Ako usa ka babayeng tangaon
Bisan makaulaw man syang paminawon
Pero ako dili jud ko maulaw muangkon
Nga ako usa ka babayeng tangaon
Kabalo ko, dili ra ako ang tangaon dire karon
Kabalo ko nga daghan ta nga sa gugma buangon
Daghan ta nga nasakitan ug way saktong rason
Undangon na nato ang pag-uwat-uwat sa atong kaugalingon
Undangon na nato ang pag-apas sa mga tawong imposible tang higugmaon
So para sa mga tangaon, unta kaning akong tula inyong paminawon
Ako usa ka babayeng tangaon
Mas tanga pas mga tawong gadulag Pokemon
Mga tawong, bisan sa dakong kagabin-on
Galakaw-lakaw sa kadalanon
Ang mga mata naa ras ilang mga cellphone
Mga tawong bisan gikapoy ug katulgon
Ang pagpangita ug Pokemon, ilogun lang japun
Sama sa mga Pokemon
Ang gugma nimo para nako palangitaon
Nga kung buot huna-hunaon
Dili man unta ko dapat magdahum
Kay sama sa pagpangita ug Pokemon
Ako ray galisod-lisod sa akong kaugalingon
Pero sama nako nga babayeng tangaon
Tanang lisod, sulungon
Tanang sakit, kayanon
Bisag mga bitoon
Kung makaya, akong kab-otun
Harun lang imo kong higugmaon
Wala koy pake sa ilang ipang-ingon
Basta kay ako, malipayon
Pero sama sa dula nga Pokemon
Dili sa tanang panahon
Ang pagpangita ug Pokemon kay sayon
Dili sa tanang panahon ka malipayon
Kay sama ka sa mga tawong gadulag Pokemon
Muabot ra jud ang panahon, nga ikaw balawon
Ug ako, dili na nimo tagdon
Kay sama ra ko sa dula nimo nga Pokemon
Kalingawan nimo sa mga panahon
Na sa kalaay ikaw abton
Ug dili nako matingala kung muabot man ang panahon
Nga imo kong i-uninstall sa imong cellphone
Sa sige nakog balik-balik sa word nga Pokemon, Pokemon, Pokemon
Nakabati ko nga sumo naman di ay paminawon
Ug dire nako na-realize nga dli raman di ay ko tangaon
Na-realize nako nga ako usa pud ka babayeng limtanon
Nalimot ko nga title sa dula kay dili raman di ay Pokemon
Nga ang title sa dula kay Pokemon Go
So, dili nako matingala kung muabot man ang panahon
Nga sa akong kinabuhi ikaw mu-go
Ug ako nakadesisyon
Nga undangon ko na ning akong show
Kaning akong feelings angay ng i-let go
Ug sugod karon
Maghinay-hinay nakog lie low
