"انا اسمي الحجه ام حسن تجوزت صغيره يخالتي ،تأخرت كثيير لا حبلت و بس حبلت جبت حبيبي و إبني حسن و بس بكا عمرو ٦ سنين راح يلعب مع هالولاد في الحاره و اجت سياره و دعستو .. توفى ابني و هو بعمُر ٦سنين وبعد بفتره قلنا انا و الحج ابو حسن ان شاء الله الله برزُكنا بولد ثاني و يعوضنا بغيرو بس بعد بفتره ابوه تأثر كثير بحادث حسن و الله أَخذ امانتو من ابو حسن الله يرحمنا جميعاً و هيك يخالتي صرت كل يوم بعد وذان العصر انزل عالمنتزه و العب مع الولاد الصغار و اعتبرهم زي ولادتي....
الناس و العالم يخالتي بفكروني مجنونه بس أنا بس انزل و العب مع هالصغار بتزكر ابني و بشوفهم زي ولادتي .. والله يخالتي الضنا غالي والله". تصوير : نور عودة
من صفحة ناس نابلس
