أينو وهي بتنفخ بملل : معلش يا بنات لازم نستحمل عشان نوريهم البنات اللي مش عاجبينهم دول ممكن يعملو إيه
كارين : اوووف والله معاها حق يا جماعة معلش نعصر علي نفسنا لمونة ونستحمل شوية
ساكورا : خلاص ماشي معنديش مشاكل
تنتن : اشطة عليكو
تيماري : ماشي
هيناتا : حاضر هعمل اللي انتو عايزينه
ماتسوري : بيس يا جماعة ، يلا بقا نمشي وكل واحدة تشوف شغلها
البنات : تمام
....................
رجعت هيناتا عالبيت لقت ناروتو قاعد بيتفرج عالتلفزيون ، هيناتا ببلطجية : مالك ياض متلقح كدا ليه
ناروتو برعب : عادي يا هنوتة يا حبيبتي بتفرج عالتلفزيون
هيناتا : طب قوم ياخويا اغسل الطبقين اللي ف الحوض جوا
ناروتو : حاضر قايم اهو أهيناتا أحبيبت قلبي
......................
رجعت تيماري البيت ، تيماري : شكشوووك انت فييين
شيكامارو : في ايه يا حاجة عايز اتخمد انا
تيماري : تعبانة من الحمل
شيكامارو بعصبية وهو ماسكها من دراعها : حمل ايه يا تيماري بطلي هبل بقا !
تيماري حست بالخوف من عصبيته ف سابته ودخلت قوضتها وهوا راح ينام
....................
تاني يوم ساكورا راحت عند ساسكي ، ساكورا بوش طماطم : ساسكي ممكن تناديلي كرونتي؟
ساسكي : اناديلك مين ياختي؟!
ساكورا : كرووونتي
خرجتلها كارين من القوضة : سوسكتي امواااااه الحلوة بزيادة بقا
ساكورا : كائن الكوووك بنت قلبي
ساسكي وهو باصصلهم بقرف : يا موحني
طلعلهم سوجيتسو كان هيغم عليه من المنظر بس ساسكي سنده ، ساسكي : ياعم الحج اقف بقا خلينا نشوف البلوة دي
سوجيتسو : دي بلوة بحق والله
كارين : تعالي يا بيبي اقعدي
قعدت ساكورا جمب كارين وجمبهم سوجيتسو وساسكي
ساسكي : ازيك يا ساكورا ايه اللي حدفك علينا
ساكورا : جاية اشوف كرونتي
كارين بدلع : تسلميلي يا سوسكتي
سوجيتسو : سوستتها؟
ساسكي : ياعم بتقولك سوسكتها
قامت ساكورا وهي بتودع كارين وبتحضنها : باي يا بيبي هتوحشيني
كارين : وانتي كمان يا قلبي سلام
مشت ساكورا ف سوجيتسو قال لكارين : ايه يا كارين انتو اتهطلتو ليه كدا؟ xD
كارين برقة : ليه بس يا سوجي بتقول كدا؟
سوجيتسو وهو مصدوم : سو إيه ياختي؟ -_-
كارين : بص يا سوجي انا لازم اروح اعمل شوبينج ناو تشااااو
وسابته وهوا هيتجن ومشت
....................
الأسئلة :-
تفتكرو الوضع هيفضل كدا كتير؟؟
جاوبو ومتنسوش الفوت 😉
