#قدام مدرسة للبنات
رواد واقف جنب بنته قال بطفش : حبيبتي غاده انتي رحتي للروضه هم نفس الروضه بس متطورين شوي خلاص ادخلي المدرسه وفكيني من صياحك
بصياح : والله مادخل خاايفه بابا.
نزل نفسه لها : ياعيون بابا مو جايك شيء من وش خايفه؟
سكتت وهي تناظر بعيونه ،تافف هو منها وشالها معاه
؛ خلاص مافيه اليوم بوكرا تروحين
غاده بهدوء وهي تدفن نفسها بصدره : طيب
ركبها السياره وهو حاس بغبنه من بنته العنيده
: سمعتيني بوكرا بتداومين وبتروحين مع السواق بعد
اعترضت ؛ لا بابا انا اخاف لحالي تعال معاي
رواد بعصبيه وهو يمسك الدركسون : غاااااده انا كلمتي ماغيرها وبوديك لبيت جدتك اليوم
قربت منه : ليش؟
بعد فتره قصيره وقف رواد : خلاص غاده انزلي واخذي اللي تبغينه وبجي بعد شوي اخذك
نزلت وهي مكسور خاطرها من ابوها الي من بدا اليوم وهو يصارخ عليها
لاحظ رواد حزن بنته ،بس ماهتم كثير تعب منها ومن دلعها
شافها دخلت .. زفر براحة وحرك متوجهه لبيت مجهول
وابتسامه بسيطه شقت طريقها لشفايفه فعلا
يسوق بسرعه كبيره، مو متحمل مشتاق بشكل كبير
وقف قدام باب البيت وهو يتنهد بخوف .. خايف يلقى عكس الي يبيه
خايف ينرد وينكسر قلبه وتختفي البسمه منه
خايف من كل شيء يتعلق بهالبيت كان متحمس وانطفى حماسه
حس بشخص يضرب زجاج اللي جنبه ،نزل الطاقه وهو يناظره
ابتسم باستنكار : رواد؟ حياك وشفيك واقف هنا؟
بادله بابتسامه مغصوبه : الله يحيك "نزل" هاه بشر وئام وشسويت بالمدرسه هالاسبوع اشوفك ماداومت
وئام وهو يمشي متجه للبيت وراه رواد الي يناظر بظهر وئام الضئيل
: جايين معلمين زي الزفت والله.
رواد : افاً ،ليه ؟
وئام بضيق يفتح المجلس : ابدا، حياك تفضل بنادي الوالد يجيك بس ثوانيّ.
دخل رواد وهو يتنهد للالف وماهي ثواني الا دخل ابو وئام بوجهه البشوش
: يالله حيه زارتنا البركة يولد حياك حياك ياهلا والله ، ياااوئام ياولد قول يجهزون القهوه والشاهي
رواد : لا والله مانبي كلافه يابو امجد انا جاي بس اطلب منك طلب واتمنى مانرد
استغرب ابو امجد "ابو وئام" : امرني يابوك وان قدرت عليه تبشر من عيوني والله ولايردك الا الرخيص الي ماوراه خير قل ؟
