوا إنك جمبوا لو مهما حصل إيه ..

فهموا إنه جزء منك ،، فيه حد ممكن يستغني عن جزء منه ؟

أقنعه إنه روحك ،، حد ممكن يتخلي عن روحه؟

خليه يأمن فيك وإوعى في يوم تجرحه..

#shahi
24/9/2016
1:26 am