رن جرس المنزل ولان ميس وانفال كانت تجلس مع اشرف وسديم والجدة يجلسون مع الضيوف اضطرت ضياء ان تذهب لتفتح الباب لان الجميع كان مشغول وهي تريد ان تتركهم بأي شكل لكي لا يميزوها ويعرفون ضياء وخصوصا ان والدي اشرف التقوا بها باكثر من مرة .. عندما فتحت الباب انصدمت بوجود عيسى
عيسى: هلو
ضياء: هلا 😦
عيسى: ضياء موجود
ضياء: ااه لا لا ماموجود
عيسى: وين راح واليوم مو زواج اخته
ضياء تمالك نفسها وجمعت قوتها ونعمت صوتها قليلا : منو حضرتك
عيسى: شكلج مو غريب عليه .. صوتج هم مألوف
ضياء: محتاج شي حضرتك
عيسى كان ينضر لها وكانت ترتدي فستان لونه وردي وطويل مع اكمام شفافة ومكياج كامل جعلها تبدو جميلة جدآ
ضياء:محتاج شي
عيسى: اي اي اريد ضياء
ضياء: ضياء ماموجود
عيسى: انتي شتصيرين منه اكيد اخته
ضياء: اي
عيسى اخرج المحفظة من جيب بنطاله ومدها لضياء: انطيها لضياء لان نساها يمي
ضياء اخذتها: ماشي .. ودخلت للمنزل بسرعة واقفلت الباب اما عيسى فكان واقف ويفكر اين رئى هذه الفتاة من قبل
ذهبت ضياء للغرفة وطرقت الباب وخرجت ميس
ضياء: لساعهم كاعدين
ميس: اي
ضياء: كافي يلا خلي يروح لبيتهم
ميس: دز جديتي تتفاهم وياه ترا بزعني
ضياء: ليش شسوة
ميس: يريد يكعدون سوة
ضياء: اوك اني اتفاهم ويا جديتي
تكلمت ضياء مع جدتها .. ضياء ذهبت لغرفتها عندما كانوا يريدون ان يغادرو
يحيى: ميس يمكن اموت اني
ميس: وشدخلني بيك
يحيى : مو ذنبي والله .. ليش اتحاسب بذنب غيري .. ليش انتي وياهم عليه
ميس: اللعبه الخسرانه لتراهن عليها ..احنا الي بينا انتهى ومن زمان وروح بحالك وعوفني بحالي
يحيى : اوعديني ماراح تزوجين وتنتضريني لحد ماالله يهدي اهلي عليه
ميس تركت يحيى ودخلت الى المنزل ..
سديم غيرت ملابسها وذهبت لتتكلم مع انفال
سديم : اي عروستنا عجبج العريس
ميس دخلت الغرفة : انتضري لتحجين الا اني اجي
سديم : احجي يلا
ميس: اي شلون شفتيه
انفال: اني مااريدة
ميس: شنو متريديه
انفال: هذا الشخص مااريد اشوفة بعد
ميس: ليش حبيبتي ماعجبج ..سوة شي يضوجج
انفال: لا
ميس: لعد ليش
سديم: شوفي هاي نهايه الي يسوي شي ومامقتنع بيه .. ادمرت حياة البنيه
ميس: سديم رحمة لاهلج طلعي برا خلي افتهم منها
سديم: ذيج المرة هم طلعتيني وحجيتي وياها وهسة غيرت رئيها
ميس صرخت بسديم وسديم احترامآ لها خرجت من الغرفة
ميس: احجي شصار ليش متردين
انفال بدءت تبكي
ميس احتضنتها: ليش تبجين واحجي شصار
انفال: تدرين هو نفسة الي جان يضوجني ويطلب مني طلبات
ميس: اهااا
انفال: اني مااريدة
ميس: ليش احجيلي شصار بينكم وليش من شفتيه غيرتي رئيج
انفال: خلي يولي مااريدة
ميس: احجيلي ليش ..اقنعيني بسبب علمود احجي ويا ضياء وندبر الموضوع وماطول ابدايته
انفال: هذا اذا تزوجنا يضل كل شويه كومي جيبي شي الي وماراح يريحني وبس يصخر بيه
ميس: هو هذا السبب
نفال: اي
ميس: سبب تافه
انفال: لاااه مو تافه وبعدين متدرين بيه من جان يكعد شكد يطلب ولج بعدني مارايحة يرجعني وخبلني واني من وراه عفت الشغل
ميس: حبيبتي انتي فاهمة غلط .. هو لان يحبج ويريد يبقيج يمه ويشوفج لذالك كل شويه يطلب منج شي واذا سالفة الطلبات مضوجتج من هسة نكلة يجيبله خدامة وخلي تنفذ طلباته وابوج الله يرحمة
انفال : امممم
ميس: انفال ترا ماادري بيج هيج عقلج صغير
انفال : عقلي مو صغير
ميس: لا والله صغير وصغير هم ومرة ثانيه احجيلي الي يلا تصرفين ماشي
انفال : ماشي ماشي
ميس: عجبج شكلة
انفال : ماشفته
ميس: ليش
انفال : استحيت لا وفوكاها انطاني رقم تلفونه
ميس: ويييييه نسيت انتي متستخدمين تلفون
انفال : مااريددة لان يأذي العيون ويلهيني عن دراستي
ميس: وين ضامة تلفونج الي جابته ضياء الج العام
انفال: شتسوين بيه
ميس: نطلعة علمود تحجين بيه ويا اشرف
انفال: بس اني مااريد تلفون
ميس: مو مشكلة لتستخدميه بس من تتصلين على اشرف
انفال: مااريد
ميس صرخت : انفال لتخبليني وكومي طلعي التلفون لو هسة احرك روحي
انفال: اوك هسة اطلعة
اخرجت هاتفها وفتحته وادخلت رقم اشرف
ميس: اتصلي عليه وكوليلة هذا رقمي
انفال: استحي
ميس: مو شكال عوفي التلفون ونخمدي
انفال: تصبحين على خير
ميس: كيفتي وكبل تصبحين على خير .. نامي نامي .. وانتي من اهل الخير
أنت تقرأ
مختلفة فأحببتها
Romanceبين لحظة واخرى سينتهي ما كنت تتوقع انه سيدوم وستبدا حياة تختلف كثيرأ عن تلك التي كنت تعيشها ستصحوا يوما وتجد نفسك شخص اخر وشخصية اخرا لم تكن تعدها ولا تتوقع ان تكونها
