من يحس بضيقتي وقت الشدايد
غير قلب الأم بالطيبة رحوم
تستحق أمي تغنيها القصايد
تنجلي في شوفها كل الهموم
هي مثال للكرم وأهل العوايد
كالبدر يا اللي حوالينه الغيوم
مدرسة أخلاق وافعال وشهايد
لا خليت أمي ولا ساعه ويوم
مايعيض الطفل حضن أو وسايد
غير حضن الأم ما يهنى بنوم
اعتقد لاشك وافهمها وكايد
من خسر أمه جنى الأحزان دوم
من فضلها نلت خيرات و فوايد
كل نجاحي بنسبه لأمي عموم
ما منعني شي لو كنا بعايد
لج وسام خالد زادج عزوم
لو كتبت من الشعر حرف ومدايد
ما وفيت الحق و أوصاف وعلوم
لاعدمتج يالغلا هاذي وعايد
في حنايا الروح ي القلب الرحوم
