Spoken Poetry Collection

Untitled

Gibaktas ko ang siot nga dalan sa imong pag paantos
Nga gihulga sa laang sa madulom nga kabuntagon
Kapintas sa kapakyas sa kaayo maoy imong gibalos
Gibinlan mog samad ning kasing kasing nga nag magul anon
Dili ko tuyo nga tibawon ang balawog sa kagahapon
Nga nalibkas sa kuyamoy sa imong pagka mabalhinon
nga ang naga too nga nabali sa imong pagka maluibon mihagsa sa tugkaran sa napasagdan kong kaugmaon
limtan ko nlang nga may bis-og nga dag-om sa pagmahay
kay wa nay paglaom human mubiya kanako ang kalipay
og diha anang mga bukton nga ikaw nagpa oraray makab-ot mo unta ang langit nga kanhi atong gipanginday
misyon ko ba kaha nga wa nay bili ning pagbati
bisan may adlaw pang musidlak ning kinabuhi
nga human ikaw mi biya sa daglit, mi tikyop ang kangitngit nahanaw ang akong langit
ayaw palandonga nga nalawos na ang bulak sa atong tanaman
hinumdumi katong katam-is sa saad nga atong gipanumpaan
og lingi-a ang katahom sa kagahapon nga imong gitalikdan
basin pa og imong mahandom og mubalik ka, sa akong kiliran
kay tiunay man akong nagmahal og nagpangga kanimo
nag paabot ako arun matuman ang atong mga damgo
og kadtong tanikala nga gibugto sa suwab sa kinaiyahan
bugkoson ta pag balik uban sa gugmang
way kataposan