مدونتى

لما اليأس

ليه نيأس وإحنا عندنا من نعم ربنا كتير سواء كان أهل ، أصحاب ، مال ، مكان يأوينا ،،، ثياب تكسينا ...
حوالينا نعم كتييييير أوى ،،، ليه نيأس لما نحس بالذنب ... بالعكس دى نعمة لذيذة أوى ،،، ليه نيأس لما نلاقي إننا جسديا كويسين ....
ليه نيأس من كل حاجة حوالينا ،،، أنا بقيت بشوف مناظر ،،، تخليك تحمد ربنا من دلوقتي لأخر عمرك علي نعمة واحدة تملكها ....

لما إحنا نيأس ، إيه ذنب الأطفال اللي بيقضوا حياتهم في المستشفيات ،،، ومع ذلك مش بيستسلموا للمرض ، دول دايما بيبتسموا ومتفائلين لدرجة تخلي الإنسان يخجل من نفسه ..

بنشتكي من حياتنا وهى مفيهاش ذرة مشاكل تساوى مشاكل غيرنا ..

ابتسموا دايما وخليكوا متفائلين ،،، ليك ولروحك وللناس اللي حواليك ..
استقوى بالله علشان تقدر تكمل حياتك ..
كل أما نحاول نستسلم من مشاكلنا ،، خلونا نبص لمشاكل غيرنا وإحنا هنعيش ....
#Shahi
10/10/2016
11:30