Destined Flame

Chapter 13

GREY left Cathy in the kitchen when they heard the door bell rang, he went to answer it. As soon as he opened the door his thick brows knitted together as he saw Carlos standing in front of the open door with a basket of fresh strawberries and a few jar of strawberry jam in his hand. Nasa iisang basket ang fresh strawberries and jam.

"Magandang umaga, sir, nandiyan po si Cathy?"

Mas lalong nagsalubong ang kilay niya sa narinig kahit pa ba magalang itong nagtatanong. He doesn't like the idea na may ibang lalaking naghahanap kay Cathy.

"Wala siya rito!" He lied and he doesn't even care.

"Carlos!" He flinched upon hearing Cathy's cheerful voice. Tinitigan naman siya ni Carlos at alam niyang kalakip ng titig na iyon ay panghuhusga.

"Hi, pasensiya ka na nga pala sa kahapon." Cathy apologized that made him want to curse.

"Ayos lang, dinala ko lang pala ito," itinaas nito ang basket na dala, " Iyong mga pinitas mo at ang ginawa nating strawberry jam."

"Wow! Thank you! Halika muna pasok ka, gumawa ako ng strawberry crepe, halika."

Kapag pumayag ang lalaking 'to na pumasok at makimeryenda babangasan talaga niya 'to.

"Naku, wag na!" Good.

"Sige na, Carlos, huwag ka ng mahiya." Hinawakan ni Cathy sa braso ang lalaki at hinila papasok. Naiwang napatanga si Grey.

Walang nagawa si Grey kundi ang bumuntong-hininga na lang. Sumunod siya sa kusina. Kasalukuyang nakaupo si Carlos sa mesa na nasa malapit sa kusina at pinaghahandaan ni Cathy ng meryenda.

Hinila niya ang silya at pabagsak na umupo.

"Go! Kain. Huwag kang mahiya, Carlos." Ani Cathy nang maupo sa kaharap niya. Masiglang-masigla ang dalaga.

"Kitten, gusto ko rin ng strawberry crepe." Matamis na ngumiti si Cathy sa kanya saka itinulak papunta sa kanya ang platong naglalaman ng strawberry crepe.

Pambihira! Si Carlos nilagyan sa plato tapos siya gan'on lang. Padabog siyang kumuha ng strawberry crepe saka inilagay sa plato. Gamit ang tinidor ay sumubo siya ng malaking hiwa ng strawberry crepe.

"Gawa mo talaga 'to, Cathy? Sobrang sarap!" Nasisiyahang ani Carlos pagkatapos sumubo ng crepe.

"Ngayon lang ako nakakain nito." Dagdag nito habang nginunguya ang laman ng bibig.

"Salamat. Bukas punta ka ulit gagawan kita habang nandito pa kami." Binagsak ni Grey ang tinidor sa plato saka sumandal at walang ganang nginuya ang laman ng bibig.

"Grey, problema?" Tanong ni Cathy nang mapunta ang busangot niyang mukha

"Nothing!" Sagot niya sa pagitan nang pagnguya.

Ang iritasyon niya ay nawala at halos mapahagalpak siya ng tawa nang sa kalagitnaan ng kanilang meryenda ay matapunan ng iniinom na juice si Carlos sa damit.

"Tanga!" Bulong niya pero sapat para marinig iyon ni Cathy at alam niyang narinig din iyon ni Carlos dahil sinamaan siya ng tingin ni Cathy.

Nagkibit balikat siya at kinuhang muli ang tinidor at nasisiyahang sumubo ng crepe.

"Grey, baka puwedeng pahiramin mo si Carlos ng T-shirt."

Nabitiin ang tangka niyang pagsubo at nakakunot-noo niyang sinulyapan si Cathy pero pinangdilatan siya ng dalaga.

"Huwag na, Cathy," tanggi ni Carlos. Mabuti at marunong mahiya.

Hinubad nito ang T-shirt. Napatuwid ng upo si Grey nang makita ang katawan ng lalaki. May malaking katawan ito at marahil dahil batak sa trabaho kaya perpektong nahubog ang katawan.