ضياء 👦
في اليوم التالي ذهب ضياء الى منزل عيسى
ضياء : صباح النور
عيسى: قصدك ضهر النور 😂
ضياء: ههههههه
عيسى : فاتتك البارحة سهر ووناسه وبنات وكلشي موجود
ضياء: اها
عيسى: اليوم لازم تجي ويايه
ضياء: ان شاءاالله
عيسى : انتضر اغير ملابسي ونروح للنادي نتمرن
ضياء : اوك
ذهب عيسى وضياء الى النادي وبعد ان انتهوا من التدريب ذهبوا للكوفي
عيسى : هذا المكان يسون بيه نركيلة تحفة مادري بس احسها تختلف .. انزلك وحدة
ضياء : لا شكرا
عيسى : ادخن!
ضياء: لا الحمدالله
عيسى : شبيك انت ..اخذ راحتك واعتبرني صديقك
ضياء: اصلا ماادخن اني
عيسى : اوك براحتك .. المهم ركز ويايه
ضياء: بشنو
عيسى : بااااارتي وبناااات ودياحة ووناسه من هاي الي تعجبك
ضياء: اها
عيسى :اي شبيك هيج بارد اكلك بنات صاكات فدشي اشطح
ضياء : اي اي
عيسى: انت عندك حبيبه او صديقة
ضياء: لا ماعندي
عيسى : عندي هوايه اذا تريد احولك
ضياء: لا مااحتاجهم خليهم الك
عيسى : والله شكلك يوحي انك طاك ..شجابك على هذا الشغل
ضياء: محتاج للشغل وجيت عليه
عيسى: وين جنت تشتغل قبل
ضياء: مدير شركة
عيسى : والله هاي الاناقة والترتيب واضحة عليك .. اي وليش عفت الشغل
ضياء: خسرت شركتنا واضطريت اشتغل
عيسى : هاااا ..الله يعوضكم طلعنا نفس الشي بس احنا بعدنا ماخسرنا شركاتنا بس ان شاءالله نخسر
ضياء: وليش تريد تخسر
عيسى : راح يجي يوم وتعرف ليش
ضياء: اوك
عيسى : خلي نروح نلعب بولنغ بليارد لان ضوجه هنا
ضياء: اوك ..
في المساء ذهب عيسى وضياء الى احد الحفلات ..كان عيسى يرقص والبنات في معه .. اخذ كأس من النبيذ وجلس بجانب ضياء وكانت معه فتاه جلست بجانبه
عيسى : شرايك بالمكان
ضياء: حلو حلو
عيسى : روح اختارلك بنيه احسن ماكاعد وحدك
ضياء: لا خليني يمك احسن علمود انتبه عليك
عيسى : لا لا روح شوف طريقك وخليني اشوف هاي الصاكة الي يمي ..ولتصير لزكة اريد اخذ راحتي
ضياء: اوك رايح اني ..
اشرف 👦
دخل اشرف الى المطعم وهو يبحث عنها عنها وعندما وجدها ذهب اليها
اشرف: مساء النور
اسراء: حياتي مساء النور .. يالله كلش كلش مشتاقتلك
اشرف: اني اكثر
اسراء: حياتي فرحان مثلي لان شفتني
اشرف: اي كلش كلش فرحان لان شفتج واتمنى كل يوم اشوفج وامتع نضري بيج
اسراء: وان شاءالله بعد كل يوم تشوفني
اشرف: شنوو
اسراء: اي حياتي كل يوم تشوفني ونكعد وحدنا هم نكدر
اشرف: مادافتهم
اسراء: تعرف صديقتي الي حجيتلك عليها مو
اشرف: انتي هوايه تحجين ياهي منهن
اسراء: شبيك انفال هاي الي كانت ويايه نفس المدرسه
اشرف: اي اي اعرفها شبيها
اسراء: مو هنا موضوعنا
اشرف: لعد وين الموضوع اختصري لان مدفهم
اسراء: اوك راح اختصر
اشرف: اي فضينا
اسراء: شوف اني جنت احجي ويا انفال وحجتلي انو هي لاكيه شغل وتطلع من الصبح ومترجع الا الساعة 8 واني فكرت بكلامها ولكيت فكرة تجنن وقررت اني هم ادور على شغل يعني بالاسم شغل واكضي وياك اليوم كله
اشرف: شنو اسم المكان الي تشتغل بيه انفال وشنو تشتغل !!
اسراء: حياتي شبيك اني وين احجي وانت وين تحجي
اشرف: انتي مو تردين تشتغلين ويا صديقتج اريد اسأل علمود اشوف المكان وين
اسراء: لا اني ماراح اشتغل بس راح اكول لاهلي اشتغل واكضي اليوم كلة وياك
اشرف: لا حياتي مااقبل تجذبين على اهلج بسببي وحرام
اسراء: اني مضطرة لان اشتاقلك ومااعرف شنو اسوي
اشرف: اي حياتي احنا مو دنتشاوف
اسراء: اي كل اسبوعين يلا تخليني اشوفك
اشرف: ياحياتي اخاف عليج اني
اسراء: ماطلعت هاي وشنو تخاف عليه .. اهلي الي هم اهلي محد يسأل عليه ولا يخاف عليه
اشرف: اسراء سوالف مكسرة مااريد اني واحد اخاف الله لو تسمعين كلامي لو تسمعين كلامي وحل ثالث ماكو كدامج فاهمة ورايح للبيت اني واتخذي قرارج وخلي في بالج اني رجال وماالعب على البنات ولا استغلهم
اسراء: اكعد خلي نكمل كلامنا
اشرف : ماعندي كلام وياج اني .. خرج اشرف
اما اسراء فكانت تكلم نفسها : اني غبيه واكبر غبيه هم .. يعني يحبني ويخاف عليه ليش ادور مشاكل .. مو همزين لكيت احد يحبني .. خلي ارجع للبيت احسن ...
أنت تقرأ
مختلفة فأحببتها
Romanceبين لحظة واخرى سينتهي ما كنت تتوقع انه سيدوم وستبدا حياة تختلف كثيرأ عن تلك التي كنت تعيشها ستصحوا يوما وتجد نفسك شخص اخر وشخصية اخرا لم تكن تعدها ولا تتوقع ان تكونها
